Hirim Heetoofe hu hi Luk akiñje hu 14:32 - Kwatay (Kuwaataay)

³² Af'ajuk kaanuku at'áyini, n'aŋ'aboñ bakan t'áwiyo, o káaroŋin t'akambe, keejamoor ti hirim hifeeneŋ, káasuumaay keebaj.

Hirim Heetoofe hu hi Luk akiñje hu 14:32 ပူးပေါင်းရင်းမြစ်များ

Májiye 5:25

«An af'aane eeja n'awe keejoonanuun, a̱moken ariijamoor aruun ti bítim bu. Káhinaate ii, an u n'aŋ'ásiki aja asaan ajoonana u, ajoonana u n'ásiki asaan esulaan i, abe n'aŋ'a̱kulee.

Májiye 5:42

An eelawi dike doon, a̱wuno; abe an n'aani a̱maageno doon, atum'a̱teñeko.

Hirim Heetoofe hu hi Luk akiñje hu 12:58

An af'aane eeja n'awe keejoonanuun, a̱tuumen kep aruun ti bija bu á̱ahin ariijamoor béetib. Káhinaate ii, an u kañakii aja asaan ajoonana u, ajoonana u n'ásiki asaan esulaan i, abe esulaan i n'iŋi kajoki kakul.

Hirim Heetoofe hu hi Luk akiñje hu 14:31

Man yooŋ kikinu kúsuba keeware kayawoor; áyi ite hikinu honde kajab ariiko eejuk man akina káyini, n'esulaan yeene, katiiku ni bakate ku aau áyi keehaŋiin ku tu kúsuba.

Hirim Heetoofe hu hi Luk akiñje hu 14:33

Yesu n'asooñ aane: —Náami an t'aruun ayinaat káyemi ariboora úuma kane arko áwuŋgut hiñaawu doon d'abaje du fe.

Hirim Heetoofe hu hi Luk akiñje hu 19:14

Bare bakate t'ésuk yeeniin kahuufohuuf; ni kaboñ bakan keesao ti hiñaawu kaanuku keereeŋ ni kasok bonde: «Írimaŋiit ániine ondu áyemi áyi ite uni.»

Epotor i 12:20

Buñoofo bite bakate ku Tiir ni Sidon, t'ésuk ite áyi u *Erod t'ufu búnuutin. Bare makamu kóŋkeyin Erod ayiŋatayiŋat tu boko, ni kajamoor kaane keeja keejuko. Ni káhamin ni Blastus, arima ite áyi u kaanuku eebin éeyokunaniin. Kahaban, ni kaja kajuk Erod keeeno káasuumaay ki kaŋese fu.