Kolos 4:3 - Kwatay (Kuwaataay)

³ Af'áriyemi ti kalawu, n'aŋ'arilaw n'uni man Atambatun n'awun uni bítim iriiwaare ésuk i hirim hoone, abe n'irisokiin yooŋ béenuusee bite bu *Kiris. Aŋarkeyi naane iwaarawaare béenuusee bondu híkinineŋe fu n'ikulee.

Kolos 4:3 ပူးပေါင်းရင်းမြစ်များ

Májiye 13:11

Yesu n'aaniin: —Aruun k'Atambatun áhine fu áriimeyi béenuusee bite ti Jáyi joone, bare áhinut bo bokondu.

Epotor i 14:27

Hi kareeŋe hu Antiyoos, ni kakuukan kéeyilene ku, abe ni kasokiin naŋ n'Atambatun áhine fu nu boko fe, nu buŋ b'áfeŋgine fu keenooto ku Esuwif karuŋ kite káyilen ku.

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

1 Korent 16:9

ábuki ibaja bítim beejake-jak bite káhinu burok bómbokun bija t'Atambatun. Enatoora i bare kahoojahooj beebe.

1 Korent 4:1

Náami ariwarawar kajoku uni naane eroka barebare bakate *Kiris, bakan keesaanee kaanuku iŋi kawaare múniyo méenuusee mite m'Atambatun.

2 Korent 2:12

H'ije hu Trowas kaanuku iiwaare bo Hirim Heetoofe hite hu *Kiris, n'ijuk kaanuku Anahaan u áfeŋginamfeŋgin bo bítim kaanuku iirok.

Efees 3:1

Iŋ'ite ho aamo fu iŋ'ilaw Atambatun, íñje Pool eekulee u aŋarkeyi naane iŋ'irok bija ti Yesu *Kiris kaanuku íiyokunanuun, aruun keenooto ku Esuwif.

Efees 3:3

Atambatun afeeñamfeeñ éehinam íimeyi boone béenuusee bu. (Ikiñjakiñj bo memee íihamin te bo diŋgilis.

Efees 3:4

Af'arijaŋga b'ikiñje bu, n'aŋ'árinandin b'ímeyie bu ti béenuusee bu, beesokee bu iŋ'ite hu Kiris.)

Efees 3:9

Atambatun éewuwane u doon areyi fe afiyafiya ánuus béeyemie bu ti hikawo. Náami asaanamsaan yooŋ kaanuku íiwufoor ésuk i akuur but buŋ b'aja fu bo káhinu,

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Fílip 1:19

ábuki ímoomi kaanuku naane aa arilaw bija t'íñje, ni naane Búwejet bite bu Yesu Kiris uu búyokunanam, bondu fe biyak fu kákinineŋ n'ifak.

Fílip 1:7

Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

Kolos 1:26

Hirim hondu heemo fu h'afiye hu ánuus ésuk i fe huta hu ti sifaaf, bare hahiye áwufoora ho bakan k'akino ku.

Kolos 4:18

Kasaafu konde, íñje Pool inoŋke fu iikiñj ko n'emoŋiam. Atum'arifiil kaanuku íñj'endu t'ekulu i. Atambatun aja ásoniyanuun arireyi fe.

1 Tesalonik 5:25

Kújakuwe, arilaw bija t'uni.

2 Timote 1:16

Onesifoor bare nu butoŋ boone, Atambatun aja áwufooriin kajaku koone. Ábuki akina af'afand karooŋan eholam, aanut yooŋ ífuñinanafuñinani te o naane eemo ee t'ekulu i.

2 Timote 2:9

Iŋi Hirim hondu Heetoofe hu h'ijuk fee sílaam su, abe n'ifaakee yooŋ ni ñaasel naane ánukenoora. Bare hirim hite Atambatun hifaakutee ni ñaasel.

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.

Filemoŋ 1:22

Abe yooŋ n'a̱faraam anuuf, ábuki iyakarayakar kaanuku Atambatun kasayi kalawu koonuun, abe n'áhinam íibatikein t'aruun.