Kolos 4:2 - Kwatay (Kuwaataay)

² Arijok alitee ti kalawu ku. Siheluun síniyo kane áriyemi ti kalawu Atambatun, abe n'arieno eyeehen.

Kolos 4:2 ပူးပေါင်းရင်းမြစ်များ

Májiye 26:41

Áriheelin féet, abe n'arilaw kaanuku man atum'ariney ti kaahoofoor. Ñúwejet ñoonuun iŋi ñímaŋi káhinu ajakee, bare siniuun sibajut sembe sondu.

Mark 13:33

Arinaŋ toko kikawuun. Áriheelin féet, ábuki árimeyiit kaakaŋ nu bondu bibaj fu.

Hirim Heetoofe hu hi Luk akiñje hu 18:1

Yesu n'asok eriboora yeene beekolofanee bonde, éewufooriin kaanuku kawarawar kalawu ko kireyi fe, itim kawas.

Hirim Heetoofe hu hi Luk akiñje hu 21:36

Áriniyo, abe n'arilaw ko kireyi fe man Atambatun n'awunuun sembe site kafaku tu buroon bondu beeja bu kabaju, ni site bisiiŋo hágila *Añi ute Húŋgowulan hu.

Epotor i 1:14

Kareyi fe iŋi kafand bukuukanooro keelaw, boko ni haare hu, ni Mari íñaay ite Yesu, ni bakati kite Yesu yooŋ.

Eleetar i yi Pool akiñje i bakate ku Rom 12:12

Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

Efees 6:18

Naane biyino i káyemi fe, arilaw Atambatun ko kireyi fe naane Búwejet Beenabe bu biyakuun i káwufoor. Siheluun síniyo, abe n'aŋ'arilaw kep bija ti bakan kite Atambatun kareyi fe.

Fílip 4:6

Atum'arijahale tu doon fe, bare naane biyino i káyemi fe, arilaw Atambatun ariisoko doon d'arisawulee du, ti kaanio yooŋ eyeehen.

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Kolos 2:7

Arilooñ te o, abe n'arinut buroŋ boonuun yooŋ te o. Arihaŋ yooŋ kajoku alitee ti káyilen ku naane kaliikenuun i, abe n'aŋ'ariene Atambatun ko kireyi fe eyeehen.

Kolos 3:15

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

Kolos 3:17

Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.