Hirim Heetoofe hu hi Luk akiñje hu 2:37 - Kwatay (Kuwaataay)

³⁷ ániine u n'aket. N'aja ayak abin áami abaja simit bakan bakabaakiir ni sibaakiir. Áwasaariit *t'Enuuf ite Atambatun. *Aŋ'awoor káajiim ni kaajiŋgan, abe n'alaw eesokoroor Atambatun.

Hirim Heetoofe hu hi Luk akiñje hu 2:37 ပူးပေါင်းရင်းမြစ်များ

Hirim Heetoofe hu hi Luk akiñje hu 5:33

Kéeyemie ku ti báhamin bu ni Yesu ni kaano: —Eriboora yite Saaŋ, ni bakate *Efarisiyeŋ i iŋi kafand *kawooru, abe ni kalaw. Bare bákuuwe ku buñoofo taŋ nu búhujo.

Epotor i 13:3

Náami hi kawoore hu abe ni kalaw kahaban, ni kásit sumoŋiiin ti Barnabas nu Sóol, abe ni kawasiin keeja.

Epotor i 14:23

Ti kéeyilene kaamo fe, n'iŋi kajifaniin bakan kéeyemi *sifaaf su. Iŋi *kawoor, abe ni kalaw bija tu boko. Kahaban, n'iŋi kawasiin tu sumoŋu Anahaan u i kayakare u te o.

Epotor i 26:7

Sunuuf su sumoŋu nu súsuba site *s'Israyel sondu ti kalawu Atambatun kaajiŋgan ni káajiim, ti kayakar kaanuku so kajuku bo. Maan, eyakar yendu ékinineŋe fu Esuwif i ni katinanam!

1 Timote 5:5

Anaare eeemo áyino aketaket abe abajut an ite káyokunano, aŋ'ásik eyakar yeene anaŋ t'Atambatun, abe aŋ'aboo kalawio kaajiŋgan ni káajiim kaanuku man n'áyokunano.

Kafeeñal ku 3:12

An fe eeyak kariiŋan, íñje káhinio éeyemi éniñj t'enuuf ite Atambatun úuma, abe aroŋut hikee kánuutina toko. Íñje kakiñju te o huruwu hite Atambatun úuma, nu huruwu húuma híyeni hu, nu huruwu hite hikinu hite Atambatun úuma. Hikinu hondu heemo fu Serusalem éyeni i, yeeja i kánuutina t'etiir bufor bu t'Atambatun úuma yéewanein.

Kafeeñal ku 7:15

Iŋ'ite ho h'ifi kasiiŋo hágila eriikeey ite Atambatun yite híyiaate hu, abe ni kasokorooro káajiim ni kaajiŋgan t'enuuf yeene. An eeriikee u t'eriikeey ite híyiaate hu kajukariin akina humuumo.