Hirim Heetoofe hu hi Luk akiñje hu 3:11 - Kwatay (Kuwaataay)

¹¹ N'aaniin: —Ake t'aruun af'abaj wújufa wúsuba, awarawar kawunu kike an eebajut u. Abe an eebaje eeñoofo, awarawar káruboor n'an eebajut u.

Hirim Heetoofe hu hi Luk akiñje hu 3:11 ပူးပေါင်းရင်းမြစ်များ

Májiye 25:40

Áyi u kásafiniin aaniin: «Iisokuun bifeeneŋ bu: híhinin fe h'árihine bo ake ti keehaŋe ku káteti tu bokonde keeemo ku naane bakat'am, íñje árihine fu bo.»

Hirim Heetoofe hu hi Luk akiñje hu 11:41

Árisik buroon beeemo bu tu bukot bu, nu tu subool su ariisarah keebajut ku, abe buroon bu fe n'uŋu bukuur t'aruun.

Hirim Heetoofe hu hi Luk akiñje hu 18:22

Hi Yesu ajame hu bondu, n'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Hirim Heetoofe hu hi Luk akiñje hu 19:8

Sase n'arito abe n'aane Anahaan u: —Ámuse u, íñje kásiku ebaj íima íruboor t'etut, abe n'isaan eke efej keebajut ku. Abe an i ibuute yooŋ íisik te o sírirem, íñje kágalino areeŋ kibaakiir.

Saaŋ 13:29

Makamu Suda af'anaŋ sírirem sooniin, bakaake tu boko n'iŋi kaane man Yesu ámaŋio kaanu aja ájoohenn buroon bi kasawulee bu bija t'efeet i, man yooŋ n'aja asarah keebajut ku.)

Epotor i 10:2

Ániine ondu an éejube, abe akina nu butoŋo fe kájeŋginajeŋgin Atambatun. Aŋ'áyokunan dómbokun Esuwif i keebajut ku, abe aŋ'aboo kalawu Atambatun kep.

Epotor i 10:31

abe n'aanam: «Korneyi, Atambatun ajamajam kalawu kúuwe, abe afiilut yooŋ naane aa á̱yokunan keebajut ku.

Epotor i 10:4

Korneyi n'áheelino ti kábitu kep abe n'aano: —Kame naŋ nibaje? Amalaka u n'aano: —Atambatun asasa kalawu kúuwe nu wusarah waw'á̱hin keebajut ku, abe afiiluti.

Efees 4:28

An eeemo ákuw araan kákuwat; anoŋk éesuwat aŋ'arok burok beejake éekuumanooro, éeyini yooŋ káyokunan keebajut ku.

1 Timote 6:17

A̱ane kusaanum kite t'etaam ye itim kayitooro, itim kanaŋ yooŋ eyakar yeeniin t'ebaj yéefiyaariit. A̱aniin kanaŋ yo t'Atambatun aa awun úne areyi fe ahahan kaanuku núutoofan.

1 Timote 6:18

A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

Esuwif i 6:10

Atambatun ájubajub. At'afiil burok b'árihine bu, ni naane árimaŋio i. Áriwufoorowufoor kaanuku árimaŋiomaŋi ti naane áriyokunane i bakan k'akino ku, abe ariroŋa yooŋ n'áriyokunaniin.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

Saak 2:14

Kújakuwe, an af'aŋ'aane abajabaj káyilen, abe bare ánoŋkaariit ajakee, bibajabaj fíya éñjeriŋ? Káyilen kondu kúnoonio fíya kafakan?

1 Saaŋ 3:17

An eebaje af'ajuk at'o n'ahaŋk, abe n'ateñeko káyokunano, buŋ b'ayino fu kaanu ámaŋamaŋi Atambatun t'eholo?

1 Saaŋ 4:20

An af'ahuuf at'o, abe bare n'aane ámaŋamaŋi Atambatun, akina ajuusa. Múniyo afut'ámaŋi at'o aa ajuk, ayinaat kámaŋi Atambatun a ájukaariit u.