Kafeeñal ku 4:1 - Kwatay (Kuwaataay)

¹ Hunuut toko, bike yooŋ ni bifeeñam. N'ijuk tu bufor bu karuŋ kéefeŋginee. Kaaji k'ibine ku ijam hítiyar hu ti báhamin bu n'íñje keeraase ku naane káabiinu ni keenam: —Á̱sirein beebe, abe n'iŋ'íhini a̱ajuk beeja bu bibin kabaju.

Kafeeñal ku 4:1 ပူးပေါင်းရင်းမြစ်များ

Májiye 3:16

Yesu abostee ahaban kep, n'ánuutin tu móhujo mu. Náami bufor bu bihaŋa bífeŋgino bija te o. N'ajuk Búwejet bite Atambatun nu búwanein naane búnokoorum bite húleebaan, abe ni bilelan te o.

Mark 1:10

Yesu ti kánuutina ku tu móhujo mu, n'ajuk kane bufor bu bífeŋgino, abe Búwejet Beenabe bu nu búwanein naane búnokoorum bite húleebaan bibin te o.

Hirim Heetoofe hu hi Luk akiñje hu 3:21

Saaŋ *n'aboste hahooja héeyemie hu toko fe. N'aboste yooŋ Yesu. Yesu áyemia ti kalawu ku, bufor bu ni bífeŋgino,

Saaŋ 16:13

Búwejet bite múniyo mu ifi bija bibin, bo káwufooruun múniyo mu mireyi fe. Utu busok doon du bunoŋke beeyinoor, bare bo kasokuuun naŋ ni bijame fu fe, ni beeware bu yooŋ kabaju.

Epotor i 10:11

N'ajuk bufor bu ni bífeŋgino, abe dike doon tu búwaneina, dunokoor naane ebara, abe wulaajen wu t'ebaakiir te wo wujokeejok.

Epotor i 7:56

N'aane: —Arijamatan, ijuka bufor bu ni bífeŋgino, *n'Añi ute Húŋgowulan hu t'asiiŋee inde baatos Atambatun.

Kafeeñal ku 1:10

Tu hunak hite Anahaan u, Búwejet Beenabe bu nu bujokam, abe n'ijam inde hiñaawiam kaaji kéetumbe kiraas naane káabiinu.

Kafeeñal ku 1:12

N'iweteko kaanuku man n'ijuk an aa áhamin iyu n'íñje. N'ijuk báanaŋum bite búrundoora beemo hutok nu súsuba bite éwurus,

Kafeeñal ku 1:19

Náami a̱kiñj bamb'a̱juk iye: beebaje bu hahiye, ni beeja bu bibin kabaju.

Kafeeñal ku 11:12

Eyiŋana yite Atambatun bákasuba ku ni kajam kaaji kómbokun kéehaminna t'etiir bufor bu keeniin: «Árisirein beebe!» Ni kasiro ti kaafor keeja t'etiir bufor bu, enatoora yeeniin iŋi káheelin tu boko.

Kafeeñal ku 11:19

Kahaban, enuuf ite Atambatun yeeemo i t'etiir bufor bu n'éfeŋgino, abe ekees yéewufoore i *kaajamoor k'Atambatun áhine ku ni bakan koone n'ejukee t'enuuf yeene. Etiir i n'esib, n'awen toko, biranda bu nu busok, etaam i n'eyoŋoŋanooro, egalas yooŋ n'énubin.

Kafeeñal ku 16:17

Amalaka atoken u ni bákasuba n'áyuus ekot yeene t'eyam i. Kaaji kómbokun ni kíhaminn t'enuuf ite Atambatun, t'eriikeey ite híyiaate hu keene: «Hahiyu ahabanee!»

Kafeeñal ku 19:11

Hunuut toko, n'ijuk bufor béefeŋginee, abe efaliñj yeefañje n'éŋaasin. An eerabee u te yo huruwu hoone Éejube u, huruwu hoone yooŋ Múniyo mu. Aŋ'ajoonan, abe n'átuum ajoŋooree.

Kafeeñal ku 22:6

Abe amalaka u n'aanam: —Kirim konde kúwoorawoor, kite nu múniyo. Abe Atemit, Atambatun aa awun *eyiŋana yeene Búwejet boone áboñina fu amalaka oone eebin éewuforoor eroka yeene beeware bu kabaju memee.