Mark 10:17 - Kwatay (Kuwaataay)

¹⁷ Yesu ásitina bija bu, ake ániine n'áteyin abin áreeŋin, n'asaaho éejiŋgitan hágilao abe n'aano: —Ámuse u, awe eejake u, naŋ n'iware fu káhinu kaanuku iibaj buroŋ béehabanaariit bu?

Mark 10:17 ပူးပေါင်းရင်းမြစ်များ

Májiye 17:14

Hi Yesu n'eriboora i bákahaaji ku kábatikeina hu bibin ti hahooja hu, ake ániine n'átofin ti Yesu, n'asaaho éejiŋgitan hágilao

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Májiye 28:8

Haare hu ni kamoken keenuut t'élum i keeja. Kátumb kákoleyi naane, bare kikawiin nu kutoof yooŋ. Ni katey kaanuku keeja keesok bo eriboora yeene.

Mark 1:40

Ake ániine eebaje *yafot n'átofin áŋaabein Yesu. N'asaaho éejiŋgitan hágilao, abe n'áwasiyano aano: —Af'á̱maŋi, á̱nooniam káhinu íikoyi.

Mark 10:18

Yesu n'aano: —Iŋi naŋ n'a̱anam fu íñje ijake? Abajut fu an eejake, kane arko Atambatun unoono taŋ.

Mark 12:14

Káreeŋin ni kaano: —Ámuse u, írimoomi kaanuku awe an ite bifeeneŋ. Á̱koleyiit yooŋ an fe, ésuk i karare t'awe, ábuki á̱anaariit man an onde an ómbokun man yooŋ, abe aŋ'a̱liiken ésuk i múniyo mu ti bítim bite Atambatun. A̱sok uni fee, man uf'újaam *áyi ómbokun eeemo u Rom búhal, n'uŋ'útin *t'Eluwa yite Moyis, man yooŋ bayi? Úwarawar kajaamu bo, man yooŋ aaa?

Mark 9:25

Yesu n'ajuk kaanuku ésuk i bokondu ti kahaŋu káhoojina. N'akamoor t'erab éemuuma i, abe n'aane yo enuut t'añi u, etum'eŋk'eyooso te o.

Hirim Heetoofe hu hi Luk akiñje hu 10:25

Ake t'émuse yite *Eluwa yite Moyis n'ámaŋi kabuutu Yesu. N'arito abe n'aano: —Ámuse u, naŋ n'iware fu káhinu kaanuku iibaj buroŋ béehabanaariit bu?

Saaŋ 3:2

N'abin kike káajiim bibin ti Yesu abe n'aano: —Ámuse u, írimoomi kaanuku Atambatun áboñini fu kaanuku a̱abin a̱liiken uni; ábuki an ayinaat káhinu buroon bamb'á̱hin beehaŋe bu ésuk i kikaw t'Atambatun ariboorut ne o.

Saaŋ 5:39

Aŋ'ariŋesoor ti *Míkiñjin mu ábuki aŋ'ariene man múnooni kákinineŋ n'aribaj buroŋ béehabanaariit bu. Abe Míkiñjin mondu míhaminahamin uŋu húuma hu!

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Epotor i 16:30

Ahaban, n'ánuutanniin, abe n'ákandijeniin aaniin: —Kújakuwe, naŋ n'iware fu káhinu kaanuku iifak?

Epotor i 2:37

H'ésuk i kajame hu bondu, nu bugoriin faa tu suhol. Ni kákandijen Piyeer ni bakaaku epotor kaaniin: —Kújakuwe, kame naŋ n'iriware fu káhinu?

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.

Epotor i 9:6

Bare a̱rito a̱ayooso hikinu hu. Ake kasokii bo naŋ n'a̱ware fu káhinu.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 6:23

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

Esuwif i 1:14

Náami emalaka i boko naŋ? Kareyi fe ñúwejet barebare, iŋi karok bija t'Atambatun. Áboñiniinboñin kaanuku iŋi kabin káyokunan keeyak ku bibin kafaku.

1 Piyeer 1:4

abe úmoomi kaanuku úne kákini buroon beejake b'Atambatun anaŋe bu bija ti bakan koone. Buroon bondu biyinaat búbujo, biyinaat kabuubat, biyinaat yooŋ bútowuto. Atambatun anaŋanaŋ bo tu bufor bu bija t'aruun.

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.