Hirim Heetoofe hu hi Luk akiñje hu 9:1 - Kwatay (Kuwaataay)

¹ Yesu n'áruwin eriboora i sumoŋu ni bákasuba ku, abe n'awuniin sembe site kákutoor saama náami erab, ni karitan yooŋ kéesomute ku.

Hirim Heetoofe hu hi Luk akiñje hu 9:1 ပူးပေါင်းရင်းမြစ်များ

Májiye 16:19

Íñje kasaani sijaab site Jáyi jite j'Atambatun: bamb'aŋ'a̱yak kasiiŋan kaanuku ésuk i kawarut bo káhinu t'etaam ye, Atambatun kariboor n'awe; bamb'aŋ'a̱yak kasiiŋan kaanuku káyinooni káhinu bo t'etaam ye, Atambatun kariboor n'awe.

Májiye 4:24

Huruwu hoone ni hijamo t'ésuk ite Siri fe, abe ésuk i n'iŋi kabino ni bakan bakate wúsomut wánowan, ni keeemo ku ti sílaam su: butum ki sirab sujoke ku, kiŋki kaney, ni kéetime ku. Abe Yesu n'aŋ'aritaniin kareyi fe.

Májiye 8:9

Íñje humuumam ibajabaj bakan kéegilanam, iŋ'ijam tu boko, abe abajeebaj yooŋ esulaan k'ígilane, t'íñje t'ifi kajam. Iŋ'eene an onde aja, n'aŋ'aja; n'eene áwiyo abin, n'aŋ'abin; abe n'eene ásukateen úuma áhin doon donde, n'aŋ'áhin do.

Hirim Heetoofe hu hi Luk akiñje hu 10:1

Hunuut toko, Anahaan u n'ajifan eriboora kaamo bakan bákahaaji nu sumoŋu ni bákasuba, abe n'aboñiin ni bákasuba kéegilano toko ti kikinu ku, ni tánotan fe t'akina humuumo aware du bija.

Hirim Heetoofe hu hi Luk akiñje hu 10:19

Arijamatan jak: iwunuunwun sembe site kakaku tu ñuroon, ni ti bilaŋguut, abe n'iwunuun yooŋ sembe site kaheeku Setani. Abajut doon déeyiniuun káhinu meejakut.

Saaŋ 14:12

Iisokuun bifeeneŋ bu: an af'áyilen t'íñje, o káhinu yooŋ buroon bimb'íhin. Abe o káhinu beehaŋe, ábuki íñje ija ti Faaf u.

Epotor i 1:8

Bare aruun kawuniee sembe kane Búwejet Beenabe bu búwanein t'aruun, abe n'aŋ'áriyemi eseede íima Serusalem, nu tu músuk mite *Súde ni *Samari, bija tánotan fe t'etaam ye.

Epotor i 3:16

Huruwu hite Yesu ni káyilen ku te ho, bondu bíkinineŋe fu ániine ondu aa arijuk ii abe n'árimeyio yooŋ n'áyini bisiiŋo. Káyilen ku ti Yesu kíhine fu n'ákoyi fe naane aa arijuk ii arireyi.

Epotor i 4:30

Á̱wufoor uni sembe súuwe man beehaŋe ésuk i kikaw ni bíhinee, kéesomute ku yooŋ ni karitanee tu huruwu hite Yesu aroka úuwe eenabe u.»

Epotor i 9:34

Piyeer n'aano: —Ene, Yesu *Kiris aritani ti kásomut ku! A̱rito, abe n'a̱tan elal íiwe. Toko-toko yooŋ, Ene n'arito.