Hirim Heetoofe hu hi Luk akiñje hu 23:34 - Kwatay (Kuwaataay)

³⁴ Yesu n'alaw aane: —Faafa, a̱boŋketiin, ábuki kámeyiit doon di kaamo du ti káhinu. Kaanuku kéeruboor wañ woone w'asiimee wu, ni kaya bukuuj keeyit keejuk huruw doon d'aware du kabaju.

Hirim Heetoofe hu hi Luk akiñje hu 23:34 ပူးပေါင်းရင်းမြစ်များ

Májiye 11:25

Tu kunak kondu Yesu n'aane: —Faafa, Atemit ite bufor bu n'etaam i, íñj'endu ti kaanii eyeehen naane á̱wufoore i kéemeyiit ku doon fe múniyo m'á̱nuuse mu bakan kéewesinatee ku, ni kéewuwe ku.

Májiye 11:26

Hee Faafa, ho hutoofi ni bija iyu.

Májiye 5:44

Íñje bare eenuun: árimaŋi enatoora yeenuun, abe n'arilaw bija ti kiŋki káhihinooruun.

Mark 15:24

Ni katibo t'ekuruwa i. Kaanuku kéeruboor wañ woone w'asiimee wu, ni kaya bukuuj keeyit keejuk huruw doon d'aware du kabaju.

Hirim Heetoofe hu hi Luk akiñje hu 22:42

aane: —Faafa, t'á̱maŋie, á̱hin ekot yendu yite sílaam su yeekambam. Káanukiiit á̱ahin beetoofam bu, bare á̱hin beetoofi bu.

Saaŋ 17:9

«Íñj'endu ti kalawii bija tu boko. Ilawut bija ti bakate ku t'etaam ye, bare ilawalaw bija ti bakan k'a̱wunam ku, ábuki bákuuwe ku.

Saaŋ 19:11

Yesu n'aano: —A̱bajut t'íñje mayet sembe, kane arko taŋ s'Atambatun eeemo u t'etiir awuni su. Iŋ'ite ho aamo fu katin kite an éesikam u asaani kihaŋahaŋ kúuwe ku.

Epotor i 16:28

Bare Pool n'ataŋk ni sembe aane: —Atum'á̱hinooro beejakut! Uni bokondu diye irireyi fe!

Epotor i 3:17

«Kújakuwe, hahiyu ímoomi kaanuku ti kámeyiaate t'árihine fii Yesu, aruun n'eseef yeenuun.

Epotor i 7:60

Ahaban, n'ájiŋgitan, abe n'ataŋk t'etiir aane: —Anahaan u, atum'a̱jokiin kaahoofoor konde! H'asoke hu bondu ahaban, n'aket.

Eleetar i yi Pool akiñje i bakate ku Rom 12:14

Arilaw Atambatun éesoniyan kiŋki káhihinooruun; arilawo éesoniyaniin, atum'arieno áwuumiin.

1 Korent 2:8

Mayet afeeneŋ ti bakan kómbokun ku bakate ku t'etaam ye ámeyie búwesinato bondu. Kane kámeyi bo, man katib yéeni *t'ekuruwa i Anahaan éenike u.

1 Korent 4:12

Iŋ'írilaamool tu burok kaanuku íriikuumanooro. An af'álafatin uni, n'iŋ'irilaw beejake bija te o. An n'áhihinoor uni, n'iŋ'irituumen.

1 Timote 1:13

Hítiyar hu, iŋ'isok te o beejakut, iŋ'ílafatino yooŋ, abe n'iŋ'íhihinoor bakan koone. Bare Atambatun ayubiyenamyubiyen, ábuki ámoomi kaanuku bimb'íhinaani fe, ti kámeyiaate, abe íyilenut yéeni ti Kiris.

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.