Hirim Heetoofe hu hi Luk akiñje hu 11:34 - Kwatay (Kuwaataay)

³⁴ Díkin aamo fu ejaaŋana yite enii. Arko ñíkini ñijakajak, enii ereyi fe n'eŋ'éyemi ti meejaaŋe. Bare arko ñíkini ñijakut, enii n'eŋ'éyemi t'ébaani.

Hirim Heetoofe hu hi Luk akiñje hu 11:34 ပူးပေါင်းရင်းမြစ်များ

Mark 4:12

kaanuku bi *Míkiñjin mu musoke bu ni bibaj. Meenaan: «Iŋi káheelin féet, bare iti kajuk; iŋi kajam áwariee, bare iti kajok; ábuki n'iŋi kajendan káwuŋgan inde Atambatun, abe n'aŋ'aboŋketiin!»

Mark 7:22

huŋotu hu n'an i kaseñeit, bimero bite buroon bite bakaaku, bánafut bu, kabuutu kite ésuk i, kajoŋooraate ku, bíhiñanoor bu, husoku hu ti bakaaku, biyitooro bu, nu busoŋotooro bu.

Mark 8:18

Aribajabaj ñíkin, abe árijukaariit? Aribajabaj wúkondin, abe árijamaariit?

Hirim Heetoofe hu hi Luk akiñje hu 11:35

Náami a̱naŋ toko hikawi, atum'áyemi ébaani eemo fu t'awe, bare meejaaŋe.

Epotor i 13:11

Hahiyu a̱jam: Atambatun kagoru t'awe, awe káfuumu, abe bifiyo at'aŋk'a̱juk meejaaŋe mite taanak tu. Toko-toko yooŋ, náami ñíkin ñite Elimas ñíbaania tíw, n'áyemi t'ébaani. N'aŋ'alaalool toko kaanuku man n'abaj ake ite káwufooro bítim bu.

Epotor i 2:46

Húnakonak fe iŋi kafand bukuukanooro *t'Enuuf ite Atambatun. Iŋi kafiitar kumburu ku tu sunuuf sooniin, abe ni kañoofo t'afeeneŋ siheliin ti katoofu kep, abajut yooŋ biyitooro.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

2 Korent 1:12

Iisokuun bimb'irisaŋgoor ne bo: sihel site s'uni súwufoorawufoor uni kaanuku iririikariiko n'ésuk i biriiko beejoŋoore, ni bijak yooŋ, áhaŋum n'aruun. Abe bondu fe t'Atambatun tu búnuutina fu. Káanukiiit tu búwesinato bite húŋgowulan. Aaa, t'Atambatun éewufoore u uni kajaku koone tu búnuutina fu.

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

Efees 1:17

Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

Efees 6:5

Aruun búsukateen bu, árijeŋgin kéekiniuun ku bakate ku t'etaam ye. Árikoleyiiin, abe n'arijamiin nu suhol seekuure but, naane aa árijeŋgin *Kiris.

Kolos 3:22

Aruun búsukateen bu, árijeŋgin kéekiniuun ku bakate ku t'etaam ye tu doon areyi fe. Atum'árijeŋginiin kane káyemiuun ti kajukar barebare, kaanuku man n'aritoofiin. Bare árijeŋginiin nu suhol seekuure but, iŋi naane árijeŋgine i Anahaan u.