Májiye 16:16 - Kwatay (Kuwaataay)

¹⁶ Simoŋ Piyeer n'ásafino aano: —Awe a̱amo fu *Afakana u, Añi ite Atambatun eekino u buroŋ bu.

Májiye 16:16 ပူးပေါင်းရင်းမြစ်များ

Májiye 1:16

Sakob faaf ite Siseef eeemo u áyin ite Mari, íñaay ite Yesu ii kaane *Afakana u.

Májiye 14:33

Náami eriboora i kéeyemie ku tu busoona bu ni kasokoroor Yesu abe ni kaano: —Múniyo awe á̱tumbe fu á̱yemi Añi ite Atambatun!

Májiye 16:15

N'aaniin: —Náami aruun, aŋ'ariene íñj'eemo fu aañ?

Májiye 26:63

Bare Yesu n'akoowan kem. Náami asaraha ómbokun u eeeno: —Inuuri Atambatun eeemo u buroŋ, a̱sok uni man awe a̱amo fu *Afakana u, Añi ite Atambatun.

Májiye 27:54

H'aseef ite esulaan i, ni bakan koone kéeyemie ku ti kajukar kite Yesu kajuke hu naane etaam i eyoŋoŋanooree i, ni baabu beebaje bu fe, ni kátumb kákoleyi naane abe ni kaane: «Múniyo ániine ondu áyemie fu Añi ite Atambatun!»

Májiye 4:3

Setani n'atof aŋaaboo abe n'aano: —Kane arko múniyo awe a̱amo fu Añi ite Atambatun, a̱sok bujuju bonde beehosanooro, béeyemi kumburu.

Mark 14:61

Bare Yesu n'akoowan kem, ásafinuto. Asaraha ómbokun u n'asooñ ákandijeno aano: —Awe a̱amo fu *Afakana u, Añi ite Atambatun eeware u kasokorooree?

Hirim Heetoofe hu hi Luk akiñje hu 2:11

*Afakana oonuun abukee úmiye ti hikinu hu ti *Dafit ákinaanie du. O aamo fu *Kiris, Anahaan u.

Saaŋ 1:49

Natanayel n'aano: —Ámuse u, awe a̱amo fu Añi ite Atambatun, awe a̱amo fu Áyi ite Israyel!

Saaŋ 11:27

Mart n'aano: —Hee Anahaan u, íyilenayilen kaanuku awe a̱amo fu *Afakana u, Añi ite Atambatun eeware u bibin t'etaam ye.

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Saaŋ 6:57

Faaf u éeboñinam u ondu buroŋ. Naane áhinam ee iiroŋ, an yooŋ eeteŋe eniam, íñje káhinio eeroŋ.

Saaŋ 6:68

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

Saaŋ 6:69

Abe uni íriyilenayilen, írimoomi yooŋ kaanuku awe a̱amo fu An Eenabe u éenuutina u t'Atambatun.

Epotor i 14:15

—Kújakuwe, kame iŋi naŋ n'árihin fii? Uni fu yooŋ kúŋgowulan naane aruun. Uni iribinuun ni Hirim Heetoofe hu kaanuku ariiwasan kimiile kondu keebajut kii éñjeriŋ, áriiwuŋgan inde Atambatun eeemo u buroŋ, éewuwane u bufor bu, n'etaam i, ni han hu, nu buroon beeemo bu toko fe.

Epotor i 8:36

Bokondu ti bija bu, ni kareeŋ tike tiŋ tu móhujo meemo. Ániine u n'aane: —A̱juk, móhujo mondu. Naŋ nukolene fu kaanuku iibostee?

Epotor i 9:20

N'ásit yooŋ toko-toko kawaare ti *ñáalawum ñu, aŋ'aane Yesu aamo fu Añi ite Atambatun.

2 Korent 1:19

Ábuki Yesu *Kiris Añi ite Atambatun i iriwaareuun u, íñje, ni Silas, ni Timote, abinut kaanuku éeyemi o afeeneŋ u «hee» ni «aaa». Ko kireyi fe akina aamo fu «hee» yite Atambatun.

2 Korent 3:3

Áriwufoorawufoor ti máhinar moonuun kaanuku aruun eleetar yi *Kiris akiñje, abe uni n'iribin ne yo. Ekiñjeekiñj káanukiiit man ni hikiñju, bare nu Búwejet bite Atambatun eeemo u buroŋ. Ekiñjeekiñj káanukiiit man tu bujuju, bare tu suhol site kúŋgowulan.

2 Korent 6:16

*Enuuf ite Atambatun éyinooni fíya kakolu nu ñúwisenum ñu? Ábuki fu úne úemo fu enuuf ite Atambatun eeemo u buroŋ. Akina humuumo Atambatun asokasok aane: «Íñje kakinu t'etutiin, abe n'iŋ'iŋ'iriboor nu boko. Íñje káyemi Atambatun ooniin, boko n'iŋi káyemi bakan kúuma.»

1 Tesalonik 1:9

Ésuk i fe eŋ'esok naane arijoke i uni áwariee h'iribine hu t'aruun, ni naane ariwase i ñájiim ñu ariijok t'Atambatun eeemo u buroŋ, abe n'árijeŋgino, akina ite u nu múniyo.

1 Timote 3:15

bibin búuma ufu búkuri, n'á̱meyi buŋ bu buroŋ bite an buware fu káyemi tu butoŋ bite Atambatun. Butoŋ bondu beemo fu bakate ku Atambatun eeemo u buroŋ *kéeyilene ku, keeemo ku naane hiñaan hítiyar hite enuuf tu múniyo mu miyaajee du.

1 Timote 4:10

Bondu bíkinineŋe fu n'uŋ'úrok, abe n'uŋ'útuum yooŋ, ábuki úsikasik eyakar ite úne únaŋ t'Atambatun eeemo u buroŋ. Akina aamo fu *Afakana ite kúŋgowulan ku kareyi fe, áhaŋum kéeyilene ku.

Esuwif i 10:31

Atambatun eeemo u buroŋ af'ajok an kilib, ákolinanieekolinani!

Esuwif i 12:22

Aruun bare arilohaloh hirij hite *Siyoŋ, ni hikinu hite Atambatun eeemo u buroŋ. Ho heemo fu Serusalem yite i t'etiir, t'emalaka k'an ayinaat kafinu kaamo du ti hiriy.

Esuwif i 3:12

Kújakuwe, arinaŋ toko kikawuun, an t'aruun atum'abaj búwejet béebaanie, abe ni biyaŋg biyak bíhino éewuŋg hiñaawu Atambatun eeemo u buroŋ.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

1 Saaŋ 4:15

An af'asok aane Yesu aamo fu Añi ite Atambatun, Atambatun káhinu ne o t'afeeneŋ, akina yooŋ n'áhin t'afeeneŋ n'Atambatun.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

1 Saaŋ 5:5

Aañ ayino fu kaheeku bo? Kane arko fu taŋ an éeyilene u kaanuku Yesu aamo fu Añi ite Atambatun.

Kafeeñal ku 7:2

Abe n'ijuk ake amalaka ti bisiro, ánuutin káasiŋ ki taanak tu tundu túnuutin, abe n'ajok t'emoŋio éenee yiyi káhin ne yo t'ésuk i ékeetanuma yite Atambatun eeemo u buroŋ. N'áhamin ataŋk n'emalaka i bakabaakiir ku k'Atambatun awune ku sembe site kábuju etaam i ni han hu aaniin: