Hirim Heetoofe hu hi Luk akiñje hu 8:13 - Kwatay (Kuwaataay)

¹³ Bakaaku kámoomi naane t'arkee du bilaaliñj. Iŋi kajam hirim hu, abe ni kajok ho atoof. Bare híbajaariit ñuyoot. Iŋi káyilen t'ewahatu kep, abe Setani af'aŋes káhiniiin keehoofoor, n'iŋi kawasan káyilen kooniin.

Hirim Heetoofe hu hi Luk akiñje hu 8:13 ပူးပေါင်းရင်းမြစ်များ

Mark 6:20

ábuki Erod ámaŋiit doon fe dibaj Saaŋ. Aŋ'áhino kákoleyi, ábuki ámoomi kaanuku Saaŋ an ite bifeeneŋ, abe yooŋ an eenabe. Saaŋ af'áyemi ti báhamin, Erod ehelo ébebaariit tuf, bare aŋ'ámaŋi naane kajamatano.

Hirim Heetoofe hu hi Luk akiñje hu 8:12

Bakaake kámoomi naane ñijinu ñu ti sinawaay su sineye du. Iŋi kajam hirim hu, bare Setani n'aŋ'abin eenuutan ho ti siheliin kaanuku itim káyilen, abe yooŋ itim kafak.

Hirim Heetoofe hu hi Luk akiñje hu 8:14

Sinawaay seeneye su t'esisa i seemo fu kiŋki kajam jak. Bare biyinoor bu iŋi bihaŋiin sembe, ni kámaŋi kite ebaj i, ni katoofu kite buroŋ bu, abe kábukaariit miriyaay meeyane.

Saaŋ 15:2

Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Saaŋ 15:6

An eejokut u t'íñje, o káfiitenee tíyaŋ naane kaaland keefiitee. Abe biland bu ifi bibin bisay, iŋi biheree béefiitenee ti sineemak béesufo.

Saaŋ 5:35

Saaŋ ámoomi naane ejaaŋana yéetifanee kaanuku t'ajaaŋee. Aruun n'árimaŋi kaanuku yeejaaŋanuun diŋgilis kikawuun keetoof.

1 Korent 13:2

If'iŋ'iyiŋan báhamin bite Atambatun, n'ínandin béenuusee bu, n'ímeyi doon areyi fe, n'ibaj káyilen keefame k'íyinie katofan ne ko kirij, abe bare kámaŋi an kunooto t'eholam, inooto doon tus.

1 Korent 15:2

Te ho t'Atambatun aja fu kaŋaasu eefakanuun, kane arko ariijok ho naane t'ibine du isokuun ho. Káhinaate iyu, n'aŋ'áami áriiyilen fuufu.

Galasi 3:1

Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i.

Galasi 3:4

Butum b'arijuke bu fe bite fuufu? Ayinaat káyemi bare bite fuufu.

Efees 3:17

Atambatun áhin *Kiris eekin tu suhol soonuun aŋarkeyi naane áriyilenayilen te o. Áhinuun yooŋ áriimaŋioori. Af'árimaŋioori, n'aŋ'arilooñ te o, abe n'aŋ'arinut yooŋ buroŋ boonuun te o.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 2:7

Arilooñ te o, abe n'arinut buroŋ boonuun yooŋ te o. Arihaŋ yooŋ kajoku alitee ti káyilen ku naane kaliikenuun i, abe n'aŋ'ariene Atambatun ko kireyi fe eyeehen.

1 Tesalonik 3:5

Ho híkinineŋe fu naane aamo i iŋkut íyini kanahan, n'íboñin Timote eebin eejuk buŋ bi káyilen koonuun keemo fu. Íkolakoleyi iŋ'eene yéeni man Setani n'abuutuun, butum burok b'iriroke bu fe bite fuufu.

1 Timote 1:19

ni káyilen, n'ehel yooŋ yeekuure. Bakaake kateñekateñeko káhinu naane siheliin susokiin i ayak abin áami káyilen kooniin kúbujaa.

Esuwif i 10:39

Úne únooto ni kiŋki kañako, abe n'iŋi kátowuto hiraanu. Úbajabaj káyilen, abe úne bokondu ti bítim bite kafaku ku.

Saak 2:26

Húŋgowulan heebajut síhiinu, o an eekete. Káyilen yooŋ keeriboorut ni manoŋkar meejake, ko yooŋ keekete.

2 Piyeer 2:20

Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.

2 Piyeer 2:22

Beebajiin bu búwufoorawufoor kaanuku bonde beesokee bu bite nu múniyo: «Ékuruk aŋ'asooñ ateŋ doon d'asaje du»; nu bonde yooŋ: «Efuruka aŋ'añawee nu móhujo ahaban, n'aŋ'asooñ ahuruso ti hatef hu.»

1 Saaŋ 2:19

Bokondu bakan úneiit nu múniyo, iŋ'ite ho hi kanuute fu t'úne. Múniyo kane káyemi bakan úne, n'iŋi kariiko yéeni n'úne. Bare iyu i bije fu t'ahaŋ kakuuru kaanuku mayet afeeneŋ tu boko aamo n'úne.

Eleetar i yi Sud akiñje i 1:12

Áfuñinanieefuñinani kaanuku bokondu keeñoofo n'aruun t'afeeneŋ. Káfuñaariit yooŋ kane káyemi ti hiriy, abe uŋu hooniin hu taŋ h'ifi kayinoor. Kámoomi naane etiir yéebaaniina, eyam i n'eteyoor ne yo, abe enubut. Kámoomi naane ñunukanuk ñéebukaariit, hutoof ewahatu yite te ño ereeŋe, ñunukanuk ñeerondee, butum ñéetumbe ñiket.