Májiye 27:54 - Kwatay (Kuwaataay)

⁵⁴ H'aseef ite esulaan i, ni bakan koone kéeyemie ku ti kajukar kite Yesu kajuke hu naane etaam i eyoŋoŋanooree i, ni baabu beebaje bu fe, ni kátumb kákoleyi naane abe ni kaane: «Múniyo ániine ondu áyemie fu Añi ite Atambatun!»

Májiye 27:54 ပူးပေါင်းရင်းမြစ်များ

Májiye 26:63

Bare Yesu n'akoowan kem. Náami asaraha ómbokun u eeeno: —Inuuri Atambatun eeemo u buroŋ, a̱sok uni man awe a̱amo fu *Afakana u, Añi ite Atambatun.

Májiye 27:36

Kahaban, ni kariiko toko keejukaro.

Májiye 27:40

kaano: —Awe eeene u yéeni awe kawelej *Enuuf ite Atambatun, abe kunak kíhaaji n'a̱nut yo, a̱fakanooro tíme! Kane arko múniyo awe a̱amo fu Añi ite Atambatun, á̱wanein t'ekuruwa i!

Májiye 27:43

Aane hikawo hiyaŋgayaŋg t'Atambatun, abe n'aane yooŋ akina aamo fu Añi oone. Újuk hahiyu man Atambatun bibin kafakano!

Májiye 27:51

T'ewahatu yendu yooŋ, hírido heeemo hu níbahindaa *t'Enuuf ite Atambatun ni hijeho huta hu t'etiir bibin yooŋ t'etaam héehin kúsuba. Etaam i n'eyoŋoŋanooro, bilaaliñj bu n'iŋi bijeho,

Májiye 4:3

Setani n'atof aŋaaboo abe n'aano: —Kane arko múniyo awe a̱amo fu Añi ite Atambatun, a̱sok bujuju bonde beehosanooro, béeyemi kumburu.

Májiye 8:5

Yesu áyemia ti bija buyooso *Káfernawom, ake t'eseef ite esulaan i bakate ku *Rom n'abin kéefimboor, abe n'áwasiyano

Mark 15:39

H'aseef ite esulaan i, eesiiŋee u toko ajoŋoor ni Yesu, ajuke hu buŋ b'akete fu ariike, n'aane: —Múniyo ániine ondu áyemie fu Añi ite Atambatun!

Hirim Heetoofe hu hi Luk akiñje hu 22:70

Ni kátumb fu kaano kareyi fe: —Náami awe a̱amo fu Añi ite Atambatun? N'aaniin: —Arisoka bo aruun kumuumuun.

Saaŋ 19:7

Esuwif i ni kaano: —Iribajabaj eluwa, abe t'eluwa i awarawar kaketu, ábuki aanaan akina aamo fu Añi ite Atambatun.

Epotor i 10:1

Abajeebaj Sesare ake ániine huruwio Korneyi. Akina aseef ite esulaan bakate ku Rom ite t'eja yiyi kaane «eja yite Itali».

Epotor i 2:37

H'ésuk i kajame hu bondu, nu bugoriin faa tu suhol. Ni kákandijen Piyeer ni bakaaku epotor kaaniin: —Kújakuwe, kame naŋ n'iriware fu káhinu?

Epotor i 21:32

N'ahaŋ akuukan toko-toko esulaan, n'eseef yeeniin, abe n'atey anaban hahooja hu. H'ésuk i kajuke hu aseef u n'esulaan yeene, ni karaan kámiñu kite Pool.

Epotor i 23:17

Náami Pool eeruw ake ti sifaaf site esulaan i abe n'aano: —A̱ja n'ahaawa onde t'aseef u, ábuki ákooki bike bite kasokio.

Epotor i 23:23

Hunuut toko, aseef ite esulaan i n'aruw bákasuba ti kéeseina ku te o abe n'aaniin: —Arikuukan esulaan kaamo síteemeer súsuba, ni kaamo bakan bákahaaji nu sumoŋu keebaje bifaliñj, ni kaamo síteemeer súsuba bakate wutaf, abe n'arifare ariija Sesare kane tíbaani.

Epotor i 27:1

H'aamo hu ajamooree kaanuku t'esahar t'írijufo fu iriija Itali, Festus n'ásik Pool ni bakaake keekulee asaan Suliyus, ake t'eseef ite esulaan i bakate ku *Rom, ite t'eja yiyi kaane «eja yite *áyi ómbokun eeemo u Rom».

Epotor i 27:43

Bare aseef ite esulaan i ámaŋamaŋi kafakan Pool. Awasutiin kéehin bi kayinoore bu. N'aane kéeyinie ku kaleyi kajab kátuuso man ni káyini kareeŋu etaam i.

Kafeeñal ku 11:13

Toko-toko yooŋ, náami etaam i eyoŋoŋanooraa ni sembe. Efej efeeneŋ ti seemo sumoŋu site hikinu hu n'ewelejo, abe bakan kaamo súñjune hutok nu súsuba ni kaket tu buyoŋoŋanooro bondu bite etaam i. Bakaaku keeroŋe ku ni kákoleyi dómbokun, abe ni kaane Atambatun eeemo u t'etiir bufor bu ahahahah.