Hirim Heetoofe hu hi Luk akiñje hu 11:41 - Kwatay (Kuwaataay)

⁴¹ Árisik buroon beeemo bu tu bukot bu, nu tu subool su ariisarah keebajut ku, abe buroon bu fe n'uŋu bukuur t'aruun.

Hirim Heetoofe hu hi Luk akiñje hu 11:41 ပူးပေါင်းရင်းမြစ်များ

Májiye 26:11

Keebajut ku káyemi n'aruun ko kireyi fe, bare íñje it'íyemi n'aruun ko kireyi.

Májiye 5:42

An eelawi dike doon, a̱wuno; abe an n'aani a̱maageno doon, atum'a̱teñeko.

Mark 7:19

Ábuki fu díjaariit ti yaan yeene, bare ti haro, deetik dibin dunuutanee. (Ti báhamin bondu ti Yesu áwufooriin fu kaanuku abajut doon déeñeyie deeemo kawarut do buhoofooro.)

Hirim Heetoofe hu hi Luk akiñje hu 12:33

Arijoohen ebaj yeenuun fe, abe n'árisik sírirem su arisarah keebajut ku. Arirok bikalfe béebujaariit, arikuukan ebaj t'etiir, t'aamo du et'étowuto hikee-kee. Búkuw bu iti bíyini kareeŋu yo, busobit bu iti bíyini kábuju yo.

Hirim Heetoofe hu hi Luk akiñje hu 16:9

Yesu n'áwutiyen aane: —Íñje n'ifin eenuun: ebaj yeenuun yite i t'etaam ye, árisik yo áriihinooro bákawiy. Af'árihin ii, abe n'ebin ehabano, n'aŋ'arijokee áwariee ti bikin béehabanaariit bu.

Hirim Heetoofe hu hi Luk akiñje hu 18:22

Hi Yesu ajame hu bondu, n'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Hirim Heetoofe hu hi Luk akiñje hu 19:8

Sase n'arito abe n'aane Anahaan u: —Ámuse u, íñje kásiku ebaj íima íruboor t'etut, abe n'isaan eke efej keebajut ku. Abe an i ibuute yooŋ íisik te o sírirem, íñje kágalino areeŋ kibaakiir.

Epotor i 10:15

Kaaji ku nu kusooñ kíhamin keeno: —Doon d'Atambatun aane du dukuurakuur, atum'a̱ane dukuurut.

Epotor i 11:29

H'asoke hu bondu ahaban, kéeyilene ku ni kaane boko kasaan huruw doon d'áyinie du, kaanuku man ni kaboñ t'áyokunan kéeyilene ku keekine ku *Súde.

Epotor i 24:17

«Naane aamo i abajeebaj simit ijeit Serusalem, n'ibatuko bo kaanuku íiyokunan bakanam ti sírirem, abe n'íhin *wusarah bija t'Atambatun.

2 Korent 8:12

Ábuki an af'awun áhabanein, bondu bijakajak t'Atambatun. Atambatun aŋ'ámaŋi an awun aliik tu doon d'abaje du, káanukiiit tu doon d'abajut du.

Efees 4:28

An eeemo ákuw araan kákuwat; anoŋk éesuwat aŋ'arok burok beejake éekuumanooro, éeyini yooŋ káyokunan keebajut ku.

Eleetar i yi Pool akiñje i Tit 1:15

Bakan *keekuure, doon fe dukuurakuur tu boko; bare bakan keekuurut, abe yooŋ káyilenut, doon fe dukuurut tu boko. Ábuki biyinoor booniin bubuubatabuubat, ni sihel sooniin fe.

Esuwif i 13:16

Atum'aŋ'arifiil káhinu kite meejake mu, abe n'aŋ'áriyokunanoor yooŋ, ábuki wusarah naane wondu ufu wutoof Atambatun.

Esuwif i 6:10

Atambatun ájubajub. At'afiil burok b'árihine bu, ni naane árimaŋio i. Áriwufoorowufoor kaanuku árimaŋiomaŋi ti naane áriyokunane i bakan k'akino ku, abe ariroŋa yooŋ n'áriyokunaniin.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.