Májiye 22:16 - Kwatay (Kuwaataay)

¹⁶ Ni kaboñ te o bakaake t'eriboora yeeniin, ni bakaake ti kéesiiŋooreina ku *n'Erod. Kareeŋ ni kaane Yesu: —Ámuse u, írimoomi kaanuku awe an ite bifeeneŋ, abe aŋ'a̱liiken ésuk i múniyo mu ti bítim bite Atambatun. Á̱koleyiit yooŋ an fe, ábuki á̱anaariit man an onde an ómbokun man yooŋ.

Májiye 22:16 ပူးပေါင်းရင်းမြစ်များ

Májiye 22:24

—Ámuse u, *Moyis akiñjakiñj t'Eluwa i aane: «Ániine eesee af'aket t'abajut añi, at'o awarawar kasayi anaare u keebaj biñi, t'áami hahiyu bakate ku at'o eekete u.»

Májiye 22:26

Ásooboriyan u n'áhaajiyan u yooŋ mo mifeeneŋ mu, ni kaket yooŋ, bija t'atoken u ni bákasuba.

Májiye 26:18

Yesu n'aaniin: —Arija ti hikinu hu. Af'arireeŋ t'ándijiman, n'aŋ'arieno: «Ámuse u aane ewahatu yeene ereeŋa; t'awe t'aja fu káhinu efeet ite Kánuutina ku Esipt, akina n'eriboora yeene.»

Májiye 26:49

N'ajumban júl bija ti Yesu abe n'aano: —Ámuse u, káasuumaay? Abe n'áfoono.

Mark 10:17

Yesu ásitina bija bu, ake ániine n'áteyin abin áreeŋin, n'asaaho éejiŋgitan hágilao abe n'aano: —Ámuse u, awe eejake u, naŋ n'iware fu káhinu kaanuku iibaj buroŋ béehabanaariit bu?

Mark 12:13

Bakaake *t'Efarisiyeŋ i, ni bakaake ti kéesiiŋooreina ku *n'Erod ni káboñinee ti Yesu kaanuku keebuuto.

Mark 12:14

Káreeŋin ni kaano: —Ámuse u, írimoomi kaanuku awe an ite bifeeneŋ. Á̱koleyiit yooŋ an fe, ésuk i karare t'awe, ábuki á̱anaariit man an onde an ómbokun man yooŋ, abe aŋ'a̱liiken ésuk i múniyo mu ti bítim bite Atambatun. A̱sok uni fee, man uf'újaam *áyi ómbokun eeemo u Rom búhal, n'uŋ'útin *t'Eluwa yite Moyis, man yooŋ bayi? Úwarawar kajaamu bo, man yooŋ aaa?

Mark 3:6

*Efarisiyeŋ i ni kánuutin, abe n'iŋi kamoken jab keejukoor ni bakan keeriboore ku *n'Erod, keejuk naane kaja i káhinu keeyool Yesu.

Mark 8:15

Yesu n'arimiin toko aaniin: —Áriwasiyoor, arinaŋ kikawuun *t'élefir ite *Efarisiyeŋ i, ni yite i *Erod.

Hirim Heetoofe hu hi Luk akiñje hu 20:21

Ni kákandijeno bonde kaano: —Ámuse u, írimoomi kaanuku bamb'a̱sok ni bamb'a̱liiken ésuk i bite nu múniyo. Á̱koleyiit yooŋ an fe, ésuk i karare t'awe, ábuki á̱anaariit man an onde an ómbokun man yooŋ, abe aŋ'a̱liiken ésuk i múniyo mu ti bítim bite Atambatun.

Hirim Heetoofe hu hi Luk akiñje hu 7:40

Yesu n'aane Afarisiyeŋ u: —Simoŋ, ibajabaj bike bite kasokii. Simoŋ n'aano: —Á̱hamin, Ámuse u.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 18:37

Náami Pilat eeeno: —Kame fu me awe áyi? Yesu n'aano: —A̱soka bo, íñje áyi. Béekinineŋe bu n'ibukee iibin t'etaam ye bonde: kaanuku iisok ésuk i bifeeneŋ bu. An eeemo an ite bifeeneŋ aŋ'ajamatan bimb'isok.

Saaŋ 7:18

An aŋ'anoŋk eesok boone bu, an ondu aŋesa kánikan huruwu hoone. Bare an n'afin aŋes kánikan huruwu hite an eeboño u, ondu an ite bifeeneŋ, anooto an ite meekane.

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

2 Korent 4:2

Iriteñekateñeko béefuñinanie bu bumbu búnuusee. Íribuutaariit an, abe írihosanaariit yooŋ Hirim hite Atambatun. Múniyo mu kep m'if'íriwufoor ésuk i akuur but, man huruw fe n'ámeyi t'ehelo hágila Atambatun kaanuku uni bakan kéejube.

2 Korent 5:16

Náami hahiye iŋkut irijok an naane ti bakate ku t'etaam ye kajoko du. Múniyo kóŋkeyin irijokajok Kiris naane ti bakate ku t'etaam ye kajoko du, bare hahiye iŋkut irijoko naane iyu.

Galasi 1:10

Íñje fíya eemo ti kaŋesu man ésuk i n'esokorooram? Aaa, Atambatun i ímaŋie fu asokorooram. Íñje fíya eemo ti kaŋesu man ésuk i kikawiin nu kutoof t'íñje? Kane isooñ iŋes man ésuk i kikawiin nu kutoof t'íñje, man íyemi aroka ite Kiris.

Galasi 2:6

Keehaŋe ku kájeŋginee ti kéeyilene ku (naane káyemie i fe butumam bunooto toko, ábuki t'Atambatun ésuk i fe erare), bokondu káwutiyenut bike ti b'isoke bu.

1 Tesalonik 2:4

H'Atambatun ajuke hu t'uni, n'áwoolu kasaan uni Hirim Heetoofe hu iŋ'iriwaare ho. Kane íriyemi ti kawaare, kúŋgowulan kíiit k'if'iriŋes katoofu, bare Atambatun aa ajondoman tu suhol site s'úne.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.