Hirim Heetoofe hu hi Luk akiñje hu 9:11 - Kwatay (Kuwaataay)

¹¹ Bare bakan keehooje ni kajam bo, ni kanabano. Yesu n'áhamin nu boko. N'asokiin mite *Jáyi jite Atambatun, abe n'aritan kéesomute ku.

Hirim Heetoofe hu hi Luk akiñje hu 9:11 ပူးပေါင်းရင်းမြစ်များ

Májiye 12:15

Hi Yesu ajame hu bondu, n'anuut toko. Bakan keehooje-hooj ni kasao ti hiñaawu. N'aritan kéesomute ku fe,

Májiye 14:14

Hi Yesu awanee hu tu busoona bu, n'ajuk hahooja hu; n'átumb fu ayubiyeniin naane. N'aritan kéesomute ki kaje ku nu boko.

Májiye 21:31

Yesu n'ákandijen eseef ite *esaraha i, ni *sifaaf su aaniin: —Aañ tu boko áhine fu bi faafiin ámaŋie bu? Ni kaano: —Aneemak u. Náami Yesu eeeniin: —Iisokuun bifeeneŋ bu: *esaa yite búhal bu, ni kiŋki kafurukato kajabu kayoosouun ti *Jáyi jite Atambatun.

Májiye 21:43

Yesu n'áwutiyen aane: —Iŋ'ite ho h'eenuun fu: *Jáyi jite Atambatun kanuutanee t'aruun jeesaanee bakaake keeyak káhinu meejake.

Hirim Heetoofe hu hi Luk akiñje hu 1:53

awunawun keejoñjolate ku ebaj, abe kusaanum ku, n'ayeetaniin sumoŋiiin fuufu te so.

Hirim Heetoofe hu hi Luk akiñje hu 5:31

Yesu n'aaniin: —Bakan keeemo káasuumaayiin kasawuleit asontena. Kéesomute ku kasawuloo fu.

Hirim Heetoofe hu hi Luk akiñje hu 8:1

Hunuut toko, Yesu n'aja, aŋ'anuut t'ésuk yeeye n'aja t'eke, n'anuut ti hikinu heehe n'aja ti hike, kaanuku eewaare Hirim Heetoofe hu hite *Jáyi jite Atambatun. Ajaja n'eriboora yeene sumoŋu ni bákasuba ku,

Hirim Heetoofe hu hi Luk akiñje hu 8:10

N'aaniin: —Aruun k'Atambatun áhine fu áriimeyi béenuusee bite ti Jáyi joone. Bare bo kakolofanee bija ti bakaaku kaanuku bi *Míkiñjin mu musoke bu ni bibaj. Meenaan: «Ni káyini káheelin, bare iti kajuk, ni káyini kajamu, bare iti kajok.»

Hirim Heetoofe hu hi Luk akiñje hu 9:10

*Epotor i ni kábatikein, abe ni kasok Yesu bi káhine bu fe. Yesu n'aaniin kasao ti hiñaawu, abe n'aja nu boko t'an anooto, inde eke ésuk iŋi kaane yo Betsayida.

Hirim Heetoofe hu hi Luk akiñje hu 9:12

To ti bija búlumo bu, eriboora i sumoŋu ni bákasuba ku ni kátofin kálohin Yesu abe ni kaano: —An akinut beebe. A̱ane hahooja hondu kabatuko, man ni kaja tu músuk mu, ni mikinu meeemo mu nere, kéeyini kabaju doon dite buñoofo, ni ti kaware du kaŋotu.

Hirim Heetoofe hu hi Luk akiñje hu 9:2

Ahaban, n'aboñiin kawaare mite *Jáyi jite Atambatun, ni káhinu kéesomute ku kéekoyi.

Saaŋ 4:34

Yesu n'aaniin: —Buñoofo búuma beemo fu íhin b'an éeboñinam u ámaŋie bu, abe n'ihabanoor burok b'asaanam bu.

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Epotor i 28:31

Aŋ'awaare Jáyi jite Atambatun, abe n'aŋ'aliiken ésuk i bite b'Anahaan u Yesu *Kiris ni hikaw heeyaŋge piŋ, abe an ákolenaariito.

Eleetar i yi Pool akiñje i bakate ku Rom 10:14

Bare buŋ bi kaja fu karuwio ti káyilenut te o? Buŋ bi kaja fu káyilen te o ti kajamut huruwu hoone? Buŋ bi kaja fu kajamu huruwu hoone ti kabajut an eesokiin ho?

Eleetar i yi Pool akiñje i bakate ku Rom 10:17

Náami káyilen ku iŋi kibin ti kajamatan kite báhamin bu, abe báhamin bondu uŋu búnuutin ti kasoku kite hirim hite hu Kiris.

Eleetar i yi Pool akiñje i bakate ku Rom 15:3

Ábuki *Kiris aŋesut káhinu beetoofo bu. Bi *Míkiñjin mu musoke bu bibajo fu. Meenaan: «Atambatun, kílafatinu ki kálafatini ku fe, íñje i kálafatine fu.»

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.

Esuwif i 4:16

Náami útof, utum'úkoleyi kalohu Atambatun Áyi u aa áwufoor ésuk i kajaku koone. O kayubiyen úne, abe n'áwufoor úne yooŋ kajaku koone, kaanuku uŋ'úbin úramee kane úmiñjo.