Kafeeñal ku 8:1 - Kwatay (Kuwaataay)

¹ H'Ametek u ákotine hu húkotanin hutoken hu nu kúsuba, n'átumb akoowan kem tu bufor bu areeŋ egenawala ewahatu.

Kafeeñal ku 8:1 ပူးပေါင်းရင်းမြစ်များ

Májiye 27:66

Náami keeja t'élum i, abe ni káhin yeejukaree: ni kásik núruuk keekob ejuju yómbokun i yite karuŋ ku kágiilool n'elaaliñj i, abe ni kasiiŋan toko esulaan i kaanuku keejukar.

Kafeeñal ku 5:1

Abe n'ijuk kaawiit keeboonee t'emoŋu yaatos yite an eeriikee u t'eriikeey ite híyiaate hu. Kikiñjeekiñj tíyaŋ ni níbahindaa, abe kukotaneekotan n'esondeel kireeŋ hutok nu kúsuba kaanuku an atum'ábandin ko.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.

Kafeeñal ku 6:1

Bondu buwas, n'ijuk Ametek u n'ákotin húkotanin hítiyar hu tu kúkotanin ku hutok nu kúsuba ku. N'ijam afeeneŋ tu muroon mibaakiir meeroŋe mu n'ataŋk naane karanda aane: «A̱bin!»

Kafeeñal ku 6:12

Ahaban, n'ijuk Ametek u n'ákotin húkotanin hutoken hu ni hifeeneŋ. Etaam i n'eyoŋoŋanooro ni sembe-sembe. Taanak tu ni tíbaani túruk naane kájufa kite kátiñja, abe hiim hu ñeeba te ho ni hilaañ jif naane halan.

Kafeeñal ku 6:3

Ahaban, Ametek u n'ákotin húkotanin húsooboriyan hu. N'ijam ásooboriyan u tu muroon meeroŋe mu n'aane: «A̱bin!»

Kafeeñal ku 6:5

Ahaban, Ametek u n'ákotin húkotanin híhaajiyan hu. N'ijam áhaajiyan u tu muroon meeroŋe mu n'aane: «A̱bin!» N'íheelin, n'ijuk efaliñj yeebaan, abe an eerabee u te yo ajokajok báafeeseim.

Kafeeñal ku 6:7

Ahaban, Ametek u n'ákotin húkotanin híbaakiiriyan hu. N'ijam ábaakiiriyan u tu muroon meeroŋe mu n'aane: «A̱bin!»

Kafeeñal ku 6:9

Ahaban, Ametek u n'ákotin húkotanin hutoken hu. N'ijuk *ataabul ite *wusarah wu, abe n'ijuk t'etaamo siyaan site bakan keeyoolee ku aŋarkeyi naane kajokajok hirim hite Atambatun, abe ni kaseede ho.