Hirim Heetoofe hu hi Luk akiñje hu 7:47 - Kwatay (Kuwaataay)

⁴⁷ Ho h'isok fee bonde n'awe: wuhoofoor woone weehooje wu fe wuboŋketee. Iŋ'ite ho h'áwufoore fu kámaŋi kómbokun kee. Bare an eeboŋketee diŋgilis, aŋ'ámaŋi diŋgilis.

Hirim Heetoofe hu hi Luk akiñje hu 7:47 ပူးပေါင်းရင်းမြစ်များ

Májiye 10:37

«An af'ámaŋi faafo man yooŋ íñaayo ahaŋ naane ámaŋiam i, ayinaat káyemi ariboora úuma. An n'ámaŋi ahaawa oone, man yooŋ ásuŋgute oone ahaŋ naane ámaŋiam i, ayinaat káyemi ariboora úuma.

Hirim Heetoofe hu hi Luk akiñje hu 7:39

H'Afarisiyeŋ eeruwe u Yesu buñoofo bu ajuke hu bondu, n'aane ni hikawo: «Arko yéeni múniyo ániine ondu *ayiŋana ite Atambatun, n'aŋ'ámeyi buŋ bu buroŋ bite anaare aa agoro iyu beemo fu; n'aŋ'ámeyi kaanuku huruwu hoone húbujabujo.»

Hirim Heetoofe hu hi Luk akiñje hu 7:46

Á̱tumbut á̱tis éluuliin ti hikawam; bare akina, átisatis wuwotam ni mátiso.

Hirim Heetoofe hu hi Luk akiñje hu 7:48

Náami Yesu eeene anaare u: —Wuhoofoor wúuwe wuboŋketee.

Epotor i 5:31

Atambatun n'ayito inde *baatoso, abe n'áhino éeyemi Aseef *n'Afakana, kaanuku man *Israyel n'éyini buwatanooro kinij kooniin keejakut ku, wuhoofoor wooniin weeboŋketee.

Eleetar i yi Pool akiñje i bakate ku Rom 5:20

*Eluwa yite Moyis esiiŋasiiŋo, wuhoofoor wu nu wuhaŋ kahooju. Bare ti kaahoofoor ku kihaŋe du kahooju, kajaku k'Atambatun kaŋk'áwufoor kihaŋe toko.

2 Korent 5:14

Ábuki kámaŋi ki *Kiris ámaŋie ku úne kíkinie fu úne, úne ku bukuure ku kaanuku afeeneŋ taŋ akete fu bija t'ésuk i ereyi; aamo fu butum ésuk i ereyi fe ekete fu.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Efees 6:24

Atambatun aja ásoniyan bakan ku fe kéemaŋie ku Anahaan ite úne Yesu Kiris kámaŋi kiraanu.

Fílip 1:9

Bonde b'if'ilaw Atambatun bija t'aruun: yala kámaŋi koonuun ni kihaŋ bija hágila, n'arihaŋ yooŋ kámeyi múniyo mu, abe n'árinandin buroon bu jak,

1 Timote 1:14

Atemit ite úne ásoniyanamsoniyan dómbokun iyak ibaj káyilen, abe n'ímaŋi yooŋ húŋgowulan ni kámaŋi kéenuutina ti Yesu Kiris.

1 Saaŋ 1:7

Bare uf'úkin ti meejaaŋe mu, naane Atambatun humuumo aamo i ti meejaaŋe mu, n'aŋ'áami úne *kéeyilene ku úhinahin t'afeeneŋ, abe halan hite Añio Yesu n'uŋu *hukuuran úne ti kaahoofoor kánokan.

1 Saaŋ 3:18

Kúñuumo, úwarut kámaŋioori ni kirim keetoofe barebare; úwarawar kámaŋioori nu múniyo tu buroon bumb'úhin.

1 Saaŋ 4:19

Atambatun ajabe fu ámaŋi úne. Iŋ'ite ho h'úmaŋio fu, akina nu kúŋgowulan ku fe.

1 Saaŋ 5:3

Kámaŋi Atambatun aamo fu kájeŋgin buluwa boone. Abe buluwa boone biniŋut,