Májiye 2:13 - Kwatay (Kuwaataay)

¹³ Hu kúwesina ku kayeete hu, Siseef n'ajuk amalaka ite Atambatun ti híyawutu. Amalaka u n'aano: —A̱rito, a̱yit añi u n'íñaayo, abe n'aritey bija *Esipt. Á̱riikein bo ayak abin áami eeni á̱batikein, ábuki *Erod kaŋesu añi u kaanuku eeyoolo.

Májiye 2:13 ပူးပေါင်းရင်းမြစ်များ

Májiye 1:20

Ondu ti biyinoor bondu, ake amalaka ite Atemit n'áŋaasin te o ti híyawutu abe n'aano: —Siseef, añi *Dafit, atum'á̱koleyi kasayi Mari, ábuki ti sembe site Búwejet Beenabe bu t'asee fu har hu.

Májiye 10:23

Ifi káhihinooruun ti heehe hikinu, aritey bija ti hike. Iisokuun bifeeneŋ bu: *Añi ute Húŋgowulan hu bibin t'áritumboorut arihaban kawaare koonuun tu búsuk bite *Israyel bireyi fe.

Májiye 2:12

Hunuut toko, h'aamo hu kaŋota, Atambatun n'asokiin ti híyawutu aaniin itim kabatuko t'Erod. Ho híkinineŋe fu ni kaŋaas bike bítim keeyeet bija t'ésuk yeeniin.

Májiye 2:14

Siseef n'arito, eeyit añi u n'íñaayo, abe ni kaja nu huhuk hu hoho bija bu Esipt.

Májiye 2:16

*H'Erod ánandine hu kaanuku kúwesina ku kame fu kabuutobuut, n'átumb ayiŋat naane. N'aboñ esulaan i Betelehem nu tu músuk meeemo mu ne bo, aaniin kaja kayool biñi bu ehaawa i fe keebajoorut ku simit súsuba. Aliikaliik ti naane háyine hu kabine i kasoko hi káaloofiiloof ku kíŋaasina hu.

Májiye 2:22

Bare h'ajame hu kaanuku Ariselawus ite u Erod aamo fu hahiyu áyi ite *Súde, n'ákoleyi bija t'ésuk yendu. N'aŋk'ajuk amalaka ti híyawutu eeeno atum'aja bo. Náami eeja eekin ti hike hikinu hite *Gálile,

Epotor i 10:22

Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

Epotor i 10:7

H'aamo hu amalaka éeyemie u ti báhamin bu ne o aja, Korneyi n'aruw bákasuba t'eroka yeene, n'ake t'esulaan yeene ki kasaano ku. Asulaan ondu ájubajub.

Epotor i 12:11

Náami Piyeer atika áwasinooro. N'aane: —Hahiyu ínandina kaanuku nu múniyo, Atemit áboñinoboñin amalaka oone eeramam ti sembe site Erod, ni ti b'Esuwif i kámaŋie bu yéeni t'íñje.

Epotor i 12:7

Amalaka ite Atemit n'ahaŋ áŋaasin toko-toko, abe n'ajaaŋ t'ekulu i wililil. Amalaka u n'ámiñ Piyeer ti kaaheeh éeniyaro abe n'aano: —A̱rito ahilee! Ñaasel ñeekobe ñu sumoŋio ni ñihaŋ ñiney.

Epotor i 16:36

Ajukara ite ekulu i n'abin asok bo Pool. N'aano: —Ejoonana i kaane iwasanuun ariija. Hahiyu árinooni kánuutina ariija ti káasuumaay.

Epotor i 5:19

Bare káajiim ku, ake amalaka ite Atemit n'áfeŋgin wuruŋ wute ekulu i, éenuutanniin abe n'aaniin:

Epotor i 7:19

N'ahooh sifaaf úne kómbokun, n'áhihinooriin, abe n'anoŋkooraniin iŋi kawasan bilekej booniin tíyaŋ kaanuku keeket.

Kafeeñal ku 12:14

Ake n'asaan anaare u síbend súsuba site kalañjaŋanaa kómbokun kaanuku éewiito bija t'eramba i, ti báakinum beefaree bu bija te o, eekamboor nu doon du. O kákuumanee toko simit síhaaji n'egenawala.

Kafeeñal ku 12:4

N'efeew efej efeeneŋ ti síhaaji site búloofiiloof bu ni hiyet hite te yo éfiiten t'etaam i. N'esiiŋo hágila anaare éeyemie u ti bíyihino bu kaanuku yeebin yeeteŋ alekej oone kane áyihinoo.

Kafeeñal ku 12:6

Anaare u n'atey bija t'eramba i, t'Atambatun afaroo du báakinum kaanuku eebin éekuumano toko kunak éñjune ni síteemeer súsuba ni bakan bákahaaji.