Májiye 17:20 - Kwatay (Kuwaataay)

^20-21 Yesu n'aaniin: —Aŋarkeyi naane káyilen koonuun kifamut. Iisokuun bifeeneŋ bu: af'aribaj káyilen, hutoof yooŋ kíteti naane anawaay ite *emutard, aruun kaanu hirij hondu: «A̱nuut diyu a̱aja baaba», ho katofu. Doon iti dijahaluun mayet.

Májiye 17:20 ပူးပေါင်းရင်းမြစ်များ

Májiye 13:31

Yesu n'asooñ asokiin beekolofanee bonde: —*Jáyi jite Atambatun júmoomi naane afeeneŋ ti sinawaay site *emutard, a an ayite eenawo t'etool yeene.

Májiye 14:29

Yesu n'aano: —A̱bin! Piyeer n'ánuutin tu busoona bu, eeñaah tu móhujo mu bija bu ti Yesu.

Májiye 17:17

Yesu n'aane: —Áribajaatia teereŋ káyilen! Ariyaŋgayaŋg faa kikaw, aruun bakate ku hahiye! Bija kaakaŋ n'ija fu iŋki biriiko n'aruun? Íñj'endu ti kajoku hikawam kep bija kaakaŋ? Aribinam n'añi u diye.

Májiye 17:19

Náami eriboora i ni kátofin unooniin ti Yesu, abe ni kákandijeno kaano: —Iŋi naŋ n'iriyinaat fu kákutoor erab i?

Májiye 17:9

Káyemia tu búwaneina bu hirij hu, Yesu n'áhaminiin ayan aaniin: —Atum'arisok an doon fe d'arijuke du, ajendan káyemi *Añi ute Húŋgowulan hu aritanee t'eket i.

Májiye 21:21

Yesu n'aaniin: —Iisokuun bifeeneŋ bu: af'aribaj káyilen, abe árihinut sihel súsuba, aruun káyini káhinu b'íhine bee nífigiye nondu. Aruun yooŋ kaanu hirij hondu: «A̱nuut diyu a̱aja á̱tuuso káajuŋeey», bo yooŋ kabaju.

Májiye 8:26

Yesu n'aaniin: —Iŋi naŋ n'árikoleyie fu? Káyilen koonuun kítetia teereŋ! Náami eerito, abe n'akamoor t'eyam i ni ti han hu. N'asooñ akoowanee kem.

Mark 11:22

Yesu n'aaniin: —Áriyilen t'Atambatun!

Mark 11:23

Iisokuun bifeeneŋ bu: an af'aane hirij hondu: «A̱nuut diyu a̱aja á̱tuuso káajuŋeey», abe áhinut sihel súsuba, bare n'áyilen kaanuku bo kabaju, akina kawuniee bo.

Mark 4:31

Júmoomi naane sinawaay site *emutard. Af'a̱yit afeeneŋ a̱anawo, akina ahaŋe fu káteti sinawaay site t'etaam ye fe.

Mark 9:23

Yesu n'aano: —Iŋi naŋ n'a̱ane fu: «Af'arko á̱yinooni»? An eebaje káyilen, doon dijahaluto.

Hirim Heetoofe hu hi Luk akiñje hu 1:37

Ábuki abajut doon d'Atambatun ayinaat káhinu.

Hirim Heetoofe hu hi Luk akiñje hu 17:6

Anahaan u n'aaniin: —Af'arko aribajabaj káyilen, hutoof yooŋ kíteti naane anawaay ite *emutard, árinooni kaanu nunukanuk nondu: «A̱nuut diyu ni kíjiŋ kúuwe fe, a̱aja a̱looñ ti han hu», no yooŋ káhinu naane arisoke i.

Hirim Heetoofe hu hi Luk akiñje hu 18:27

Yesu n'aaniin: —Bi kúŋgowulan ku kayinaat bu káhinu, Atambatun ánooni bo.

Saaŋ 11:40

Yesu n'aano: —Eenuti af'á̱yilen awe kajuku kaanuku Atambatun ánikanik?

1 Korent 12:9

Bo Búwejet bondu bifeeneŋ bu nu buwun ake eebaj káyilen kómbokun, nu buwun ake sembe site karitan bakan kéesomute.

1 Korent 13:2

If'iŋ'iyiŋan báhamin bite Atambatun, n'ínandin béenuusee bu, n'ímeyi doon areyi fe, n'ibaj káyilen keefame k'íyinie katofan ne ko kirij, abe bare kámaŋi an kunooto t'eholam, inooto doon tus.

Esuwif i 3:19

Abe újukajuk kaanuku kabinut káyini buyooso t'afaree du kaanuku keebin keeyih toko aŋarkeyi naane káyilenut.