Hirim Heetoofe hu hi Luk akiñje hu 11:29 - Kwatay (Kuwaataay)

²⁹ Bakan keehooje ni kákuut Yesu. N'aane: —Aruun bakate ku hahiye arijakut. Aŋ'árimaŋi kajuku beehaŋuun kikaw. Bare at'áriwufooree mayet bifeeneŋ, kane arko taŋ beebaje bu *Sonas.

Hirim Heetoofe hu hi Luk akiñje hu 11:29 ပူးပေါင်းရင်းမြစ်များ

Májiye 3:7

Hi Saaŋ ajuke hu kaanuku *Efarisiyeŋ keehooje *n'Esaduseyeŋ iŋi kabin te o kaanuku eebosteiin, n'aaniin: —Ñuroon ñondu! Aañ me aanuun fu árinooni kateyi Atambatun, makamu hunak hoone hite Kajoonan ku húlohenno?

Mark 8:38

Isokuunsok bonde ábuki ake ti bakate ku hahiye kéewuŋge ku Atambatun kiñaawu, ehoofoora yooŋ, af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku kite Faafo, akina n'emalaka i keenabe ku.

Hirim Heetoofe hu hi Luk akiñje hu 11:16

Bakaaku ni kaŋes kajeeŋano: ni kaano áhin bike beehaŋiin kikaw, beekuuriin kaanuku sembe soone t'Atambatun tu súnuutina fu.

Hirim Heetoofe hu hi Luk akiñje hu 11:50

Náami Atambatun yooŋ kaniju ti bakate ku hahiye iŋi eyiŋana yeene keeyoolee ku huta h'etaam i éwuwanee hu.

Hirim Heetoofe hu hi Luk akiñje hu 12:1

Hi Yesu áyemie hu ti kaliiken kite ésuk i, n'átumb fu áhoojin toko bib. Hahooja héeyemie hu toko, an ayinaatiin kafinu, kasooñen yooŋ n'iŋi kakakoor. Yesu n'ajab aane eriboora yeene: —Arinaŋ toko kikawuun *t'élefir ite *Efarisiyeŋ i, ábuki diyu butuuko, abe iŋi bítifen.

Hirim Heetoofe hu hi Luk akiñje hu 9:41

Yesu n'aane: —Áribajaatia teereŋ káyilen! Ariyaŋgayaŋg faa kikaw, aruun bakate ku hahiye! Bija kaakaŋ n'ija fu iŋki biriiko n'aruun? Íñj'endu ti kajoku hikawam kep bija kaakaŋ? N'aane faaf ite añi u: —A̱bin diye n'añi úuwe.

Saaŋ 2:18

Esuwif i ni kaano: —Aañ awuni fu sembe sondu site kákutoor éjulaata i t'Enuuf ite Atambatun? Arko Atambatun, á̱wufoor uni bike beehaŋe uni kikaw, beekuur uni kaanuku te o tu súnuutina.

Saaŋ 6:30

Ni kaano: —Biin beehaŋe uni kikaw b'á̱yinie fu káwufoor uni kaanuku man n'íriyilen t'awe? Naŋ n'a̱ja fu káhinu?

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

1 Korent 1:22

Esuwif i kaŋesaŋes kajuku beehaŋiin kikaw, beekuuriin kaanuku hirim hu t'Atambatun tu húnuutina fu; *Egerek i ni kafin kaŋes bumbu búnuutin tu búwesinato bu.