Kafeeñal ku 7:2 - Kwatay (Kuwaataay)

² Abe n'ijuk ake amalaka ti bisiro, ánuutin káasiŋ ki taanak tu tundu túnuutin, abe n'ajok t'emoŋio éenee yiyi káhin ne yo t'ésuk i ékeetanuma yite Atambatun eeemo u buroŋ. N'áhamin ataŋk n'emalaka i bakabaakiir ku k'Atambatun awune ku sembe site kábuju etaam i ni han hu aaniin:

Kafeeñal ku 7:2 ပူးပေါင်းရင်းမြစ်များ

Májiye 16:16

Simoŋ Piyeer n'ásafino aano: —Awe a̱amo fu *Afakana u, Añi ite Atambatun eekino u buroŋ bu.

Májiye 26:63

Bare Yesu n'akoowan kem. Náami asaraha ómbokun u eeeno: —Inuuri Atambatun eeemo u buroŋ, a̱sok uni man awe a̱amo fu *Afakana u, Añi ite Atambatun.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

2 Korent 1:22

Akina yooŋ áhine fu t'úne éluwenuma yeene yite káwufoor ku kaanuku úne bakan koone, abe n'anaŋ ti sihel site s'úne Búwejet boone Beenabe bu, beekuur úne kaanuku aroŋa kawunu úne eke ebaj.

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

Efees 4:30

Atum'árihin Búwejet bite Atambatun Beenabe bu béetaañian. Bo b'Atambatun ásike fu éehin t'aruun naane éluwenuma bija tu hunak h'aja hu kafakan koonuun akuur but.

1 Tesalonik 1:9

Ésuk i fe eŋ'esok naane arijoke i uni áwariee h'iribine hu t'aruun, ni naane ariwase i ñájiim ñu ariijok t'Atambatun eeemo u buroŋ, abe n'árijeŋgino, akina ite u nu múniyo.

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

Esuwif i 12:22

Aruun bare arilohaloh hirij hite *Siyoŋ, ni hikinu hite Atambatun eeemo u buroŋ. Ho heemo fu Serusalem yite i t'etiir, t'emalaka k'an ayinaat kafinu kaamo du ti hiriy.

Kafeeñal ku 1:3

Atoof t'an eejaŋgee u kaawiit konde tu buhooŋu ésuk i, ni kiŋki kajamatan báhamin bonde béenuutina bu t'Atambatun, abe n'iŋi kájeŋgin yooŋ beekiñjee bu te ko, ábuki memee bo kabaju!

Kafeeñal ku 10:1

Hunuut toko, n'ijuk ake amalaka eebaje sembe kane áwanein ánuutin t'etiir bufor bu. Ákumbaloolakumbaloolo ni kaafor, abe kaajeŋgeleet kuŋoloolaŋolool hikawo. Buhooŋio uŋu burum naane taanak tu, abe wuwoto nu wúyemi naane síniñj site sineemak.

Kafeeñal ku 10:4

Hu wuranda wu wusoke hu, n'ija kaanuku iikiñj naŋ nu wusoke fu, bare n'ijam kaaji kéehaminna t'etiir bufor bu ni keenam: —Á̱nuus doon du wuranda wu hutok nu wúsuba wu wusoke du; atum'a̱kiñj do.

Kafeeñal ku 16:12

Amalaka atoken u n'afeeneŋ n'áyuus ekot yeene ti kaayelu kómbokun ku kiŋki kaane Ófurat. Móhujo mu nu musooŋ kaanuku meewas bákayi kéenuutina ku káasiŋ ki taanak tu tundu túnuutin keekan.

Kafeeñal ku 5:2

N'ijuk yooŋ amalaka eebaje sembe ti kataŋku aane: —Aañ aamo fu eereeŋe kanuutan naane kaawiit ku kukotanee i éebandin ko?

Kafeeñal ku 8:3

Ake amalaka yooŋ n'abin, abe n'asiiŋo kaagoroor *n'ataabul ite *wusarah wu. Ajokajok tu sumoŋio báasufum bite *ejuraay bite éwurus. Ni kawuno ejuraay úkaan kaanuku eesarah yo t'ataabul ite wusarah wu ite éwurus i eeemo u hágila eriikeey ite híyiaate hu, yeeriboor ni kalawu kite bakan kite Atambatun kareyi fe.

Kafeeñal ku 9:14

Kaaji ku ni keene amalaka atoken u n'afeeneŋ: «Á̱jendin emalaka i bakabaakiir ku keefaakee ku ti kaayelu kómbokun ku kiŋki kaane Ófurat.»

Kafeeñal ku 9:4

Ake n'aane bo utum bugor mahos mu, nu ñunukanuk ñu, nu doon fe déelooñina, kane arko taŋ bo bibete bakan kéehinutee ku tu kúyuut ékeetanuma yite Atambatun.