Májiye 5:18 - Kwatay (Kuwaataay)

¹⁸ Iisokuun bifeeneŋ bu: naane bufor bu biyak i bifiyo fe n'etaam i, núhuunu neehaŋe nu káteti fe ti beekiñjee bu ti kaawiit kite Eluwa i utu nútowuto hikee-kee, ayak abin áami yooŋ beesokee bu te yo fe bibaja.

Májiye 5:18 ပူးပေါင်းရင်းမြစ်များ

Májiye 10:15

Iisokuun bifeeneŋ bu: hunak h'Atambatun aja hu Kajoonan te ho, sílaam site bakate ti hikinu hondu kahaŋu site bakate ku *Sodom nu *Gomoor.

Májiye 10:23

Ifi káhihinooruun ti heehe hikinu, aritey bija ti hike. Iisokuun bifeeneŋ bu: *Añi ute Húŋgowulan hu bibin t'áritumboorut arihaban kawaare koonuun tu búsuk bite *Israyel bireyi fe.

Májiye 10:42

Iisokuun bifeeneŋ bu: an af'ajok áwariee ake t'eraan i ti kéeyilene ku t'íñje, hutoof ekot efeeneŋ ite móhujo y'awuno éehujo aŋarkeyi naane akina ariboora úuma, Atambatun kasiibano.

Májiye 11:11

Yesu n'asooñ aaniin: —Iisokuun bifeeneŋ bu: tu kúŋgowulan kéewuwina ku fe, abajut an eereeŋe Sambatiis. Bare an eehaŋe u fe káteti ti *Jáyi jite Atambatun ahaŋahaŋ Saaŋ.

Májiye 13:17

Iisokuun bifeeneŋ bu: keehooje t'eyiŋana yite Atambatun, ni bakan kéejube kámaŋaanamaŋaani kajuku bamb'arijuk iye, bare kajukut bo. Ni kámaŋi yooŋ kajamu bamb'arijam iye, bare kajamut bo.

Májiye 16:28

Iisokuun bifeeneŋ bu: bakaake ti keeemo kee diye iti kaket ti kajukut Añi ute Húŋgowulan hu ti bibin ti Jáyi joone.

Májiye 17:20

Yesu n'aaniin: —Aŋarkeyi naane káyilen koonuun kifamut. Iisokuun bifeeneŋ bu: af'aribaj káyilen, hutoof yooŋ kíteti naane anawaay ite *emutard, aruun kaanu hirij hondu: «A̱nuut diyu a̱aja baaba», ho katofu. Doon iti dijahaluun mayet.

Májiye 18:18

—Iisokuun bifeeneŋ bu: bamb'aŋ'ariyak kasiiŋan kaanuku ésuk i kawarut bo káhinu t'etaam ye, Atambatun kariboor n'aruun; bamb'aŋ'ariyak kasiiŋan kaanuku káyinooni bo káhinu t'etaam ye, Atambatun kariboor n'aruun.

Májiye 18:3

abe n'aaniin: —Iisokuun bifeeneŋ bu: afut'arihosanooro áriiyemi naane biñi, at'ariyooso hikee-kee ti *Jáyi jite Atambatun.

Májiye 19:23

Náami Yesu eeene eriboora yeene: —Iisokuun bifeeneŋ bu: buyooso bite ti Jáyi jite Atambatun bítaañataañi faa t'an eebaje.

Májiye 19:28

Yesu n'aaniin: —Iisokuun bifeeneŋ bu: etaam éyeni i ef'esiiŋo, abe *Añi ute Húŋgowulan hu n'ariiko t'eriikeey yeene yite híyiaate hu yéenike i, aruun sumoŋu ni bákasuba ku keesao ku ti hiñaawu, aruun yooŋ biriiko ti biriikeey bite bákayi, áriiyemi eseef ite sunuuf site *Israyel sumoŋu nu súsuba su.

Májiye 21:21

Yesu n'aaniin: —Iisokuun bifeeneŋ bu: af'aribaj káyilen, abe árihinut sihel súsuba, aruun káyini káhinu b'íhine bee nífigiye nondu. Aruun yooŋ kaanu hirij hondu: «A̱nuut diyu a̱aja á̱tuuso káajuŋeey», bo yooŋ kabaju.

Májiye 21:31

Yesu n'ákandijen eseef ite *esaraha i, ni *sifaaf su aaniin: —Aañ tu boko áhine fu bi faafiin ámaŋie bu? Ni kaano: —Aneemak u. Náami Yesu eeeniin: —Iisokuun bifeeneŋ bu: *esaa yite búhal bu, ni kiŋki kafurukato kajabu kayoosouun ti *Jáyi jite Atambatun.

