Májiye 11:11 - Kwatay (Kuwaataay)

¹¹ Yesu n'asooñ aaniin: —Iisokuun bifeeneŋ bu: tu kúŋgowulan kéewuwina ku fe, abajut an eereeŋe Sambatiis. Bare an eehaŋe u fe káteti ti *Jáyi jite Atambatun ahaŋahaŋ Saaŋ.

Májiye 11:11 ပူးပေါင်းရင်းမြစ်များ

Májiye 11:10

Ábuki Saaŋ aamo fu an i kasoke u ti *Míkiñjin mu kaane: «Arijamatan! Íñje Atambatun, íñje káboñina ayiŋana úuma éegilani toko, eeja eefarei bítim bu.»

Májiye 11:12

Huta hu Sambatiis aŋ'aja abin bija t'úmiye, Jáyi jite Atambatun jondu ti kajuku kúnuur, abe kiŋki káhin ni sembe kásike fu jo.

Májiye 3:1

Abaj simit, Sambatiis n'abin t'eramba yite *Súde, aŋ'awaare aane:

Májiye 3:11

Íñje, ibosteuunboste nu móhujo iŋi káwufoor kaanuku ariwatanoorawatanooro kinij koonuun. Bare ake bibin eehaŋam sembe. Ihaŋahaŋ káteti te o kaanuku íijendin sikaku soone. O kabosteuun nu Búwejet Beenabe bu, ni sineemak.

Májiye 5:19

Iŋ'ite ho aamo fu an af'awas hutoof yooŋ eluwa yeehaŋe i káteti fe, abe n'aŋ'aliiken bakaaku kéehin naane akina, o káyemi araan u ti *Jáyi jite Atambatun. Bare an éejeŋgine eluwa i, abe n'aŋ'aliiken bakaaku kéehin naane akina, o káyemi an ómbokun ti Jáyi jite Atambatun.

Hirim Heetoofe hu hi Luk akiñje hu 1:15

Ábuki akina káyemi an ómbokun t'Atemit. At'áhujo ébiñ, nu doon dite káhinu an éewusan. O kahooju bib nu Búwejet Beenabe bu kane áyihinee.

Hirim Heetoofe hu hi Luk akiñje hu 7:28

Yesu n'asooñ aaniin: —Iisokuun bonde: tu kúŋgowulan kéewuwina ku fe, abajut an eereeŋe Saaŋ. Bare an eehaŋe u fe káteti ti *Jáyi jite Atambatun ahaŋahaŋ Saaŋ.

Hirim Heetoofe hu hi Luk akiñje hu 9:48

abe n'aaniin: —An af'ajok áwariee añi naane onde uŋu húuma hu, íñje humuumam a ajoke fu áwariee. Abe an af'ajokam áwariee, ajoka yooŋ áwariee an éeboñinam u. Ábuki an eeemo u biraanu boonuun tej, an ondu aamo fu átiyar u.

Saaŋ 1:15

Saaŋ ataŋkataŋk eeseedoo aane: —An onde if'eene: «Éeseinam u ti hiñaawu ahaŋamhaŋ, ábuki áyemayemi t'ibukoorutee.»

Saaŋ 1:27

Akina abin fu inde hiñaawiam, bare ihaŋahaŋ káteti te o kaanuku íijendin sikaku soone.

Saaŋ 10:41

Bakan keehooje ni kanabano toko. Iŋi kaane: —Saaŋ áhinut mayet beehaŋe úne kikaw, bare b'asoke bu t'ániine ondu fe bite toko.

Saaŋ 3:30

Awarawar ko kireyi fe kahaŋu bija hágila; íñje n'ihaŋ bibatuko ni hiñaawu.

Saaŋ 5:35

Saaŋ ámoomi naane ejaaŋana yéetifanee kaanuku t'ajaaŋee. Aruun n'árimaŋi kaanuku yeejaaŋanuun diŋgilis kikawuun keetoof.

Saaŋ 7:39

(Búwejet Beenabe bu bi Yesu asoke fu, beeyak bu bibin ti kéeyilene ku te o. Bare kóŋkeyin Búwejet Beenabe bu tu buwunoorutee, ábuki ti Yesu ayitoorutee t'etiir bufor bu éenikanee.)

1 Korent 15:9

Múniyo íñj'eemo fu biraanu bite epotor i fe, abe iwarutee yéeni kaanu apotor, ábuki íhihinoorahihinoor *kéeyilene ku.

1 Korent 6:4

Abe arko árijamooraariit te bo, iŋi naŋ n'af'arija bija t'ejoonana k'árimeyie kaanuku kéeyilene ku kajokutiin doon fe?

Efees 2:3

Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

2 Timote 1:10

Hahiye kujukanaa ésuk i *h'Afakana ite úne Yesu Kiris áŋaasina hu. Akina ábuje fu sembe site eket i, abe n'aŋaas ti Hirim Heetoofe hu éewufoor úne buroŋ béeketaariit bu.

Esuwif i 11:40

Múniyo Atambatun afarafare bike beehaŋe bija t'úne. Iŋ'ite ho aamo fu iti *kakuuranee hikee t'únooto.

1 Piyeer 1:10

Kóŋkeyin, *eyiŋana yite Atambatun kaŋesaŋes, abe ni kanewenoor keejuk buŋ b'Atambatun aja fu kafakan ésuk i. Kasoŋka busok buŋ b'Atambatun aja fu káwufooruun kajaku koone.