Hirim Heetoofe hu hi Luk akiñje hu 8:43 - Kwatay (Kuwaataay)

⁴³ Ake anaare ámoomi toko, emito yendu sumoŋu nu súsuba aŋ'ahalan dómbokun. Bare mayet an áyinio káhinu éekoyi.

Hirim Heetoofe hu hi Luk akiñje hu 8:43 ပူးပေါင်းရင်းမြစ်များ

Mark 12:44

Ábuki doon di kajoloŋane du, tu boko dóoniit. Bare akina, ni kabajaate koone, asaanasaan doon d'áyekie du fe, d'abaje du yéeni dite búkuumanooro.

Mark 9:18

Ef'eritan kep, t'aŋa d'ayak káyemi fe, yo yooŋ káfiiteno t'etaam. Butumo káfuju, wúŋiiŋ wu ti kasoku, abe enio n'eŋ'esaas. Ilawalaw eriboora íiwe kaanuku man ni kákutoor erab i, bare kayinaat.

Hirim Heetoofe hu hi Luk akiñje hu 13:11

Ake anaare éetime ámoomi toko. Erab ejokojok, ebaja te o simit sumoŋu nu hutok ni síhaaji. Étumbatumba éŋuuhoo, ayinaat bisiiŋo ajoŋoor.

Hirim Heetoofe hu hi Luk akiñje hu 13:16

Anaare onde eeemo u ite tu noota nite *Aburaham, abe Setani afaakofaak simit sumoŋu nu hutok ni síhaaji lám, awarutee kájendin t'erimaas i?

Hirim Heetoofe hu hi Luk akiñje hu 8:27

Yesu áwaneino tu busoona bu kep, ake ániine ite bo n'abin kéefimboor. Ániine ondu ákooki sirab úkaan. Afiyeefiyo kóyin k'abine asiimo kaawañ. Akinut yooŋ t'enuuf, bare tu búlum bu.

Hirim Heetoofe hu hi Luk akiñje hu 8:42

ábuki ásuŋgute oone ásomutasomut alohen kaketu, abe o a abaje fu añi unoono. Ásuŋgute u abaja simit sumoŋu nu súsuba. Yesu n'aja keeriboor. Ondu ti bija bu, hahooja hu n'iŋi hitiŋgoor kep.

Hirim Heetoofe hu hi Luk akiñje hu 8:44

N'átofin inde hiñaawu Yesu, abe n'agor balis bite wañ woone. Toko-toko yooŋ, halan hu ni hiraan káteyina ku te o.

Saaŋ 9:1

Yesu ti bija bu, n'ajuk ake ániine éejukaariit huta h'aŋ'abin abukee.

Saaŋ 9:21

Bare írimeyiit naane bije i ayak abin áami asiŋa ajuk hahiyu, írimeyiit yooŋ aañ áhino fu eejuk. Árikandijeno eenoŋk éesafinuun, anooto añi!

Epotor i 3:2

N'abaj ake ániine eeyinaat bija huta h'aŋ'abin abukee, i káyitina kabin kariikan toko kaagoroor ni karuŋ kite Enuuf ite Atambatun kiŋki kaane «Karuŋ Kéewarie ku». Húnakonak fe bakan iŋi kabin ne o toko kaanuku éeyini kayarawan t'ésuk i kiŋki kayooso t'Enuuf ite Atambatun.

Epotor i 4:22

Ániine eeritanee u ti kásomut ku beejahal ésuk i fe, simit soone sihaŋahaŋ bakan bákasuba.