Májiye 6:5 - Kwatay (Kuwaataay)

⁵ —Af'áriyemi ti kalawu, atum'aŋ'árihin naane ñatuuk ñu. Iŋi kámaŋi bisiiŋo keelaw ti *ñáalawum ñite ñ'úne, man yooŋ ti sifiñjan su, t'ésuk i eyino kajukiiin. Iisokuun bifeeneŋ bu: kaheeka keebaj hisiibanu hooniin.

Májiye 6:5 ပူးပေါင်းရင်းမြစ်များ

Májiye 21:22

Af'áriyilen t'Atambatun, doon d'arilawe fe, aruun kawuniee do.

Májiye 23:13

—Átaañi t'aruun *émuse yite Eluwa yite Moyis, n'aruun *Efarisiyeŋ i! Ñatuuk ñondu! Arikulakul ésuk i tíyaŋ *Jáyi jite Atambatun. Ariyooseit toko aruun kumuumuun, abe n'ariteñeko yooŋ kawasu kéemaŋie ku keeyooso.

Májiye 23:5

Buroon bimbi káhin fe bite búwuforooro: arijuk naane muroon mimmi kakob tu kúyuutiin ni ti sitekiin, méeyekie mu kike kirim kite *Míkiñjin mu mihahe i; iŋi káhin yooŋ balis bite wújufa wooniin bihaŋ bite b'ésuk i kakambu.

Májiye 23:6

Hiriy ifi hibaj, iŋi kámaŋi kajab kariiko keewun ésuk i; ti *ñáalawum ñu, boko ifi kariiko hágila.

Májiye 6:1

—Bamb'árihin bite ti bítim bite Atambatun, áriwasiyoor ti káhinu kite te bo tu buhooŋu ésuk i kaanuku keejukuun. Af'aŋ'árihin bo hágilaiin, at'aribaj hisiibanu ti Faafuun eeemo u t'etiir.

Májiye 6:16

—*Af'ariwoor, atum'áritaañian ñuhooŋuuun naane ñatuuk ñu. Iŋi kákojian ñuhooŋiiin, kéewufoor ésuk i kaanuku bokondu ti baawoor. Iisokuun bifeeneŋ bu: kaheeka keebaj hisiibanu hooniin.

Májiye 6:2

«Af'á̱yemi ti kasarah an eebajut, atum'a̱heñjoor ésuk i kéeheelini, naane ñatuuk ñu ii káhin ti *ñáalawum ñite ñ'úne, nu tu búhuhu bu. Iŋi káhin iyu kaanuku ésuk i keesokorooriin. Iisokuun bifeeneŋ bu: kaheeka keebaj hisiibanu hooniin.

Májiye 9:38

Arilaw ate múwañiin mu man n'áwutiyen bakan keebin kéehotukano.

Mark 11:25

Abe n'arisiiŋo kaanuku ariilaw, bakan keetine ku t'aruun fe ariboŋketiin, man Faafuun eeemo u t'etiir n'aboŋketuun yooŋ wuhoofoor woonuun.

Mark 12:38

Yesu n'aliiken ésuk i aaniin: —Arinaŋ toko kikawuun *t'émuse yite *Eluwa yite Moyis, kéemaŋie kee kañaahoor nu wañ wéewarie, abe ni kámaŋi ésuk i eŋ'erito yeesaafiin ti sifiñjan su.

Hirim Heetoofe hu hi Luk akiñje hu 11:43

«Átaañi t'aruun Efarisiyeŋ i! Aŋ'árimaŋi biriiko hágila ti *ñáalawum ñu, abe n'árimaŋi yooŋ ésuk i eŋ'erito yeesaafuun ti sifiñjan su.

Hirim Heetoofe hu hi Luk akiñje hu 18:1

Yesu n'asok eriboora yeene beekolofanee bonde, éewufooriin kaanuku kawarawar kalawu ko kireyi fe, itim kawas.

Hirim Heetoofe hu hi Luk akiñje hu 18:13

Bare asaa ite búhal bu n'ásiiŋein unoono naane iya. Ayitut yooŋ ñíkino t'etiir, bare n'asejo sumoŋio, abe n'alaw aane: «Atambatun, waasi, a̱yubiyenam, ábuki íñje ahoofoora.»

Hirim Heetoofe hu hi Luk akiñje hu 20:47

Iŋi kamer haare hu ki bákayiniin kakete ku, keeyit buroon booniin fe. Abe káyemi ti kalawu, n'iŋi kafiyo naane, t'abin aane boko kajake. Atambatun kaniju tu boko ahaŋ diyu.

Hirim Heetoofe hu hi Luk akiñje hu 6:24

«Bare átaañi t'aruun kusaanum ku, ábuki ariheeka ariibaj katoofu koonuun!

Saaŋ 16:24

Bija t'úmiye, arilawut doon fe tu huruwu húuma. Arilaw, abe n'aŋ'ariwunee. Iyu, kikawuun n'uŋu kutoof dómbokun.

Efees 6:18

Naane biyino i káyemi fe, arilaw Atambatun ko kireyi fe naane Búwejet Beenabe bu biyakuun i káwufoor. Siheluun síniyo, abe n'aŋ'arilaw kep bija ti bakan kite Atambatun kareyi fe.

1 Tesalonik 5:17

ko kireyi fe arilaw Atambatun;

Saak 4:6

Bare Atambatun ásoniyanasoniyan úne ahaŋ diyu tu dómbokun, ábuki Míkiñjin mu meenaan: «Atambatun aŋ'ásokum kiŋki kayitooro, bare kiŋki kátetianooro aŋ'ásoniyaniin.»