Hirim Heetoofe hu hi Luk akiñje hu 8:15 - Kwatay (Kuwaataay)

¹⁵ Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

Hirim Heetoofe hu hi Luk akiñje hu 8:15 ပူးပေါင်းရင်းမြစ်များ

Májiye 24:13

Bare an eeja u kajoku alit tip bija tu hunak hiraanu hu, Atambatun kafakano.

Hirim Heetoofe hu hi Luk akiñje hu 11:28

Bare Yesu n'aano: —Ti kiŋki kajamatan hirim hite Atambatun, abe ni kajok ho t'ahaŋe fu katoofu!

Hirim Heetoofe hu hi Luk akiñje hu 6:45

Húŋgowulan heejake aŋ'asok buroon beejake aŋarkeyi naane biyinoor beejake beemo fu ti hikawo. Bare húŋgowulan heejakut aŋ'asok buroon beejakut aŋarkeyi naane biyinoor beejakut beemo fu ti hikawo. Ábuki butum bu ufu búnuutann biyinoor beeemo bu tu búwejet bu.

Hirim Heetoofe hu hi Luk akiñje hu 8:14

Sinawaay seeneye su t'esisa i seemo fu kiŋki kajam jak. Bare biyinoor bu iŋi bihaŋiin sembe, ni kámaŋi kite ebaj i, ni katoofu kite buroŋ bu, abe kábukaariit miriyaay meeyane.

Hirim Heetoofe hu hi Luk akiñje hu 8:16

—An árifaariit ejaaŋana, abe n'árut yo n'ésiwo, man yooŋ n'anaŋ yo t'etaam elal. Aaa! Aŋ'ánind yo ti kaasooru ku kaanuku an fe eeyoosee n'ajuk ajaaŋee.

Saaŋ 14:15

Yesu n'asooñ aane: —Arko árimaŋiammaŋi, aruun káhinu b'isokuun bu.

Saaŋ 15:10

Af'árihin b'isoke bu, ibaa kámaŋiuun naane íhine i yooŋ bi Faafam asoke bu, abe abaa yooŋ kámaŋiam.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

Eleetar i yi Pool akiñje i bakate ku Rom 7:18

Ímoomi kaanuku meejake mu munooto t'íñje, butum t'íñje eeemo u húŋgowulan barebare. Múniyo iŋ'ímaŋi káhinu meejake mu, bare ibajut sembe sondu.

Eleetar i yi Pool akiñje i bakate ku Rom 7:4

Iyu yooŋ a ariemo fu kújakuwe. T'Eluwa i árimoomi naane bakan keekete aŋarkeyi naane árihinahin t'afeeneŋ ni *Kiris éeketaanie u. Hahiye eŋkut ékiniuun. An éekiniuun u aamo fu an eeritanee u t'eket i, kaanuku uŋ'úbin úhin buroon beebaje éñjeriŋ bija t'Atambatun.

Eleetar i yi Pool akiñje i bakate ku Rom 8:25

Bare uf'úyakar doon d'újukoorut, uŋ'úmoken do.

1 Korent 7:19

Kateyi karam ni kateyaate karam, bondu bibajut éñjeriŋ t'Atambatun. Beebaje bu éñjeriŋ te o beemo fu kájeŋgin kite buluwa boone.

Efees 2:8

Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

Esuwif i 2:1

Iŋ'ite ho aamo fu úwarawar kahaŋu kajoku alit tip tu múniyo m'újame mu, utum'úbin útowutanee.

Saak 1:4

Bare arinaŋ toko kikawuun karuusaate koonuun kéeyemi kite hiraanu, man n'áriyemi bakan keeyane faŋ ti bítim bu, doon fe itim dijahaluun.

1 Saaŋ 2:3

Uf'újeŋgin buluwa bite Atambatun, bukuur úne kaanuku úmoomio.