Májiye 9:13 - Kwatay (Kuwaataay)

¹³ Ariliiken kámeyi bonde b'Atambatun asoke bu ti *Míkiñjin mu. Aanaan: «Arijak ti bakaaku; bondu b'ímaŋie fu, bare *wusarah wíiit.» Ábuki ibinut karuwu bakan keejoŋoore ku, bare bísambaŋ bu.

Májiye 9:13 ပူးပေါင်းရင်းမြစ်များ

Májiye 12:3

Yesu n'aaniin: —Eeman kereŋ arijaŋgajaŋga bi *Dafit áhine bu, akina ni bakano, hu bujoñjol bujokiin hu?

Májiye 12:5

Man yooŋ arijaŋgeit *t'Eluwa yite Moyis kaanuku erimaas-rimaas fe, esaraha i *t'Enuuf ite Atambatun, naane ii karok toko fe, katina t'Eluwa i, bare Atambatun ajokut bo kaahoofoor?

Májiye 12:7

Kane árinandin yéeni bonde b'Atambatun asoke bu ti *Míkiñjin mu aane: «Arijak ti bakaaku; bondu b'ímaŋie fu, bare wusarah wíiit», man ariwatan bokonde keetinut ku.

Májiye 19:4

Yesu n'aaniin: —Eeman kereŋ arijaŋgajaŋga bonde ti *Míkiñjin mu? Meenaan: «H'Atambatun ajabe hu káwuwan dóonodoon fe, n'áhiniin ániine n'anaare.»

Májiye 21:42

Yesu n'aaniin: —Eeman arijaŋgajaŋga bonde beesokee bu ti *Míkiñjin mu? Meenaan: «Elaaliñj i y'enuta i káfiitene i yéeni, yo esooñe fu éyemi meeyane mite enuuf i. Atemit áhine fu bondu, abe bijahalajahal úne dómbokun!»

Májiye 3:2

—Ariwatanooro kinij koonuun keejakut ku, ábuki *Jáyi jite Atambatun júlohenno!

Májiye 3:8

Arinij ajakee, áriiwufoor kaanuku ariwatanooraa kinij koonuun keejakut ku.

Májiye 4:17

Áfiitin tu kóŋkeyin ni Yesu ajabe fu kawaare, aŋ'aane ésuk i: —Ariwatanooro kinij koonuun keejakut ku, ábuki *Jáyi jite Atambatun júlohenno!

Mark 12:26

Hite bíriteina bite keekete ku, kame arijaŋgeit ti kaawiit ku Moyis akiñje ku, tu busokee du iŋ'ite añoyi éeyelie u abe ásufeit? Bikiñjeekiñj kaanuku Atambatun aanaan Moyis: «Íñj'eemo fu Atambatun ite *Aburaham, *n'Isak, ni *Sakob.»

Mark 12:33

Húŋgowulan awarawar kámaŋi Atambatun t'eholo, ti yaan yeene, ti kaayinoor koone, ni ti sembe soone fe. Awarawar yooŋ kámaŋi áwiyo húŋgowulan naane ámaŋie i hikawo. Bondu bihaŋe fu ti kásufu kite sunuk su bija t'Atambatun, nu *wusarah wu fe.

Mark 2:17

Yesu n'ajam. N'ásafiniin aaniin: —Bakan keeemo káasuumaayiin kasawuleit asontena. Kéesomute ku kasawuloo fu. Ibinut karuwu bakan keejoŋoore ku, bare bísambaŋ bu kákinineŋe fu n'ibin.

Hirim Heetoofe hu hi Luk akiñje hu 10:26

Yesu n'aano: —Naŋ nikiñjee fu t'Eluwa yite y'úne? Hah'a̱jaŋga bo, naŋ n'af'a̱jok?

Hirim Heetoofe hu hi Luk akiñje hu 19:10

Ábuki *Añi ute Húŋgowulan hu abinabin kaŋesu bakan kéetowutee ku, abe n'afakaniin.

Hirim Heetoofe hu hi Luk akiñje hu 24:47

Abe eriboora yeene kawarawar kawaare tánotan fe t'etaam ye tu huruwu hoone, kéejabin Serusalem. Kawarawar kasoku ésuk i keewatanooro kinij kooniin keejakut ku man wuhoofoor wooniin nu wuboŋketee.

Hirim Heetoofe hu hi Luk akiñje hu 5:31

Yesu n'aaniin: —Bakan keeemo káasuumaayiin kasawuleit asontena. Kéesomute ku kasawuloo fu.

Hirim Heetoofe hu hi Luk akiñje hu 5:32

Ibinut karuwu bakan keejoŋoore ku, bare bísambaŋ bu kákinineŋe fu n'ibin kaanuku man buroŋ booniin nu buwayo.

Saaŋ 10:34

Yesu n'aaniin: —Bikiñjeekiñj ti kaawiit koonuun kite Eluwa i kaanuku Atambatun aanaan: «Aruun yooŋ etambatun.»

Epotor i 11:18

H'aamo hu kajama bondu, náami kabeba. Ni kasokoroor Atambatun kaane: —Kame fu Atambatun awuna yooŋ keenooto ku Esuwif bítim kaanuku keewatanooro wuhoofoor wooniin, keebaj buroŋ bite nu múniyo.

Epotor i 2:38

Piyeer n'aaniin: —Ariwatanooro kinij koonuun keejakut ku, abe huruw t'aruun n'áhin eebostee tu huruwu hite Yesu *Kiris man wuhoofoor woone nu wuboŋketee, abe Atambatun n'aŋ'awunuun Búwejet Beenabe bu.

Epotor i 20:21

Ilawalaw Esuwif i ni keenooto ku Esuwif eeniin kawas kinij kooniin keejakut ku kéejeŋgin Atambatun, abe ni káyilen t'Anahaan ite úne Yesu.

Epotor i 3:19

Náami ariwatanooro kinij koonuun keejakut ku, abe n'áriwuŋgan inde Atambatun man n'atot wuhoofoor woonuun.

Epotor i 5:31

Atambatun n'ayito inde *baatoso, abe n'áhino éeyemi Aseef *n'Afakana, kaanuku man *Israyel n'éyini buwatanooro kinij kooniin keejakut ku, wuhoofoor wooniin weeboŋketee.

2 Piyeer 3:9

Bakaake iŋi kaane Atemit ákurakuri ti káhinu b'asoke bu, bare tókoiit. Am aŋ'ámuñ n'aruun kep, ábuki ámaŋiit mayet afeeneŋ átowuto. Aaa, b'ámaŋie bu beemo fu huruw fe n'awatanooro wuhoofoor woone.