Májiye 9:8 - Kwatay (Kuwaataay)

⁸ Hi hahooja hu hujuke hu bondu, ni kákoleyi kareyi fe. N'iŋi kasokoroor Atambatun naane awune i kúŋgowulan ku sembe sondu.

Májiye 9:8 ပူးပေါင်းရင်းမြစ်များ

Májiye 12:23

Hahooja hu fe ni hijahale, abe n'iŋi kaane: —*Añi Dafit fíya?

Májiye 15:31

Ésuk i ni kajahale fu dómbokun hi kajuke hu émuuma i ti báhamin, kéetime ku ni kákoyi, keeyinaat ku bija yooŋ ti bija, abe kéefuume ku n'iŋi kajuk. Náami keesokoroor Atambatun ite *Israyel.

Májiye 28:18

Yesu n'átofin abe n'aaniin: —Iwuneewun sembe tu buroon bu fe t'etiir bufor bu ni t'etaam i.

Májiye 5:16

Iyu yooŋ i meejaaŋe moonuun muware fu kajaaŋan ésuk i, kaanuku man ni kajuk meejake mamm'árihin, abe ni kasokoroor Faafuun eeemo u t'etiir.

Májiye 9:7

Ániine u n'arito abe n'ayeet.

Mark 2:12

Toko-toko, ániine u n'arito tu buhooŋu ésuk i fe, eeyit kabaŋ koone, abe n'ayeet. Kareyi fe ni kajahale dómbokun. Ni kasokoroor Atambatun iŋi kaane: —Úmusut kajuku bike naane bonde!

Mark 7:37

Ésuk i n'ejahale dómbombokun. N'iŋi kaane: —Bamb'áhin bireyi fe beejake! Aŋ'áhin kéejamaariit ku keejam, keeyinaat ku báhamin yooŋ kéehamin!

Hirim Heetoofe hu hi Luk akiñje hu 13:13

N'ásit sumoŋio te o, toko-toko yooŋ anaare u n'ásaarino, abe n'áyemi ti kasokoroor Atambatun.

Hirim Heetoofe hu hi Luk akiñje hu 17:15

Hi kajuke hu kaanuku kákoyia, ake tu boko n'ábatikein, aŋ'akaro asokoroor Atambatun ti kataŋku kep.

Hirim Heetoofe hu hi Luk akiñje hu 17:18

Yéeh, iŋi naŋ n'aamo fu an onde eeemo u amoosoora abine fu unoono eeene Atambatun eyeehen, abe bakaaku keeemo ku bakate *Israyel káhinut fu bo?

Hirim Heetoofe hu hi Luk akiñje hu 18:43

Toko-toko yooŋ, náami asiŋa ajuk. N'asa Yesu ti hiñaawu, aŋ'akaro asokoroor Atambatun. Hahooja hu hujuka bondu, n'iŋi kasokoroor yooŋ Atambatun.

Hirim Heetoofe hu hi Luk akiñje hu 2:20

Abe ehaawa i ni kabatuko ti kánikan Atambatun, abe ni kasokorooro iŋi bi kajame bu, abe ni kajuk yooŋ ni ñíkiniin. Ábuki naane amalaka u asokiin i, iyu yooŋ i bibaje fu.

Hirim Heetoofe hu hi Luk akiñje hu 23:47

H'aseef ite esulaan i ajuke hu bondu beebaje bii, n'asokoroor Atambatun abe n'aane: —Nu múniyo fu ániine onde an eejake!

Hirim Heetoofe hu hi Luk akiñje hu 7:16

Kareyi fe ni kajahale. N'iŋi kasokoroor Atambatun kaane: —*Ayiŋana ómbokun ite Atambatun abine fee t'úne beebe! Ni kaane yooŋ: —Atambatun abinabin karamu úne, úne bakan koone!

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

Epotor i 11:18

H'aamo hu kajama bondu, náami kabeba. Ni kasokoroor Atambatun kaane: —Kame fu Atambatun awuna yooŋ keenooto ku Esuwif bítim kaanuku keewatanooro wuhoofoor wooniin, keebaj buroŋ bite nu múniyo.

Epotor i 21:20

Hi kajame hu bondu, ni kasokoroor Atambatun abe ni kaane Pool: —Abuke, a̱jukajuk kaanuku Esuwif keereeŋe súñjune kayoosaa bítim bite *Kiris, abe kajokajok *Eluwa yite Moyis káhabanein.

Epotor i 4:21

Kéeyemie ku ti kajoonan ku ni kasooñ kákolinaniin, abe ni kawasaniin. Kátumbut kabaj bi kaware bu bukuuso te bo keenij tu boko, ábuki ésuk i fe émoomi ti kasokoroor Atambatun tu bondu beebaje bu.

2 Korent 9:13

Abe bondu b'arija bu káhinu, bo káwufoor kaanuku áriyilenayilen árihabanein. Bakan keehooje-hooj kasokoroor Atambatun iŋi naane aa árijeŋgin Hirim Heetoofe hite hu *Kiris, hondu h'áriyilene hu. Boko yooŋ kasokorooro iŋi naane aa áriruboor ebaj yeenuun nu boko, n'ésuk i ereyi yooŋ.

Galasi 1:24

Abe n'iŋi kasokoroor Atambatun uŋu húuma hu.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.