Hirim Heetoofe hu hi Luk akiñje hu 14:23 - Kwatay (Kuwaataay)

²³ Náami ate enuuf i eeene aroka u: «A̱ja ti ñítim ñeejose ñu, aŋ'a̱kototoor ñisiisu ñu, abe n'a̱noŋkooran ésuk i keebin kéeyoosein t'íñje man enuuf íima n'ehooj.

Hirim Heetoofe hu hi Luk akiñje hu 14:23 ပူးပေါင်းရင်းမြစ်များ

Májiye 21:43

Yesu n'áwutiyen aane: —Iŋ'ite ho h'eenuun fu: *Jáyi jite Atambatun kanuutanee t'aruun jeesaanee bakaake keeyak káhinu meejake.

Májiye 5:41

Abe asulaan af'asejani aniŋee, eenoŋkoorani a̱aja simeetar seereeŋe éñjune, a̱ja seereeŋe súñjune súsuba.

Hirim Heetoofe hu hi Luk akiñje hu 14:22

Diŋgilis kep náami aroka u ábatikeino abe n'aane ate enuuf i: «Íhinahin naane a̱soke i, bare enuuf i ehoojoorut.»

Hirim Heetoofe hu hi Luk akiñje hu 14:24

Íñje isok fee n'aruun: mayet afeeneŋ ti keejabe ku karuwee ayak buñoofo ti hiriy hu!»

Hirim Heetoofe hu hi Luk akiñje hu 24:29

Bare kawasuto eeja. Ni kaano: —Tinendana, abe memee n'uŋu tujon; a̱riiko núuŋot diye. Náami eeyooso kaanuku keeriiko toko.

Epotor i 16:15

H'aamo hu áyilena, n'abostee, akina ni bakate ku tu boko, abe n'alaw uni aane: —Makamu arijukajuk kaanuku nu múniyo íyilenayilen t'Anahaan u, aribin kame ariiwanan t'íñje. N'anoŋkooran uni iriieno hee.

Epotor i 18:6

Bare Esuwif i ni karito te o, abe ni kálafatino. Náami eehaŋkiin hafor hite wañ woone abe n'aaniin: —Af'áritowuto, aruun ariŋese bo. Ikuura toko but. Áfiitin ti hahiye, íñje kawasuuun iija iwaare ti keenooto ku Esuwif.

Epotor i 28:28

Pool n'áwutiyen aane: —Árimeyi bonde: Atambatun aboñaboñ bija ti keenooto ku Esuwif, keesokee buŋ b'aja fu kafakaniin ariike. Boko kajamatan hirim hoone!

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Eleetar i yi Pool akiñje i bakate ku Rom 10:18

Hahiyu eene i: bakate ku *Israyel kajamut fíya báhamin bu? Áyine wala, kajamajam bo! Míkiñjin mu meenaan: «Wuji wute kiŋki kawaare hirim hu wujameejam t'etaam i ereyi fe, abe báhamin booniin bireeŋareeŋ tánotan t'etaam i.»

2 Korent 5:11

Náami írimoomi naŋ neemo fu kákoleyi Anahaan u. Iŋ'ite ho h'if'iriŋes káhinu ésuk i kéeyilen. Atambatun ámoomi uni ahaban fe, abe eenaan aruun yooŋ árimoomi uni arihaban.

2 Korent 5:20

Náami uni bakan ki Kiris aboñe, abe ti sembe soone t'if'írihamin, anokoor naane Atambatun humuumo af'áhaminuun. Uni bokondu ti káwasiyanuun bonde tu huruwu hite Kiris: waasuun, atum'ariteñeko kabukan ku n'Atambatun.

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:28

Kiris ondu if'iriwaare ésuk i fe. Iŋ'íriyeegaliin, abe n'iriliikeniin yooŋ ni káwasi k'Atambatun awune ku uni fe, kaanuku man huruw fe n'abin asiiŋo hágila Atambatun, káahaatin ti naane áhine i t'afeeneŋ ni Kiris.

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.