Májiye 7:21 - Kwatay (Kuwaataay)

²¹ —Káanukiiit huruw fe eeenam: «Anahaan u, Anahaan u», aja fu buyooso ti *Jáyi jite Atambatun, kane arko taŋ an éehine buroon bi Faafam eeemo u t'etiir ámaŋie bu.

Májiye 7:21 ပူးပေါင်းရင်းမြစ်များ

Májiye 12:50

An aa áhin bi Faafam eeemo u t'etiir ámaŋie bu, an ondu aamo fu at'am, ániinam, n'íñaayam toko.

Májiye 16:17

Náami Yesu eeeno: —Atoof t'awe Simoŋ, añi ite Sonas, ábuki húŋgowulaniit áwufoori fu bondu, bare Faafam eeemo u t'etiir.

Májiye 18:10

—Áriwasiyoor ti kahuufu kite ake t'eraan i ti kéeyilene ku t'íñje. Ábuki íñje isok fee n'aruun: emalaka yeeniin bokondu t'etiir, iŋi kasiiŋo kep hágila Faafam.

Májiye 18:19

«Iisokuun yooŋ bonde: bákasuba t'aruun ifi kajok ti bifeeneŋ, abe ni kalaw bo Atambatun Faafam eeemo u t'etiir, o kawuniiin bo.

Májiye 18:3

abe n'aaniin: —Iisokuun bifeeneŋ bu: afut'arihosanooro áriiyemi naane biñi, at'ariyooso hikee-kee ti *Jáyi jite Atambatun.

Májiye 18:35

Abe Yesu n'áwutiyen aane: —Iyu yooŋ i Faafam eeemo u t'etiir aja fu n'aruun fe kane arko huruw t'aruun aboŋketut áhabanein abukoo eetine te o.

Májiye 19:24

Iisokuun yooŋ bonde: éŋgelem áyinooni fíya buyooso t'efulu yite kaakiiku? Mayet fu! Bare buyooso bite an eebaje ti Jáyi jite Atambatun bihaŋe kátaañi.

Májiye 25:10

Náami kéewesinateit ku kaja kaanuku kéejoohenn, ániine u n'afin áreeŋin. Kaamo hutok hu keefaree ku ni kayooso ne o t'enuuf i ti kawanane du húkuben hu, abe karuŋ ku nu kukulee.

Májiye 25:21

Ániine u n'aano: “Iyu kep, awe aroka eejake, á̱jubajub. Makamu á̱jubajub tu buroon biŋgilis, hahiyu íñje kanaŋu tu sumoŋii buroon beehaŋe diyu. A̱bin, hikawi heetoof naane íñje.”

Májiye 26:39

N'atof diŋgilis, n'ájiŋgitan ayak abin áami buhooŋio biyaa t'etaam, abe n'alaw aane: —Faafa, t'á̱maŋie, á̱hin ekot yendu yite sílaam su yeekambam. Káanukiiit á̱ahin beetoofam bu, bare á̱hin beetoofi bu.

Májiye 26:42

N'asooñ atof húsooboriyan, abe n'alaw aane: —Faafa, arko ekot yende eyinaatee kanuutan t'íhujeit te yo, á̱hin kame ti kámaŋi kúuwe!

Mark 3:35

An aa áhin b'Atambatun ámaŋie bu, an ondu aamo fu at'am, ániinam, n'íñaayam toko.

Mark 9:47

Arko dike ti ñíkini ifi díkinineŋ n'a̱ney ti kaahoofoor, a̱nuutan do! Ahaŋ kajaku t'awe n'a̱yooso ti *Jáyi jite Atambatun káafeelin, bala á̱fiitenee sambuun ni ñíkini t'ésuba te ño,

Hirim Heetoofe hu hi Luk akiñje hu 11:28

Bare Yesu n'aano: —Ti kiŋki kajamatan hirim hite Atambatun, abe ni kajok ho t'ahaŋe fu katoofu!

