Májiye 7:13 - Kwatay (Kuwaataay)

¹³ —Ariŋaas ti karuŋ keeyiite ku! Ábuki karuŋ kite bútowuto bu hiraanu kiŋabaŋab, éhuhu yeeje i bo yooŋ ejaaŋajaaŋ, abe kiŋki kaŋaas toko kahoojahooj.

Májiye 7:13 ပူးပေါင်းရင်းမြစ်များ

Májiye 23:13

—Átaañi t'aruun *émuse yite Eluwa yite Moyis, n'aruun *Efarisiyeŋ i! Ñatuuk ñondu! Arikulakul ésuk i tíyaŋ *Jáyi jite Atambatun. Ariyooseit toko aruun kumuumuun, abe n'ariteñeko yooŋ kawasu kéemaŋie ku keeyooso.

Májiye 25:41

«Ahaban, n'aŋ'aane keeemo ku inde baamayo: “Arikambam, aruun k'Atambatun áwuume ku! Arija ti sineemak séehokaariit su, seefaree su bija ti Setani n'emalaka yeene!

Májiye 25:46

Yesu n'áwutiyen aane: —Abe boko bija tu kúnuur kéehabanaariit ku, kéejube ku keefin keeja tu buroŋ béehabanaariit bu.

Májiye 3:2

—Ariwatanooro kinij koonuun keejakut ku, ábuki *Jáyi jite Atambatun júlohenno!

Májiye 3:8

Arinij ajakee, áriiwufoor kaanuku ariwatanooraa kinij koonuun keejakut ku.

Májiye 7:14

Bare karuŋ kite buroŋ béehabanaariit bu kiyiitayiit, éhuhu yeeje i bo yooŋ érimarim, abe kiŋki kajuk yo kahoojut.

Hirim Heetoofe hu hi Luk akiñje hu 14:33

Yesu n'asooñ aane: —Náami an t'aruun ayinaat káyemi ariboora úuma kane arko áwuŋgut hiñaawu doon d'abaje du fe.

Hirim Heetoofe hu hi Luk akiñje hu 9:33

Háyine hondu káyemia ti kawasoor ku ni Yesu, Piyeer n'aano: —Anahaan u, ajakeejak naane iriemo i diye. Iriirok múwuureey míhaaji, ake bija t'awe, ake bija tu Moyis, ake bija t'Eli. (Áhaminahamin t'ayinoorut.)

Saaŋ 10:9

Íñj'eemo fu karuŋ ku. An eeŋaase u t'íñje, o kafaku. Áyinooni buyooso abe n'ánuutin, abe akina kabaju eehoofooro.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Epotor i 3:19

Náami ariwatanooro kinij koonuun keejakut ku, abe n'áriwuŋgan inde Atambatun man n'atot wuhoofoor woonuun.

Eleetar i yi Pool akiñje i bakate ku Rom 9:22

Atambatun ámaŋamaŋi káwufoor kaanuku ayiŋatayiŋat ti bakan kéesufano ku ehol, abe ni kajar kayooliee, kaanuku man sembe soone nu sujukee tu boko. Bare áhinut bo, ámuñaliinmuñal dómbombokun.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 6:17

Iŋ'ite ho h'Atemit aane fu: «Arinuut ti kéeyilenut ku áriiyemi káasiŋuun. Atum'arigor mayet doon *deekuurut, abe n'iŋ'ijokuun áwariee.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Fílip 3:19

boko búmuje tu bútowuto, ábuki kariin keemo fu etambatun yeeniin, abe beewariin bu yéeni káhinu keefuño, ne bo n'ifi kasaŋgoor. Buroon bite bu t'etaam ye taŋ b'ifi kayinoor.

1 Saaŋ 5:19

Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 20:15

An fe eeemo huruwu hoone hikiñjutee ti kaawiit kite buroŋ bu, n'áfiitenee ti han hite sineemak su.

Kafeeñal ku 20:3

N'áfiiten yo ti kaayeen kéesulie-sulie ku; ahaban, n'akul karuŋ ku n'ejaab, abe n'árur ko tíyaŋ, kaanuku éjufuur i etum'eŋk'éyini kabuutu biheet bu ayak abin áami yooŋ simit su éñjune i sihabanaa. Simit sondu ifi sihabano, ewareewar káfaakin, bare kunak keefamut.