Hirim Heetoofe hu hi Luk akiñje hu 10:42 - Kwatay (Kuwaataay)

⁴² Bare bifeeneŋ taŋ bisawulee fu. Mari ajifanajifan beejake bu, abe an at'anuutan bo te o.

Hirim Heetoofe hu hi Luk akiñje hu 10:42 ပူးပေါင်းရင်းမြစ်များ

Mark 8:36

An af'aja ayak abin áami ákinia ebaj ite t'etaam ye fe, abe abajut buroŋ bu, yo fíya káñjeriŋo? Aaa!

Hirim Heetoofe hu hi Luk akiñje hu 10:39

Mart ákooki ake at'o, huruwu hoone Mari. Mari n'ariiko bite wuwot wute Yesu, eejamatan b'aamo bu ti kaliiken koone.

Hirim Heetoofe hu hi Luk akiñje hu 11:1

Hike hunak, Yesu n'áyemi ti kalawu tike tiŋ. H'ahabane hu, ake t'eriboora yeene n'aano: —Anahaan u, a̱liiken uni kalawu naane Sambatiis aliikene i eriboora yeene.

Hirim Heetoofe hu hi Luk akiñje hu 12:20

Bare Atambatun n'aano: «Esoŋ ye! Huhuk hite úmiye yooŋ, awe kaketu. Náami buroon b'a̱naŋe bu fe bija t'awe, aañ n'ákini bo?»

Hirim Heetoofe hu hi Luk akiñje hu 12:33

Arijoohen ebaj yeenuun fe, abe n'árisik sírirem su arisarah keebajut ku. Arirok bikalfe béebujaariit, arikuukan ebaj t'etiir, t'aamo du et'étowuto hikee-kee. Búkuw bu iti bíyini kareeŋu yo, busobit bu iti bíyini kábuju yo.

Hirim Heetoofe hu hi Luk akiñje hu 16:2

Náami husaanum hu eeruwo abe n'aano: «B'ijame bee t'awe bite toko? A̱kiñjam doon d'a̱nuutane du á̱ajoohenn buroon bu, nu doon déeyooseina du fe, ábuki a̱awasan burok bu t'íñje.»

Hirim Heetoofe hu hi Luk akiñje hu 16:25

Bare Aburaham n'ásafin aane: «Kamat, á̱baŋino kaanuku awe buroŋ, a̱wuneewun ebaj yeehahe, abe Lasaar n'afin asaanee wúseñji wu. Hahiyu ondu ti katoofu ku, awe a̱afin á̱laam.

Hirim Heetoofe hu hi Luk akiñje hu 18:22

Hi Yesu ajame hu bondu, n'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Hirim Heetoofe hu hi Luk akiñje hu 8:18

«Náami arinaŋ kikawuun ti bamb'arijamatan! Ábuki an eebaje, o káwutiyenee ahaŋ doon d'abaje du; bare an éetumbut u abaj, humuum diŋgiŋgilis d'afooge du kaanuku abajabaj karamiee.»

Saaŋ 11:1

N'abaj ake ániine éesomute, huruwu hoone Lasaar. Betani b'akine fu, akina ni bákaniino Mari ni Mart.

Saaŋ 11:19

keehooje t'Esuwif i ni kabin bujukoor ti Mart ni Mari.

Saaŋ 12:3

Mari n'ayit éndiis ñeeba yite mátiso meeseere-seer, mite anukanuk ii kaane naar, abe n'áyuus mo tu wuwot wute Yesu. Ahaban, n'atot wo nu wan woone. Mátiso mu nu muhundan enuuf i ereyi fe.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

1 Korent 13:3

If'iŋ'ísik ebaj íima fe íruboor keebajut ku, abe n'ísik yooŋ eniam isaan yéesufee, abe bare kámaŋi an kunooto t'eholam, bondu iti bíñjeriŋam.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.