Hirim Heetoofe hu hi Luk akiñje hu 13:25

«Ate enuuf i af'abin arito abe n'akul karuŋ ku, aruun káyemi tíyaŋ. Aruun kakoŋkoŋan, abe n'aŋ'ariene: “Anahaan u, Anahaan u, á̱feŋgin uni!” Bare akina kásafinuun aanuun: “Ímeyiit t'árinuutina du!”

Hirim Heetoofe hu hi Luk akiñje hu 18:25

Éŋgelem áyinooni fíya buyooso t'efulu yite kaakiiku? Mayet fu! Bare buyooso bite an eebaje ti Jáyi jite Atambatun bihaŋe kátaañi.

Hirim Heetoofe hu hi Luk akiñje hu 6:46

—Iŋi naŋ n'af'ariboo kaaniam: «Anahaan u, Anahaan u», abe árihinaariit bimb'isokuun?

Saaŋ 14:7

Af'árimeyiam, n'aŋ'árimeyi yooŋ Faafam. Abe hahiye árimoomio, abe arijuko yooŋ.

Saaŋ 15:23

An eehuufam u, ahuufa yooŋ Faafam.

Saaŋ 3:5

Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

Saaŋ 5:17

Bare Yesu n'aaniin: —Faafam ondu tu burok ko kireyi fe, íñje yooŋ íñj'endu tu burok.

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 7:17

An af'ámaŋi káhinu b'Atambatun ámaŋie bu, o kámeyi man bimb'iliiken ésuk i, t'Atambatun tu búnuutina fu, man yooŋ íñje iŋ'inoŋk iisok.

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Eleetar i yi Pool akiñje i bakate ku Rom 12:2

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

Eleetar i yi Pool akiñje i bakate ku Rom 2:13

Káanukiiit kiŋki kajamatan Eluwa i abe araanee toko kaamo fu kéejube ku t'Atambatun; aaa, kéejube ku te o kaamo fu kiŋki káhin naane esoke i.

Efees 6:6

Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 4:3

Bonde b'Atambatun ámaŋie fu: áriiyemi bakan keenabe. Aamo fu atum'ariŋot ni bakan k'ariseñeit.

1 Tesalonik 5:18

doon fe deeyak kabaju, arieno eyeehen. Bo b'ámaŋie fu t'aruun kéehine ku t'afeeneŋ ni Yesu *Kiris.

Eleetar i yi Pool akiñje i Tit 1:16

Iŋi kaane kámoomi Atambatun, bare kinij kooniin kúwufoorawufoor kaanuku tókoiit. Káhuufunanahuufunani, kájeŋginaariit Atambatun, abe yooŋ kayinaat káhinu mayet bifeeneŋ beejake.

Esuwif i 4:6

Étiyar i ti kajamu kite Hirim Heetoofe hu kayooseit toko aŋarkeyi naane kájeŋginut Atambatun. Bakaake bare káyinooni buyooso toko.

Saak 1:22

Atum'ariraan ti kajamatan hirim hite Atambatun barebare, bare árihin yooŋ naane husoke i. Káhinaate iyu, n'aŋ'aribuut kikawuun.

1 Piyeer 2:15

Ábuki fu Atambatun ámaŋamaŋi aŋ'árihin ajakee, ñutum ñite keesoŋotee ku kéemeyiit ku doon ñeekumbo.

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.

Kafeeñal ku 2:27

O kahaawu so nu hútaŋkaru hite mañ; o kawelej so naane simeenaay site ekaf.

Kafeeñal ku 22:14

Atoof ti kiŋki kañaw wañ wooniin. Boko kaŋaasu tu wuruŋ wute hikinu hu keeyooso, abe n'iŋi káyini kateŋu ti miriyaay mite nunukanuk nunnu nuwun buroŋ bu.

Kafeeñal ku 3:5

An fe eeyak kariiŋan, o bisiimo wañ weefañje naane boko. It'itot huruwu hoone ti kaawiit kite buroŋ bu. Íñje kasoku tu buhooŋu Faafam n'emalaka yeene kaanuku akina an úuma.