Májiye 23:36

Iisokuun bifeeneŋ bu: kúnuur kondu fe, aruun bakate ku hahiye arija fu ko kajuku iŋi bokondu keeyoolee kii fe!

Májiye 24:2

Náami eeeniin: —Arijuka kiñaan kondu fe? Iisokuun bifeeneŋ bu: bibin birko, an at'aŋk'ajuk diyu ejuju yeelaŋgatanee t'eke; kiñaan ku kireyi fe káfiitenee.

Májiye 24:47

Iisokuun bifeeneŋ bu: ate enuuf i kasaano yooŋ buroon b'áyekie bu fe aŋ'ajukaro bo.

Májiye 25:12

Bare ániine u n'aaniin: “Iisokuun bifeeneŋ bu: ímeyiituun.”»

Májiye 25:40

Áyi u kásafiniin aaniin: «Iisokuun bifeeneŋ bu: híhinin fe h'árihine bo ake ti keehaŋe ku káteti tu bokonde keeemo ku naane bakat'am, íñje árihine fu bo.»

Májiye 25:45

Áyi u n'aŋ'aaniin: “Iisokuun bifeeneŋ bu: híhinin fe h'ariteñekee káhinu bo ake ti keehaŋe ku káteti, íñje ariteñekee fu káhinu bo.”»

Májiye 5:26

Abe íñje isok fee n'awe: at'á̱nuutin hikee t'ekulu i, a̱jendan kajaamu bija t'érirem eraan i tej.

Májiye 6:16

—*Af'ariwoor, atum'áritaañian ñuhooŋuuun naane ñatuuk ñu. Iŋi kákojian ñuhooŋiiin, kéewufoor ésuk i kaanuku bokondu ti baawoor. Iisokuun bifeeneŋ bu: kaheeka keebaj hisiibanu hooniin.

Májiye 6:2

«Af'á̱yemi ti kasarah an eebajut, atum'a̱heñjoor ésuk i kéeheelini, naane ñatuuk ñu ii káhin ti *ñáalawum ñite ñ'úne, nu tu búhuhu bu. Iŋi káhin iyu kaanuku ésuk i keesokorooriin. Iisokuun bifeeneŋ bu: kaheeka keebaj hisiibanu hooniin.

Májiye 8:10

Hi Yesu ajame hu kirim kondu, hikawo nu hutoof naane. N'aane keesao ku ti hiñaawu: —Iisokuun bifeeneŋ bu: ti bakate ku *Israyel fe, ímusut kajuku an eebaje káyilen naane konde.

Mark 10:15

Iisokuun bifeeneŋ bu: an afut'áhinooro naane añi, eejok Jáyi jite Atambatun, at'ayooso te jo hikee-kee.

Mark 10:29

Yesu n'aaniin: —Iisokuun bifeeneŋ bu: an af'awas enuuf yeene, man yooŋ bakat'o, bákaniino, íñaayo, faafo, bakañio, man yooŋ kitaaŋaat koone uŋu húuma hu ni Hirim Heetoofe hu,

Mark 11:23

Iisokuun bifeeneŋ bu: an af'aane hirij hondu: «A̱nuut diyu a̱aja á̱tuuso káajuŋeey», abe áhinut sihel súsuba, bare n'áyilen kaanuku bo kabaju, akina kawuniee bo.

Mark 12:43

Yesu n'áruwin eriboora yeene abe n'aaniin: —Iisokuun bifeeneŋ bu: anaare ondu eebajut ii, abe yooŋ áyino aketaket, doon d'ajoloŋane du diyu dihaŋahaŋ dite du bakaaku fe.

Mark 13:30

Iisokuun bifeeneŋ bu: bakate ku hahiye iti kaket kareyi tu bondu fe bibajoorut.

Mark 14:18

Bokondu tu buñoofo bu, Yesu n'aane: —Iisokuun bifeeneŋ bu: ake t'aruun keeñoofo kee n'íñje kásikiam asaan bakan.

Mark 14:25

Iisokuun bifeeneŋ bu: iroŋut kasooñu íhujo ébiñ, bija yooŋ hunak h'ija hu búhujo éyeni ti Jáyi jite Atambatun.

Mark 14:30

Yesu n'aano: —Iisoki bifeeneŋ bu: humuum káajiim konde, bala káajuloon ku kusok kiyak kibatikan, awe kaanu á̱meyiitam kireeŋ kíhaaji.

