Kafeeñal ku 3:5 - Kwatay (Kuwaataay)

⁵ An fe eeyak kariiŋan, o bisiimo wañ weefañje naane boko. It'itot huruwu hoone ti kaawiit kite buroŋ bu. Íñje kasoku tu buhooŋu Faafam n'emalaka yeene kaanuku akina an úuma.

Kafeeñal ku 3:5 ပူးပေါင်းရင်းမြစ်များ

Májiye 10:32

—An af'ásiiŋoorein n'íñje tu buhooŋu ésuk i, íñje yooŋ bísiiŋooreina ne o hágila Faafam eeemo u t'etiir.

Hirim Heetoofe hu hi Luk akiñje hu 10:20

Naane kuruwu koonuun kikiñjee i ti kaawiit kite Atambatun t'etiir bufor bu, h'ariware fu kahaŋu kasaŋgoor naane sirab su ii sijam t'aruun.

Hirim Heetoofe hu hi Luk akiñje hu 12:8

—Íñje isok fee n'aruun: an éesiiŋooreina n'íñje tu buhooŋu ésuk i, *Añi ute Húŋgowulan hu yooŋ bísiiŋooreina ne o hágila emalaka yite Atambatun.

Fílip 4:3

Awe yooŋ eeemo u burok wane bifeeneŋ, waasi, á̱yokunan haare hondu t'ésubaiin, íñje ilawi. Ábuki uni íriyemie fu t'étuum i t'afeeneŋ kaanuku Hirim Heetoofe hu heejamo, uni Kilemoŋiin, ni bakaaku bákawiyam fe kiŋki karok n'íñje. Atambatun akiñjakiñj kuruwu kooniin ti kaawiit koone kite buroŋ bu.

Eleetar i yi Sud akiñje i 1:24

Úsokoroor Atambatun afeeneŋ u eeŋaase u t'Anahaan ite úne Yesu *Kiris eefakan úne. Akina áyinie fu kajukaruun kaanuku atum'ariney, abe n'áhinuun ariisiiŋo hágilao, o éenike u. Aruun *kakuuru but, abe kikawuun katoofu dómbokun. Akina akino fu kániku ku, ni kahahu ku, ni sembe su, ni hiseefaate hu huta hu ti kájabina ku, ni hahiye, nu ko kireyi fe! Amiin.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.

Kafeeñal ku 19:8

Kawunowun eesiimo wañ wéewarie-wari, weesilane, abe nu wukuur but.» (Kaawañ kéewarie-warie ku keemo fu burok beejake bi bakan kite Atambatun káhine bu.)

Kafeeñal ku 2:11

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, eket ésooboriyan i et'émiño.»

Kafeeñal ku 2:7

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio eeteŋ ti miriyaay mite nunukanuk nunnu nuwun buroŋ bu neeemo nu t'etiir t'etool ite Atambatun.»

Kafeeñal ku 20:12

Abe n'ijuk keekete ku, sifaaf su ni biñi bu ti kasiiŋee hágila eriikeey ite híyiaate hu. Wuwiit nu wúfeŋginee. Kike kaawiit yooŋ ni kífeŋginee: ko keemo fu kaawiit kite buroŋ bu. Keekete ku ni kajoonanee aliik tu buroon bi karoke bu, naane bikiñjee i tu wuwiit wu.

Kafeeñal ku 20:15

An fe eeemo huruwu hoone hikiñjutee ti kaawiit kite buroŋ bu, n'áfiitenee ti han hite sineemak su.

Kafeeñal ku 21:27

Bare doon fe *deekuurut utu duyooso toko, n'an fe aŋ'áhin buroon béekojie, man yooŋ n'aŋ'ajuus. Keeemo ku kuruwu kooniin kikiñjee fu ti kaawiit kite buroŋ bu taŋ, kite k'Ametek u kaja fu buyooso ti hikinu hondu.

Kafeeñal ku 22:19

Abe an n'afin anuutan dike doon ti báhamin béenuutina bu t'Atambatun, beesokee bu ti kaawiit konde, Atambatun kanuutano húrub hoone tu nunukanuk nunnu nuwun buroŋ bu, nu húrub hoone yooŋ ti hikinu heenabe hu heesokee hu ti kaawiit konde.

Kafeeñal ku 3:12

An fe eeyak kariiŋan, íñje káhinio éeyemi éniñj t'enuuf ite Atambatun úuma, abe aroŋut hikee kánuutina toko. Íñje kakiñju te o huruwu hite Atambatun úuma, nu huruwu húuma híyeni hu, nu huruwu hite hikinu hite Atambatun úuma. Hikinu hondu heemo fu Serusalem éyeni i, yeeja i kánuutina t'etiir bufor bu t'Atambatun úuma yéewanein.

Kafeeñal ku 3:4

Bare a̱bajabaj t'awe Sarid bakaake keebuusatanut wañ wooniin. Boko bisiimo wañ weefañje iriiriboor, ábuki káhinahin naane kaware i káhinu.

Kafeeñal ku 6:11

Ni kawuniin huruw fe kaawañ keefañje, abe ni kaaniin kasooñ kariiko keeyih dikee, ábuki káliloolut. Bakatiiin ni bákawiyiin keeemo ku burokiin bifeeneŋ kawarawar yooŋ kayooliee naane boko.