Hirim Heetoofe hu hi Luk akiñje hu 11:13 - Kwatay (Kuwaataay)

¹³ Naane árijakaatie i fe, árimoomi kawunu bakañuuun buroon beejake. Náami buŋ bi Faaf úne eeemo u t'etiir atuf'áhin ahaŋ diyu ariike, eewun Búwejet Beenabe bu kiŋki kalawo bo?

Hirim Heetoofe hu hi Luk akiñje hu 11:13 ပူးပေါင်းရင်းမြစ်များ

Májiye 5:16

Iyu yooŋ i meejaaŋe moonuun muware fu kajaaŋan ésuk i, kaanuku man ni kajuk meejake mamm'árihin, abe ni kasokoroor Faafuun eeemo u t'etiir.

Májiye 5:45

Iyu, n'aŋ'áriwufoor kaanuku aruun ariemo fu biñi bite Faafuun eeemo u t'etiir. Ábuki aŋ'áhin taanak toone téerumin ti keejake ku ni ti kéenafute ku, n'áhin yooŋ etiir i yéenubin ti kiŋki kanij ajakee ni kéenijaariit ku.

Májiye 6:14

«Af'ariboŋket ésuk i kane kahoofooruun, Faafuun eeemo u t'etiir kaboŋketuun yooŋ.

Májiye 6:30

Atambatun af'asiim ii úmiye mahos meeemo mu ti kitaaŋaat ku, abe kuwaatu mo kásufiee. Buŋ b'atuf'asiimuun ahaŋ diyu ariike, aruun kumuumuun? Háayee, káyilen koonuun kítetia teereŋ!

Májiye 6:32

Ábuki *kéemeyiit ku Atambatun ifi kaŋes buroon bondu bireyi fe. Bare aruun aribajabaj Faaf eeemo t'etiir, éemeyie kaanuku arisawulasawulo bo.

Májiye 7:11

Naane árijakaatie i fe, árimoomi kawunu bakañuuun buroon beejake. Náami buŋ bi Faafuun eeemo u t'etiir atuf'áhin ahaŋ diyu ariike, eewun buroon beejake kiŋki kalawo bo?

Hirim Heetoofe hu hi Luk akiñje hu 11:12

Man yooŋ kane alawo heey, n'awuno fíya elaŋguut?

Hirim Heetoofe hu hi Luk akiñje hu 11:2

Yesu n'aaniin: —Af'áriyemi ti kalawu, aŋ'ariene: «Faafa, á̱hin ésuk i kéemeyi kaanuku awe a̱amo fu Atambatun eenabe u; á̱hin Jáyi júuwe jeebin.

Hirim Heetoofe hu hi Luk akiñje hu 18:7

Náami buŋ b'Atambatun aja fu kákuri ariike ti bísiiŋooreina bu ni bakan k'ajifane ku, kiŋki kalawo kaajiŋgan ni káajiim fe?

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Epotor i 2:38

Piyeer n'aaniin: —Ariwatanooro kinij koonuun keejakut ku, abe huruw t'aruun n'áhin eebostee tu huruwu hite Yesu *Kiris man wuhoofoor woone nu wuboŋketee, abe Atambatun n'aŋ'awunuun Búwejet Beenabe bu.

Eleetar i yi Pool akiñje i bakate ku Rom 5:17

Múniyo an afeeneŋ atinatin, abe eket i émiñamiñ bakan keehooje iŋi húŋgowulan hifeeneŋ hondu taŋ. Bare iŋi an afeeneŋ taŋ eeemo u Yesu Kiris, úbajabaj ahaŋ diyu. Bakan k'Atambatun kaŋk'áwufoor kajaku koone kómbombokun ku, abe n'anoŋk eejokiin bakan kéejube, boko karoŋu, abe ni káyemi bákayi, Kiris éekinineŋ.

Eleetar i yi Pool akiñje i bakate ku Rom 7:18

Ímoomi kaanuku meejake mu munooto t'íñje, butum t'íñje eeemo u húŋgowulan barebare. Múniyo iŋ'ímaŋi káhinu meejake mu, bare ibajut sembe sondu.

Eleetar i yi Pool akiñje i bakate ku Rom 8:32

Akina éetumbut u awas Añio, bare n'ásiko asaan eeket bija t'úne úreyi, buŋ b'atuf'awun úne doon areyi fe t'afeeneŋ n'Añio?

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.