Májiye 13:44 - Kwatay (Kuwaataay)

⁴⁴ —*Jáyi jite Atambatun júmoomi naane ebaj yéenuusee ti hitaaŋaat. Ake n'ajuk yo, n'afin ánuus. Hikawo kátumbu hutoof asooñen n'aŋ'aja ajay buroon b'abaje bu fe, abe n'aŋ'ábatikein eejoohen hitaaŋaat hondu.

Májiye 13:44 ပူးပေါင်းရင်းမြစ်များ

Májiye 13:24

Yesu n'asooñ asokiin bike beekolofanee: —*Jáyi jite Atambatun júmoomi naane an eewiise hitaaŋaat hoone.

Májiye 13:46

Af'ajuk eke yeeseere-seer, o bija eejay buroon b'abaje bu fe, eejoohen ekuur yendu.

Májiye 13:47

—*Jáyi jite Atambatun júmoomi yooŋ naane embaalu y'embaala káfiitene ti han hu, abe eŋ'ejok asaan ánoan.

Májiye 19:21

Yesu n'aano: —Af'á̱maŋi kakuuru but, a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Májiye 19:27

Náami Piyeer eeeno: —A̱juk, uni íriwasinowasin areyi fe íriiseini ti hiñaawu. Naŋ n'iriyak fu kabaju?

Májiye 19:29

Bakan ifi kawas sunuuf sooniin, man yooŋ bakatiiin, bákaniiniin, sifaafiin, síñaayiin, bakañiiin, ni kitaaŋaat kooniin uŋu húuma hu, boko kabaju buroon bondu kireeŋ téemeer, abe n'iŋi kawunee yooŋ buroŋ béehabanaariit bu.

Májiye 6:21

Ábuki t'ebaj íiwe eemo du, toko yooŋ t'ehel íiwe eja fu káyemi.

Hirim Heetoofe hu hi Luk akiñje hu 14:33

Yesu n'asooñ aane: —Náami an t'aruun ayinaat káyemi ariboora úuma kane arko áwuŋgut hiñaawu doon d'abaje du fe.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Eleetar i yi Pool akiñje i bakate ku Rom 15:4

Beesokee bu kóŋkeyin ti Míkiñjin mu fe, bo bite kaliiken úne, ni biyaŋganan úne kikaw, abe ni bíhin úne uŋ'úmuñ kaanuku man n'úbaj eyakar.

Kolos 2:3

Káwasi ku, ni kámeyi kite múniyo mu, bondu fe búmoomi naane ebaj, abe te o tu búnuusee fu.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

Esuwif i 10:34

Sílaam soonuun sifeeneŋ su ni bakan keekulee ku iŋ'ite hu Yesu. Hihi karam yooŋ ebaj yeenuun, kikawuun uŋu kutoof, ábuki árimoomi kaanuku ariyakarayakar t'eke yeehaŋe yendu, abe et'ehabano hikee.

Kafeeñal ku 3:18

Náami iirimi bonde: a̱bin a̱ajoohen t'íñje éwurus yeekuuranee ti sineemak, man n'á̱yemi husaanum. A̱joohen yooŋ wañ weefañje man n'a̱siimo á̱anuus méefuñinanie múuwe. Abe n'a̱joohen bubuun bite káhinu ti ñíkini man n'á̱yini kajuku.