Kafeeñal ku 5:8 - Kwatay (Kuwaataay)

⁸ H'Ametek u ase hu kaawiit ku, muroon mibaakiir meeroŋe mu nu músukaayo, mo ni bíhaaniin bu butuman ni bakabaakiir ku. Kareyi fe huruw n'ekondiŋ, ni bitaañ yooŋ bite éwurus beehooje bib *n'ejuraay. Ejuraay yendu yeemo fu kalawu kite bakan kite Atambatun.

Kafeeñal ku 5:8 ပူးပေါင်းရင်းမြစ်များ

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

Saaŋ 5:23

kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

Esuwif i 1:6

Bare kóyin k'áboñina ku Añi oone átiyar u t'etaam i, aanaan: «Emalaka íima fe kájiŋgitan hágilao.»

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 15:2

N'ijuk naane han heesilane naane eweer, abe ni hígiilool ni sineemak. N'ijuk yooŋ keeriiŋane ku éndakakureŋ i, nu búwisenum bite te yo, ni naane huruwu hite te yo hije i ti kafinu. Kasiiŋasiiŋo ti han hondu heejaaŋe hu naane eweer, abe ni káyekan bukondiŋ b'Atambatun asaaniin bu.

Kafeeñal ku 15:7

Ake tu muroon mibaakiir meeroŋe mu n'asaan emalaka i hutok ni bákasuba ku sukot site éwurus seemo hutok nu súsuba, seehooje bib ni kayiŋat kite Atambatun eeemo u buroŋ hiraanu.

Kafeeñal ku 19:4

Bíhaaniin bu butuman ni bakabaakiir ku ni kásukaay, nu muroon mibaakiir meeroŋe mu, keesokoroor Atambatun eeriikee u t'eriikeey ite híyiaate hu abe ni kaane: «Amiin! Aleluya!»

Kafeeñal ku 4:10

Abe ko kireyi fe bondu ifi bibaj, bíhaaniin bu butuman ni bakabaakiir ku n'iŋi kásukaayo. N'iŋi kasokorooro, o eeemo u buroŋ hiraanu, abe ni káfiiten búkuhe booniin hágila eriikeey ite híyiaate hu ti kaanu:

Kafeeñal ku 4:4

Sike siriikeey yooŋ site híyiaate seemo butuman ni sibaakiir suŋoloolaŋolool eriikeey yendu, abe bíhaaniin kaamo butuman ni bakabaakiir kariikariiko te so. Kasiimasiimo wañ weefañje, abe ni kasol búkuhe bite éwurus.

Kafeeñal ku 4:6

N'abaj toko hágila eriikeey yendu naane han heejaaŋe wililil naane eweer yeekuure but. N'abaj yooŋ muroon mibaakiir meeroŋe meeŋoloole eriikeey ite híyiaate hu, abe sini site te mo fe ñíkin, hágila ni inde kiñaawu ku.

Kafeeñal ku 4:8

Muroon mibaakiir meeroŋe mondu mibajabaj dánodan fe síbend seemo hutok n'efeeneŋ, abe sini site te mo fe ñíkin, bija yooŋ t'etaam síbend su fe. Káajiim ni kaajiŋgan uŋu muhooñ meene: «Atemit, Atambatun eehaŋe u ebaja sembe, anabanab, anabanab, anabanab, akina éeyemie u, akina eeemo u, akina eebin u.»

Kafeeñal ku 5:11

N'isooñ íheelin, n'ijam wuji wute emalaka keehooje-hooj, keeŋoloole eriikeey ite híyiaate hu, nu muroon meeroŋe mu, ni bíhaaniin bu. Emalaka i kareeŋareeŋ búñjune nu búñjune.

Kafeeñal ku 5:12

Iŋi kahooñ kataŋk kaane: «Ametek éemootaaniee u ajare fu káyeki sembe su, n'ebaj i, nu búwesinato bu, ni kámaki ku, nu kusokorooru ku, ni kániku ku, nu kuhooñu ku!»

Kafeeñal ku 5:14

Muroon mibaakiir meeroŋe mu ni mísafin meene: «Amiin!» Abe bíhaaniin bu ni kásukaay keesokoroor Atambatun.

Kafeeñal ku 5:6

Náami iijuk Ametek t'asiiŋee kaagoroor n'eriikeey ite híyiaate hu. Muroon mibaakiir mu míhinohin t'etut, ni bíhaaniin bu yooŋ. Aŋ'a̱juk kite amooteemoot yéeni. Abajabaj wusiin weemo hutok nu wúsuba, ni ñíkin yooŋ ñeemo hutok nu ñúsuba. Ñíkin ñondu ñeemo fu ñúwejet ñu hutok nu ñúsuba ñite ñ'Atambatun, ñaññ'aboñ t'etaam i ereyi fe.

Kafeeñal ku 6:1

Bondu buwas, n'ijuk Ametek u n'ákotin húkotanin hítiyar hu tu kúkotanin ku hutok nu kúsuba ku. N'ijam afeeneŋ tu muroon mibaakiir meeroŋe mu n'ataŋk naane karanda aane: «A̱bin!»