Májiye 4:10 - Kwatay (Kuwaataay)

¹⁰ Náami Yesu eeeno: —A̱ja Setani! Ábuki busokeesok ti Míkiñjin mu kaanuku: «Á̱sukaay Atemit Atambatun úuwe, abe n'á̱jiŋgitan hágilao, o unoono taŋ.»

Májiye 4:10 ပူးပေါင်းရင်းမြစ်များ

Májiye 16:23

Bare Yesu n'aweteko abe n'aane Piyeer: —A̱kambam «Setani»! Aw'ondiam ti kafitu, ábuki aŋ'a̱yinoor naane kúŋgowulan ku, bare náaneiit Atambatun.

Mark 1:13

N'ariiko bo kunak bakan bákasuba. Setani n'aŋes káhinio eehoofoor. Yesu ámoomi bo ni bíndakakureŋ bu, abe emalaka i ifi katofotooro.

Hirim Heetoofe hu hi Luk akiñje hu 10:18

Yesu n'aaniin: —Ijukajuk Setani n'áneyin t'etiir bufor bu ahil-hil, anokoor kite etiir i esibe.

Hirim Heetoofe hu hi Luk akiñje hu 11:18

Setani af'áwaajin sembe soone, t'áami butum séetuumoor, jáyi joone fíya hite te jo man hihabano? Ariene íñje iŋ'íkutoor sirab su aŋarkeyi naane Belsebul awunam fu sembe su.

Hirim Heetoofe hu hi Luk akiñje hu 13:16

Anaare onde eeemo u ite tu noota nite *Aburaham, abe Setani afaakofaak simit sumoŋu nu hutok ni síhaaji lám, awarutee kájendin t'erimaas i?

Hirim Heetoofe hu hi Luk akiñje hu 22:3

Náami Setani ayoosaa tu Suda ii kaane Iskariyot, ake t'eriboora i sumoŋu ni bákasuba ku.

Hirim Heetoofe hu hi Luk akiñje hu 22:31

Yesu n'aane: —Simoŋ, héyi? A̱naŋ toko hikawi: Atambatun awuna Setani bítim kaanuku eebin eeyoŋoŋanuun naane étiif aa ámiñee, t'áwaajinoor bajal bu n'eyotokaay i.

Hirim Heetoofe hu hi Luk akiñje hu 4:8

Yesu n'aano: —Busokeesok ti Míkiñjin mu kaanuku: «Á̱sukaay Atemit Atambatun úuwe, abe n'á̱jiŋgitan hágilao, o unoono taŋ.»

Saaŋ 13:27

Hi Suda ajoke hu amburu u kep, Setani n'ayoosoo. Yesu n'aano: —B'a̱ja bu káhinu, a̱moken te bo!

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Epotor i 5:3

Náami Piyeer eeeno: —Anañas, buŋ b'a̱sooñe fu a̱was Setani eeyooso t'eholi ayak abin áami a̱juusa Búwejet Beenabe bu, abe n'á̱nuus ti sírirem s'a̱baje su h'a̱joohene hu hitaaŋaat hu?

1 Korent 5:5

Kóŋkeyin, árisik ániine ondu arisaan Setani man enio n'ébujo, búwejeto béeyini kafaku hunak h'Anahaan u ábatikein hu te ho.

1 Korent 7:5

An atum'ateñeko kasaan áwiyo hikawo, kane arko taŋ boko kajamoore ni kaane keefin keewas bondu dikee keejoŋoor ni kalawu ku. Bare bondu buwas, n'iŋi kabatuko ti biseño booniin. Káhinaate iyu, man káyini bújokumooro, abe Setani n'aŋ'abaj bítim eeneyaniin ti kaahoofoor.

2 Korent 11:14

Abe bondu bijahalut an, ábuki Setani humuumo aŋ'ásik búnokoorum bite amalaka ite meejaaŋe.

2 Korent 12:7

Bondu b'Atambatun áwufooram bu bihaŋahaŋ káwari. Bare asejanamsejan bike iŋi bíhihinoor eniam dómbombokun kaanuku itim'iyitooro. Ake amalaka ite Setani af'ámiñam ii kaanuku itim'iyitooro.

2 Korent 2:11

Íhinahin bo kaanuku Setani atum'abin ahaŋ úne sembe. Múniyo úmoomi jak bamb'aŋes.

Saak 4:7

Náami árijeŋgin Atambatun. Aritandarisan ti Setani, abe n'aŋ'atey akambuun.

1 Piyeer 5:9

Arijok alitee ti káyilen ku, abe n'aŋ'aritandarisan te o, ábuki árimoomi kaanuku bakatuuun kéeyilene ku keeemo ku t'etaam i fe, sílaam sondu yooŋ s'ifi kajuk.