Hirim Heetoofe hu hi Luk akiñje hu 22:17 - Kwatay (Kuwaataay)

¹⁷ Náami Yesu éesik ekot ite ébiñ, n'aane Atambatun eyeehen abe n'aane: —Árisik, arisawoor áriihujo arireyi fe.

Hirim Heetoofe hu hi Luk akiñje hu 22:17 ပူးပေါင်းရင်းမြစ်များ

Májiye 14:19

Ahaban, n'aane hahooja hu hiriiko ti mahos mu. N'ayit kumburu ku hutok hu ni misaan músuba mu, abe n'áheelin t'etiir. N'aane Atambatun eyeehen. Ahaban, n'afiitar kumburu ku, abe n'asaan ko eriboora yeene kéeruboor hahooja hu.

Májiye 15:36

Ahaban, n'ayit kumburu ku hutok nu kúsuba ku, ni misaan mu, abe n'aane Atambatun eyeehen. N'afiitar ko ni misaan mu, abe n'asaan eriboora yeene kéeruboor hahooja hu.

Májiye 26:26

Bokondu tu buñoofo bu, Yesu n'ayit humburu abe n'aane Atambatun eyeehen. N'afiitar ho, abe n'asaan eriboora yeene ti kaaniiin: —Árisik ariiteŋ, diye eniam.

Mark 14:22

Bokondu tu buñoofo bu, Yesu n'ayit humburu abe n'aane Atambatun eyeehen. N'afiitar ho, abe n'asaan eriboora yeene ti kaaniiin: —Árisik, diye eniam.

Hirim Heetoofe hu hi Luk akiñje hu 22:19

Ahaban, n'ayit humburu abe n'aane Atambatun eyeehen. N'afiitar ho, abe n'asaan eriboora yeene ti kaaniiin: —Diye eniam, yéesikee i *esarahee Atambatun uŋu hoonuun hu. Aŋ'árihin iye kaanuku áriibaŋinaam.

Hirim Heetoofe hu hi Luk akiñje hu 9:16

Yesu n'ayit kumburu ku hutok hu ni misaan músuba mu, abe n'áheelin t'etiir. N'aane Atambatun eyeehen. Ahaban, n'afiitar kumburu ku ni misaan mu, abe n'asaan eriboora yeene aaniin káruboor hahooja hu.

Eleetar i yi Pool akiñje i bakate ku Rom 14:6

An af'aane hike hunak hihaŋahaŋ kaaku, áhinahin bo kaanuku aŋ'abin asokoroor Anahaan u. An u aa ateŋ doon areyi fe, áhinahin bo kaanuku aŋ'abin asokoroor Anahaan u, ábuki aŋ'aane Atambatun eyeehen bija tu buroon bu bamb'ateŋ. Abe an éeteŋaariit u doon deebaje síhiinu, áhinahin bo yooŋ kaanuku aŋ'abin asokoroor Anahaan u, abe aŋ'aane yooŋ Atambatun eyeehen tu buroon bamb'ateŋ.

1 Korent 10:16

Uŋ'úene Atambatun eyeehen bija t'ekot ite kásoniyan ku. Uf'úyemi tu búhujo te yo, bondu búwufoorut kereŋ kaanuku uŋ'úmaat úreyi fe tu buroon beejake bite bu Kiris, halan hoone héekinineŋ? Abe humburu huh'úfiitar, uf'úyemi ti kateŋu ho, bondu búwufoorut kaanuku úhinahin t'afeeneŋ ni Kiris iŋ'ite eni yeene?

1 Korent 11:23

Bonde bi kaliikenam fu béenuutina bu t'Anahaan u, abe íwufooruunwufoor bo yooŋ: Anahaan u Yesu, káajiim ki kajooheno ku, ayitayit humburu