Mark 14:9

Iisokuun bifeeneŋ bu: tánotan fe t'etaam ye ti Hirim Heetoofe hu hiyakee du kawaare, ésuk i kasoku b'anaare onde áhine bee kaanuku iŋi kabin kábaŋinoo.

Mark 3:28

«Iisokuun bifeeneŋ bu: Atambatun áyinooni kaboŋket ésuk i wuhoofoor wooniin, ni naane kayako i fe kálafatin.

Mark 6:11

Bare ni kafin kateñekouun tike tiŋ, man yooŋ ni kateñeko kajamatanuun, arihaŋk hafor heeemo hu tu wuwotuun fe, abe n'arinuut toko, keejuk ni ñíkiniin kaanuku Atambatun ondu ti kanahaniin.

Mark 8:12

Yesu n'ayih rooh abe n'aaniin: —Iŋi naŋ ni bakate ku hahiye kámaŋie fu kajuku bike beehaŋiin kikaw? Aaa! Iisokuun bifeeneŋ bu: at'áriwufooree bike beehaŋuun kikaw!

Mark 9:1

Abe n'asooñ aaniin: —Nu múniyo, iisokuun bifeeneŋ bu: bakaake ti keeemo kee diye iti kaket ti kajukut *Jáyi jite Atambatun ni jibin ni sembe séeraanna.

Mark 9:41

Abe iisokuun bifeeneŋ bu: an fe eewunuun móhujo áriihujo aŋarkeyi naane aruun bakate ku *Kiris, Atambatun kasiibano.

Hirim Heetoofe hu hi Luk akiñje hu 11:51

*Abel ayoolee fu átiyar u, Sakari n'áyemi araan u, ayooleeyool t'enuuf ite Atambatun, t'etut *ataabul u tindi kásuf *ejuraay i ni *t'Anabe du. Hee, íñje isok fee n'aruun: ti bakate ku hahiye t'Atambatun aja fu kaniju iŋi bokondu keeyoolee kii fe!

Hirim Heetoofe hu hi Luk akiñje hu 12:37

Atoof t'eroka yendu kane áreeŋin, n'áŋaabeiniin ti káheeline káw! Iisokuun bifeeneŋ bu: o biŋañjo, éehiniin keeriiko, abe n'asaaniin keeñoofo.

Hirim Heetoofe hu hi Luk akiñje hu 13:35

Hahiyu aruun kawasiee ni hikinu hoonuun. Íñje isok fee n'aruun: ariroŋut káheelin t'íñje bija hunak h'arija hu kaanu: “Atambatun ásoniyan an eebin u tu huruwu hite Atemit!”»

Hirim Heetoofe hu hi Luk akiñje hu 16:17

«Bare bútowuto bite etaam i nu bufor bu bihaŋe katoofu bútowuto bite núhuunu neehaŋe nu káteti fe ti beekiñjee bu ti kaawiit kite Eluwa i.

Hirim Heetoofe hu hi Luk akiñje hu 18:17

Iisokuun bifeeneŋ bu: an afut'áhinooro naane añi, eejok Jáyi jite Atambatun, at'ayooso te jo hikee-kee.

Hirim Heetoofe hu hi Luk akiñje hu 18:29

Yesu n'aaniin: —Iisokuun bifeeneŋ bu: an af'awas enuuf yeene, man yooŋ anaar'o, bakat'o, faafo, íñaayo, ni bakañio iŋ'ite Jáyi jite Atambatun,

Hirim Heetoofe hu hi Luk akiñje hu 23:43

Yesu n'ásafino aano: —Íñje isok fee n'awe: humuum hite úmiye, awe káyemi n'íñje t'arijana i.

Hirim Heetoofe hu hi Luk akiñje hu 4:24

Abe n'áwutiyen aane: —Iisokuun bifeeneŋ bu: ayiŋana ite Atambatun áyilenaariitee t'ésuk yeeniin.

Saaŋ 1:51

N'asooñ aane: —Iisokuun bifeeneŋ bu: aruun kajuku kane bufor bu bífeŋgino, emalaka yite Atambatun ti bisiro, abe n'iŋi káwanein *t'Añi ute Húŋgowulan hu!

Saaŋ 10:1

Yesu n'aaniin: —Iisokuun bifeeneŋ bu: an eeŋaasut ti karuŋ kite ékus ite bíkarniina, bare n'afaaj eeyooso, an ondu ákuw, abe ánukenoora yooŋ.

