Májiye 7:15 - Kwatay (Kuwaataay)

¹⁵ —Arinaŋ kikawuun ti kiŋki kajuus kaane boko kaamo *eyiŋana yite Atambatun. Iŋi káneenianooro naane bimetek, bare tu ñúwejet ñooniin, bindaafaan béefetie bi kaamo fu.

Májiye 7:15 ပူးပေါင်းရင်းမြစ်များ

Májiye 10:17

Arinaŋ kikawuun t'ésuk i. Ábuki bakan kajokuuun kaanuku keeja keejoonanuun. Aruun kámiñiee kikarawas ti *ñáalawum ñite ñ'úne.

Májiye 16:11

Buŋ b'arijokut fu ariike kaanuku kúmburiiit k'isokuun fu? Arinaŋ kikawuun t'élefir ite Efarisiyeŋ i, ni yite Esaduseyeŋ i.

Májiye 16:6

Yesu n'aaniin: —Áriwasiyoor, arinaŋ kikawuun *t'élefir ite *Efarisiyeŋ i, ni yite *Esaduseyeŋ i.

Májiye 24:11

Kabaju yooŋ keehooje keeyak kajuusu kaane boko kaamo *eyiŋana yite Atambatun, abe boko kabuutu bakan keehooje.

Májiye 7:14

Bare karuŋ kite buroŋ béehabanaariit bu kiyiitayiit, éhuhu yeeje i bo yooŋ érimarim, abe kiŋki kajuk yo kahoojut.

Hirim Heetoofe hu hi Luk akiñje hu 12:15

Ahaban, n'aane hahooja hu hireyi: —Arinaŋ toko kikawuun, áriwasiyoor bimero bite ebaj i, ábuki húŋgowulan, áyemi husaanum are buŋ fíya, buroŋ boone bunooto t'ebaj yeene.

Hirim Heetoofe hu hi Luk akiñje hu 6:26

«Átaañi t'aruun kane ésuk i fe kasokorooruun, ábuki iyu i sifaafiin ifi káhinaani kiŋki kajuus kaane boko kaamo eyiŋana yite Atambatun!

Saaŋ 10:12

An eeje jíhaaw kaanuku taŋ aŋ'ajaamee, butum ákinaiit af'afiy ahaaw síkarniina su, soone síiit yooŋ, af'aŋandan kandaafaan ti bibin kep, o kateyi eewas toko síkarniina su. Kandaafaan ku kayoolu toko sike, ni kiyisaloolan saasu.

Epotor i 13:40

Náami arinaŋ toko kikawuun man bonde b'eyiŋana yite Atambatun kasoke bu itim bibajuun. Kaanaan:

Epotor i 13:6

H'aamo hu kakana ekiŋk i ereyi fe, ni kareeŋ Pafos. Ni kaŋaabo bo ake ániine álugusa, huruwu hoone Bar-Yesu. Akina Asuwif, abe n'aŋ'ajuus aane akina aamo *ayiŋana ite Atambatun.

Galasi 2:4

Abajeebaj ejuusa kéenuusee kéeŋaabeina uni, kaanuku keejuk naane iriwaayene i ariike, aŋarkeyi naane írihinahin t'afeeneŋ ni Yesu *Kiris. Kámaŋamaŋi káhinu uni íriiyemi búsukateen bite Eluwa yite Esuwif i.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Efees 5:6

Kunoŋk naane kondu ifi kíkinineŋ Atambatun n'ayiŋat ti kiŋki kateñeko kájeŋgino. Náami an atum'abuutuun ni báhamin beeñunut.

Fílip 3:2

Aritey kiŋki káhin beejakut bu, keeemo ku búkuruk, abe ni kajok *kateyi karam doon dómbokun!

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

2 Timote 3:13

Bare kéenafute ku ni ñatuuk ñu, boko kahaŋu ti meejakut mooniin kep. Boko kabuutu bakaaku, abe boko kumuumiin yooŋ kabuutiee.

2 Timote 4:3

Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo. Boko kajoŋoor nu wúfaŋi wooniin. Boko kaŋesu bakan keehooje iŋi kabin kaliikeniin bimbi kámaŋi kajamu.

2 Piyeer 3:17

Kújakuwe, aruun k'ímaŋie-maŋie ku, aruun bare, ariheeka áriimeyi bonde. Iŋ'ite ho aamo fu aritey énafuta i, itim kabin kahiilanuun ti kájuumu kooniin, kéehinuun atum'aŋk'arijok alitee.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.

Kafeeñal ku 16:13

N'ijuk sirab síhaaji seenokoore nu buhoon nu súnuutin, eke tu butum bite éjufuur i, eke tu butum bite éndakakureŋ i, eke tu butum bite an u aa ajuus aane akina ayiŋana ite Atambatun.

Kafeeñal ku 17:6

N'ijuk kaanuku anaare ondu áwusanawusan. Áhujahujo halan hite bakan kite Atambatun, bakan keeyoolee ku iŋi naane ii kaseede Yesu. H'ijuko hu, n'ijahale dómbokun.

Kafeeñal ku 19:20

Éndakakureŋ i n'ejokee, yo n'an u aa ajuus aane akina *ayiŋana ite Atambatun, eebine u áhin buroon beehaŋe bu ésuk i kikaw tu buhooŋu éndakakureŋ i. (Nu bondu beehaŋe bu ésuk i kikaw n'abuute fu bakan kéeyekie ku ékeetanuma yite éndakakureŋ i, abe n'iŋi kásukaay búwisenum bite te yo.) Éndakakureŋ i n'an u aa ajuus aane akina ayiŋana ite Atambatun ni káfiitenee bároŋari ti han hite sineemak su n'efor yéesufe i.

Kafeeñal ku 20:10

Náami Setani aa abuut biheet bu áfiitenee ti han hite sineemak su n'efor yéesufe i, t'éndakakureŋ i éfiitenee du yéeni, yo n'ajuusa eeene u akina *ayiŋana ite Atambatun. Kabaa káhihinooree bújom tujon hiraanu.