Hirim Heetoofe hu hi Luk akiñje hu 17:1 - Kwatay (Kuwaataay)

¹ Yesu n'aane eriboora yeene: —Kabaju ko kireyi fe bike beeyak kákinineŋ ésuk i n'ehoofoor. Bare afin ayak buŋ kátaañi t'an eeja u kánuutanna bo!

Hirim Heetoofe hu hi Luk akiñje hu 17:1 ပူးပေါင်းရင်းမြစ်များ

Májiye 16:23

Bare Yesu n'aweteko abe n'aane Piyeer: —A̱kambam «Setani»! Aw'ondiam ti kafitu, ábuki aŋ'a̱yinoor naane kúŋgowulan ku, bare náaneiit Atambatun.

Májiye 18:7

Átaañiee teereŋ tu kúŋgowulan ku naane aamo i abajeebaj bike beeyak kákinineŋ ni kahoofoor! Bibaa yooŋ kabaju, bare átaañi t'an eeja u kánuutanna bo!

Hirim Heetoofe hu hi Luk akiñje hu 16:31

Bare Aburaham n'aano: «Arko kámaŋiit káhinu naane busokee i tu wuwiit wute Moyis, nu wute eyiŋana yite Atambatun, an at'áhaminiin hikee ni kajam, hutoof yooŋ an éeriteina t'eket i.»

Eleetar i yi Pool akiñje i bakate ku Rom 14:13

Náami úraan kajoonanoor ku. Bonde b'úware fu kajoku te bo alitee: utum'úhin doon fe deeyino káhinu ake eeney, butum dite kayoosano ti kaahoofoor.

Eleetar i yi Pool akiñje i bakate ku Rom 16:17

Kújakuwe, íñj'endu ti káwasiyanuun bonde: áriwasiyoor kiŋki kayeeñooran *kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin,

1 Korent 10:32

Manoŋkar moonuun itim mineyan ti kaahoofoor Esuwif i, ni keenooto ku Esuwif, ni *kéeyilene ku yooŋ ti *Kiris.

1 Korent 11:19

(Abe káwaajinoor kuwarawar kabaju t'aruun man kéejube ku nu múniyo ni káyiniee kakeetan.)

1 Korent 8:13

Iŋ'ite ho aamo fu efuwa y'iteŋe ef'ékinineŋ an éeyilene n'aney ti kaahoofoor, iroŋut hikee-kee kateŋu efuwa, kaanuku man itim'ibin ineyano ti kaahoofoor.

1 Timote 4:1

Búwejet Beenabe bu busokasok bonde bukuur but. Beenaan: tu kunak kiraanu ku, bakaake kawasu káyilen ku. Boko kajoku tu ñúwejet ñuññu ñubuut, ni bi birab bu bimbi biliikeniin.

Kafeeñal ku 2:14

Bare ítaañianataañian t'awe ti bike: bakaake bokondu t'awe keejoke ti bi Balam abine bu aliiken ésuk i kóyin sifaaf. Balam aliikene fu Balak eetiŋg bakate ku *Israyel ti kaahoofoor, ti kateŋu kite efuwa yite sunuk *seesarahee tu ñúwisenum, nu huŋotu hu ni bakan ki kaseñeit.

Kafeeñal ku 2:20

Bare b'ítaañiane bu t'awe beemo fu bonde: a̱wasawas Sesabel, anaare ondu eeene u akina aamo *ayiŋana ite Atambatun eebuut bakan kúuma ti naane aa aliikeniin huŋotu hu ni bakan ki kaseñeit, ni kateŋu kite efuwa yite sunuk *seesarahee tu ñúwisenum.