Saaŋ 10:7

Yesu n'asooñ aane: —Iisokuun bifeeneŋ bu: íñj'eemo fu karuŋ kite ékus ite síkarniina su.

Saaŋ 12:24

Iisokuun bifeeneŋ bu: kaajal ifi kiney t'etaam abe kiketut, utu kubuk. Bare ifi kiket, ko kabukoor naane.

Saaŋ 13:16

Iisokuun bifeeneŋ bu: aroka ahaŋut an u t'aamo du tu burok bu, an yooŋ eeboñee ahaŋut an eeboño u.

Saaŋ 13:38

Yesu n'aano: —A̱faraa kaketu uŋu húuma hu? Iisoki bifeeneŋ bu: bala káajuloon ku kusok, awe kaanu á̱ameyiitam kireeŋ kíhaaji.

Saaŋ 14:12

Iisokuun bifeeneŋ bu: an af'áyilen t'íñje, o káhinu yooŋ buroon bimb'íhin. Abe o káhinu beehaŋe, ábuki íñje ija ti Faaf u.

Saaŋ 16:20

Iisokuun bifeeneŋ bu: aruun kayiyu dómbokun, abe bakate ku t'etaam ye kikawiin katoofu naane. Aruun kátaañian, bare kátaañi koonuun bibin káyemi katoofu.

Saaŋ 16:23

«Hunak hondu ifi hireeŋ, ariroŋutam kákandijen doon fe. Iisokuun bifeeneŋ bu: doon fe d'ariyak kalawu Faaf u tu huruwu húuma, o kawunuuun do.

Saaŋ 21:18

Iisoki bifeeneŋ bu: awe añi u, aŋ'a̱noŋk a̱akobooro nibaŋ núuwe, abe n'aŋ'a̱ja tu hutoofi du. Bare af'a̱ja ayak abin áami a̱haana, awe kayitu sumoŋii, ake eekobi nibaŋ núuwe, abe n'aja n'awe t'á̱maŋiit du bija.

Saaŋ 3:11

Iisoki bifeeneŋ bu: doon d'írimeyie abe n'irijuk d'if'irisokuun. Bare arijokajok báhamin bite b'uni áriwiinian.

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Saaŋ 3:5

Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

Saaŋ 5:19

Yesu n'asooñ aaniin: —Iisokuun bifeeneŋ bu: Añi u ayinaat bunoŋkooro éehin doon; aŋ'áhin doon d'ajuke du Faaf u ti káhinu barebare. Buroon bi Faaf u bamb'áhin bireyi fe, Añi u yooŋ aŋ'áhin bo.

Saaŋ 6:26

Yesu n'aaniin: —Iisokuun bifeeneŋ bu: h'ariŋes hee n'íñje, íŋiiit man kaanuku aruun arijoke buroon b'íhine bu beehaŋuun bu kikaw. Aribinabin aŋarkeyi naane ariteŋateŋ kumburu aribir bib.

Saaŋ 6:32

Yesu n'aaniin: —Iisokuun bifeeneŋ bu: Móyisiit awunuun fu kumburu kéenuutina ku t'etiir. Faafam af'awunuun humburu hite nu múniyo hite hu t'etiir.

Saaŋ 6:47

Iisokuun bifeeneŋ bu: an éeyilene u abaja buroŋ béehabanaariit bu.

Saaŋ 6:53

Yesu n'aaniin: —Iisokuun bifeeneŋ bu: afut'ariteŋ eni yite Añi ute Húŋgowulan hu, afut'árihujo yooŋ halan hoone, at'aribaj buroŋ bite bu nu múniyo.

Saaŋ 8:34

Yesu n'aaniin: —Iisokuun bifeeneŋ bu: an aŋ'áhin wuhoofoor, akina ásukateen ite wuhoofoor wu.

Saaŋ 8:51

Iisokuun bifeeneŋ bu: an af'ajok hirim húuma, at'aket hikee.

Saaŋ 8:58

Yesu n'aaniin: —Iisokuun bifeeneŋ bu: bala Aburaham áwuwin, «íñje káayemiin an eeemo u».

1 Piyeer 1:25

bare hirim hite Atemit hibaa káyemi.» Hirim hondu heemo fu Hirim Heetoofe h'arisokee hu.

Kafeeñal ku 20:11

Hunuut toko, n'ijuk eriikeey yómbokun yeefañje yite híyiaate, n'an eeriikee u te yo. Etaam i n'etey ekambo, bija bufor bu fe, an abinut asooñ áheelin tu buroon bondu.