Májiye 5:9 - Kwatay (Kuwaataay)

⁹ Atoof ti kiŋki kaŋes káhinu ésuk i keebukan, ábuki Atambatun kajokiiin naane bakañio!

Májiye 5:9 ပူးပေါင်းရင်းမြစ်များ

Májiye 5:45

Iyu, n'aŋ'áriwufoor kaanuku aruun ariemo fu biñi bite Faafuun eeemo u t'etiir. Ábuki aŋ'áhin taanak toone téerumin ti keejake ku ni ti kéenafute ku, n'áhin yooŋ etiir i yéenubin ti kiŋki kanij ajakee ni kéenijaariit ku.

Májiye 5:48

Faafuun eeemo u t'etiir aŋ'akuur but; aruun yooŋ áriyemi naane akina.

Hirim Heetoofe hu hi Luk akiñje hu 20:36

It'iŋki káyini kaketu, ábuki buroŋ booniin káyemi naane bite emalaka i. Boko biñi bite Atambatun, ábuki káriteino t'eket i.

Hirim Heetoofe hu hi Luk akiñje hu 6:35

N'afin áami aruun, árimaŋi enatoora yeenuun, abe n'árihiniin meejake. Arimaageniin yooŋ, abe n'arinuutan toko siheluun. Af'árihiniin iyu, aruun kabaju hisiibanu hómbokun, abe n'aŋ'áriyemi biñi bite Atambatun eeemo u t'etiir-t'etiir. Ábuki ajakajak ti kéeenaariit ku eyeehen, ni kéenafute ku.

Epotor i 7:26

Tifiit, Moyis n'ajuk bákasuba bakate Israyel t'elob, n'aŋes káhiniiin keebukan. N'aaniin: “Kújakuwe, aruun an n'at'o. N'arisooñ arilob iŋi naŋ?”

Eleetar i yi Pool akiñje i bakate ku Rom 12:18

Af'aribaj bítim, árihin wáhowah ariijamoor n'ésuk i fe.

Eleetar i yi Pool akiñje i bakate ku Rom 8:14

Ábuki kiŋki kawas Búwejet bite Atambatun béewufooriin bítim bu, bokondu bakañi Atambatun.

Eleetar i yi Pool akiñje i bakate ku Rom 8:16

Búwejet Beenabe bu humuum hite te bo búwufoorawufoor búwejet bite b'úne kaanuku úne bakañi Atambatun.

Eleetar i yi Pool akiñje i bakate ku Rom 8:19

Aduna i ereyi fe yeeemo i Atambatun áwuwane fu yo emokena kajuku kóyin k'aja ku káwufoor aañiin kaamo fu bakañio.

1 Korent 6:6

Jeh! An éeyilene n'aja atinan áwiyo éeyilene, abe yooŋ ti kéeyilenut ku, bondu fíya buwarawar kabaju?

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

2 Korent 5:20

Náami uni bakan ki Kiris aboñe, abe ti sembe soone t'if'írihamin, anokoor naane Atambatun humuumo af'áhaminuun. Uni bokondu ti káwasiyanuun bonde tu huruwu hite Kiris: waasuun, atum'ariteñeko kabukan ku n'Atambatun.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Fílip 4:2

Íñj'endu ti kalawu haare honde t'ésubaiin, Ewodi ni Sentis, waasi, kajokoor naane huruw n'at'o, ábuki Anahaan u ákiniuun fu.

Kolos 3:13

Árimuñalool, abe n'aŋ'ariboŋketoor yooŋ kane ake atin t'áwiyo. Naane Anahaan u aboŋketuun i, ariboŋketoor iyu yooŋ.

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.