Hirim Heetoofe hu hi Luk akiñje hu 17:6 - Kwatay (Kuwaataay)

⁶ Anahaan u n'aaniin: —Af'arko aribajabaj káyilen, hutoof yooŋ kíteti naane anawaay ite *emutard, árinooni kaanu nunukanuk nondu: «A̱nuut diyu ni kíjiŋ kúuwe fe, a̱aja a̱looñ ti han hu», no yooŋ káhinu naane arisoke i.

Hirim Heetoofe hu hi Luk akiñje hu 17:6 ပူးပေါင်းရင်းမြစ်များ

Májiye 14:29

Yesu n'aano: —A̱bin! Piyeer n'ánuutin tu busoona bu, eeñaah tu móhujo mu bija bu ti Yesu.

Májiye 17:20

Yesu n'aaniin: —Aŋarkeyi naane káyilen koonuun kifamut. Iisokuun bifeeneŋ bu: af'aribaj káyilen, hutoof yooŋ kíteti naane anawaay ite *emutard, aruun kaanu hirij hondu: «A̱nuut diyu a̱aja baaba», ho katofu. Doon iti dijahaluun mayet.

Májiye 21:21

Yesu n'aaniin: —Iisokuun bifeeneŋ bu: af'aribaj káyilen, abe árihinut sihel súsuba, aruun káyini káhinu b'íhine bee nífigiye nondu. Aruun yooŋ kaanu hirij hondu: «A̱nuut diyu a̱aja á̱tuuso káajuŋeey», bo yooŋ kabaju.

Mark 4:31

Júmoomi naane sinawaay site *emutard. Af'a̱yit afeeneŋ a̱anawo, akina ahaŋe fu káteti sinawaay site t'etaam ye fe.

Mark 9:23

Yesu n'aano: —Iŋi naŋ n'a̱ane fu: «Af'arko á̱yinooni»? An eebaje káyilen, doon dijahaluto.

Hirim Heetoofe hu hi Luk akiñje hu 13:19

Júmoomi naane afeeneŋ ti sinawaay site *emutard, a an ayite eenawo t'etool yeene. O kahaatu areeŋ nunukanuk, abe bilele bu n'iŋi bibin béewuul ti biland boone.

Hirim Heetoofe hu hi Luk akiñje hu 17:7

—Ariliik fee kane arko naane ake t'aruun abaje fee ásukateen eejoo buwañ, man yooŋ jíhaaw sunuk soone. Af'ábatikein, awe kaanio fíya: «A̱moken, a̱ja a̱añoofo»?

Hirim Heetoofe hu hi Luk akiñje hu 19:4

Náami eetey hágila, abe n'asiro ti nike nunukanuk kaanuku eejuk Yesu, ábuki toko t'ayak fu kaŋaasu.

Hirim Heetoofe hu hi Luk akiñje hu 7:13

H'Anahaan u Yesu ajuke hu anaare u, n'ayubiyeno abe n'aano: —Atum'a̱yiy!

Hirim Heetoofe hu hi Luk akiñje hu 7:19

abe n'aboñiin t'Anahaan u kaanuku kéekandijeno man akina aamo fu an eeware u bibin, man yooŋ kanahan ake.

1 Korent 13:2

If'iŋ'iyiŋan báhamin bite Atambatun, n'ínandin béenuusee bu, n'ímeyi doon areyi fe, n'ibaj káyilen keefame k'íyinie katofan ne ko kirij, abe bare kámaŋi an kunooto t'eholam, inooto doon tus.