Májiye 5:6 - Kwatay (Kuwaataay)

⁶ Atoof ti kéemaŋie ku káhabanein káhinu b'Atambatun ámaŋie bu, ábuki akina kawuniiin bo kafaman!

Májiye 5:6 ပူးပေါင်းရင်းမြစ်များ

Hirim Heetoofe hu hi Luk akiñje hu 1:53

awunawun keejoñjolate ku ebaj, abe kusaanum ku, n'ayeetaniin sumoŋiiin fuufu te so.

Hirim Heetoofe hu hi Luk akiñje hu 6:21

Atoof t'aruun keejoñjolate ku hahiye, ábuki aruun bibin kabiru bib! Atoof t'aruun keeyiy ku hahiye, ábuki aruun bibin kásuwu!

Hirim Heetoofe hu hi Luk akiñje hu 6:25

Átaañi t'aruun keebire ku hahiye, ábuki aruun bibin kajoñjolat! Átaañi t'aruun kéesuw ku hahiye, ábuki aruun káyemi ti kátaañi, abe aruun kayiyu!

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 7:37

Hunak hiraanu hu hite efeet i heemo fu yooŋ hómbokun hu. Yesu n'asiiŋo t'etut ésuk i abe n'áhamin t'etiir aane: —An i nukuno nisaye, abin t'íñje éehujo.

Kafeeñal ku 7:16

Karoŋut kajoñjolat, ñukuniin yooŋ ñuroŋut kasayi; taanak tu turoŋutiin kabutu, ni kásufa kánokan fe.