Májiye 4:3 - Kwatay (Kuwaataay)

³ Setani n'atof aŋaaboo abe n'aano: —Kane arko múniyo awe a̱amo fu Añi ite Atambatun, a̱sok bujuju bonde beehosanooro, béeyemi kumburu.

Májiye 4:3 ပူးပေါင်းရင်းမြစ်များ

Májiye 14:33

Náami eriboora i kéeyemie ku tu busoona bu ni kasokoroor Yesu abe ni kaano: —Múniyo awe á̱tumbe fu á̱yemi Añi ite Atambatun!

Májiye 16:16

Simoŋ Piyeer n'ásafino aano: —Awe a̱amo fu *Afakana u, Añi ite Atambatun eekino u buroŋ bu.

Májiye 26:63

Bare Yesu n'akoowan kem. Náami asaraha ómbokun u eeeno: —Inuuri Atambatun eeemo u buroŋ, a̱sok uni man awe a̱amo fu *Afakana u, Añi ite Atambatun.

Májiye 3:17

Kaaji ni kíhaminn t'etiir bufor bu keene: —An onde aamo fu añi úuma i ímaŋie u. Te o ti hikawam hutoofe fu.

Mark 1:1

Iye i Hirim Heetoofe hu heesoke hu mite mu Yesu *Kiris, Añi ite Atambatun híjabina fu.

Mark 3:11

Keebaje ku birab bu ifi kajuko, iŋi kasaaho kéejiŋgitan hágilao, abe n'iŋi kataŋk kaane: «Awe a̱amo fu Añi ite Atambatun!»

Mark 5:7

Yesu n'aŋ'aane toko: —Erab ye, a̱nuut t'ániine ondu! Ániine u n'ataŋk t'etiir aane: —Yesu, Añi ite Atambatun eeemo u t'etiir-t'etiir, kame baŋka wane? Íiwasiyani tu huruwu hite Atambatun, atum'á̱hihinooram!

Hirim Heetoofe hu hi Luk akiñje hu 1:35

Amalaka u n'ásafino aano: —Búwejet Beenabe bu búwaneina t'awe, abe sembe site Atambatun eeemo u t'etiir-t'etiir kákumbalooli n'ésamunan ite te so. Iŋ'ite ho aamo fu añi eenabe u a a̱ja u bíyihino kaaniee Añi ite Atambatun.

Hirim Heetoofe hu hi Luk akiñje hu 22:70

Ni kátumb fu kaano kareyi fe: —Náami awe a̱amo fu Añi ite Atambatun? N'aaniin: —Arisoka bo aruun kumuumuun.

Hirim Heetoofe hu hi Luk akiñje hu 4:3

Náami Setani eeeno: —Kane arko múniyo awe a̱amo fu Añi ite Atambatun, a̱sok ejuju yendu yeehosanooro, yéeyemi humburu.

Hirim Heetoofe hu hi Luk akiñje hu 4:41

Sirab yooŋ nu sunuut ti bakan keehooje ku sujoke, ti kataŋku t'etiir iŋi seene: «Awe a̱amo fu Añi ite Atambatun!» Bare Yesu n'aŋ'akamoor te so, abe n'áhin so seekoowan, ábuki súmoomi kaanuku akina aamo fu *Afakana u.

Hirim Heetoofe hu hi Luk akiñje hu 4:9

Ahaban, Setani n'aja ne o Serusalem. N'asiiŋano t'ewulen ite *Enuuf ite Atambatun abe n'aano: —Arko múniyo awe a̱amo fu Añi ite Atambatun, a̱julan bija t'etaam;

Saaŋ 1:34

N'ijuk bondu ni ñíkinam féet, abe iisok bo: ániine ondu aamo fu Añi ite Atambatun.

Saaŋ 1:49

Natanayel n'aano: —Ámuse u, awe a̱amo fu Añi ite Atambatun, awe a̱amo fu Áyi ite Israyel!

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Saaŋ 9:35

Yesu n'ajam kaanuku kákutoorakutoor ániine u. N'aja aŋaaboo abe n'aano: —Á̱yilenayilen *t'Añi ute Húŋgowulan hu?

Epotor i 9:20

N'ásit yooŋ toko-toko kawaare ti *ñáalawum ñu, aŋ'aane Yesu aamo fu Añi ite Atambatun.

2 Korent 1:19

Ábuki Yesu *Kiris Añi ite Atambatun i iriwaareuun u, íñje, ni Silas, ni Timote, abinut kaanuku éeyemi o afeeneŋ u «hee» ni «aaa». Ko kireyi fe akina aamo fu «hee» yite Atambatun.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

1 Tesalonik 3:5

Ho híkinineŋe fu naane aamo i iŋkut íyini kanahan, n'íboñin Timote eebin eejuk buŋ bi káyilen koonuun keemo fu. Íkolakoleyi iŋ'eene yéeni man Setani n'abuutuun, butum burok b'iriroke bu fe bite fuufu.

Esuwif i 12:16

An t'aruun atum'afurukato, man yooŋ n'ahuuf buroon beenabe naane Esawu abine i áhin. Ásikasik hifaafaate hoone ajoohen uŋu húñoofein hifeeneŋ taŋ.

Esuwif i 4:14

Úbajabaj *asaraha ómbokun, o aamo fu Yesu, Añi ite Atambatun. Akanakan bufor bu eeja t'Atambatun. Náami újok alit tip ti káyilen kite k'úne.

Esuwif i 7:3

*Míkiñjin mu musokut aañ aamo fu faafo, n'aañ yooŋ aamo fu íñaayo, nu noota noone. Naane abukee i, ni naane akete i fe busokutee. Akina asaraha hiraanu naane Añi ite Atambatun.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.