Kafeeñal ku 3:1 - Kwatay (Kuwaataay)

¹ —A̱kiñj amalaka ite bakate ku Sarid *kéeyilene ku a̱ano: «An éeyekie u ñúwejet ñu hutok nu ñúsuba ñite ñ'Atambatun, nu wúloofiiloof wu hutok nu wúsuba wu aane: ímoomi buroon b'á̱hine bu fe. A̱jokeejok naane an eeroŋe, bare awe an eekete.

Kafeeñal ku 3:1 ပူးပေါင်းရင်းမြစ်များ

Hirim Heetoofe hu hi Luk akiñje hu 15:24

Ábuki fu añi úuma ondu aketaket yéeni, bare hahiye áriteino t'eket i; átowutatowuto yéeni, bare hahiye isooña ijuko.” Náami kásita yooŋ efeet yeetoofe-toof.

Hirim Heetoofe hu hi Luk akiñje hu 15:32

Bare úwarawar káhinu efeet kikaw úne keetoof, ábuki atii aketaket yéeni, bare hahiye áriteino t'eket i; átowutatowuto yéeni, bare hahiye isooña ijuko!”»

Saaŋ 1:16

An ondu ásoniyanasoniyan úne ti kajaku koone, abe n'asooñ áwutiyen.

Saaŋ 1:33

Ímeyiit yéeni kaanuku akina, bare Atambatun éeboñinam u kaboste ku nu móhujo aanamyen: «Awe kajuku Búwejet bu nu búwanein abe ni bikin t'ake. An ondu aja fu kaboste ésuk i nu Búwejet Beenabe bu.»

Saaŋ 20:22

H'asoke hu bondu ahaban, n'áwuur tu boko abe n'aaniin: —Aribaj Búwejet Beenabe bu!

Saaŋ 3:34

An a Atambatun áboñina u aŋ'asok kirim kite Atambatun, ábuki Atambatun awunowun Búwejet Beenabe beerume tak.

Epotor i 2:33

Ayiteeyit t'etiir inde *baatos Atambatun, abe akina Atambatun Faaf u n'asaano Búwejet Beenabe bu beefiyee bu busokee. O Yesu n'ásik bo asaan uni; bo b'af'arijuk iye, abe n'arijam yooŋ.

Efees 2:1

Hítiyar hu, árimoomi t'Atambatun naane bakan keekete aŋarkeyi naane aŋ'árijuum, abe yooŋ aŋ'arihoofoor.

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Kolos 2:13

Hítiyar hu, árimoomi t'Atambatun naane bakan keekete iŋ'ite wuhoofoor woonuun, ni naane ariteyit i karam. Bare hahiye Atambatun áhinuunhin ariisooñ ariroŋ ni Kiris. Aboŋketaboŋket úne wuhoofoor wute w'úne fe.

1 Timote 5:6

Bare anaare eeemo áyino aketaket, abe beetoofo bu taŋ b'af'áhin, naane aamo i buroŋ fe, akina an eekete.

Saak 2:26

Húŋgowulan heebajut síhiinu, o an eekete. Káyilen yooŋ keeriboorut ni manoŋkar meejake, ko yooŋ keekete.

1 Piyeer 1:11

Búwejet bite bu Kiris búmoomi tu boko, abe busoŋka busok sílaam s'aware su kajuku, nu buroon béewarie-warie beeja bu káseina. Eyiŋana yendu ni kaŋes yooŋ kámeyi kaakaŋ, nu buŋ bu bondu bija fu kabaju.

Eleetar i yi Sud akiñje i 1:12

Áfuñinanieefuñinani kaanuku bokondu keeñoofo n'aruun t'afeeneŋ. Káfuñaariit yooŋ kane káyemi ti hiriy, abe uŋu hooniin hu taŋ h'ifi kayinoor. Kámoomi naane etiir yéebaaniina, eyam i n'eteyoor ne yo, abe enubut. Kámoomi naane ñunukanuk ñéebukaariit, hutoof ewahatu yite te ño ereeŋe, ñunukanuk ñeerondee, butum ñéetumbe ñiket.

Kafeeñal ku 1:11

Ni keene: —Bamb'a̱juk iye, a̱kiñj bo ti kaawiit, abe n'a̱boñ ko *kéeyilene ku ti kikinu hutok nu kúsuba konde: Efees, Simirn, Perigam, Tiyatiir, Sarid, Filadelfi, ni Lawodise.

Kafeeñal ku 1:16

Ajokajok t'emoŋio yaatos i wúloofiiloof weemo hutok nu wúsuba, abe kábura keebaliŋge suf iŋi kíŋaasin tu butumo. Buhooŋio iŋi bisilan naane taanak tu kaajiŋgan far.

Kafeeñal ku 1:20

Wúloofiiloof wu hutok nu wúsuba wu w'a̱juke wu t'emoŋiam yaatos i, ni báanaŋum bite búrundoora bu hutok nu súsuba su bite éwurus i, iye i bije fu: wúloofiiloof wu hutok nu wúsuba wu weemo fu emalaka yite kéeyilene ku ti kikinu keemo hutok nu kúsuba; báanaŋum bite búrundoora bu hutok nu súsuba su ni bíyemi kéeyilene ku ti kikinu keemo hutok nu kúsuba.

Kafeeñal ku 1:4

Íñje Saaŋ ikiñje fee bakate ku ti kikinu keemo hutok nu kúsuba kite Asi *kéeyilene ku: Atambatun aja ásoniyanuun, abe n'awunuun káasuumaay, akina eeemo u, akina éeyemie u, akina eebin u. Ñúwejet ñu hutok nu ñúsuba ñu ñeeemo ñu hágila eriikeey yeene yite híyiaate hu ñija ñúsoniyanuun, abe nu ñuwunuun yooŋ káasuumaay.

Kafeeñal ku 2:13

ímoomi t'a̱kine du: Setani anaŋanaŋ toko eriikeey yeene yite híyiaate hu, bare a̱jokajok t'íñje alit tip. Antipas aseede úuma éejeŋginam u ayooleeyool t'aruun, toko ti Setani akine du. Awe bare, naane bondu bibaje i fe, a̱wasut káyilen ku t'íñje.

Kafeeñal ku 2:19

ímoomi buroon b'á̱hine bu fe. Ímoomi kaanuku á̱maŋamaŋi an, awe yooŋ an ite bifeeneŋ. Á̱ñiŋkaanañiŋkaan tu burok búuma, abe aŋ'á̱muñ dómbokun. Ímoomi kaanuku bamb'á̱hin hahiye bihaŋahaŋ bítiyar bu.

Kafeeñal ku 2:2

ímoomi buroon b'á̱hine bu bireyi fe, ni naane aa á̱miñooro tu burok, ni naane aa á̱muñ yooŋ. Ímoomi kaanuku a̱yinaat kakinu ni bakan keejakut ku. A̱jondomanajondoman yooŋ jak ti kiŋki kaane boko kaamo *epotor ayak a̱juk kaanuku nu múniyoiit, boko kajuuse.

Kafeeñal ku 2:9

ímoomi sílaam s'a̱amo su te so, ímoomi kabajaate kúuwe, bare t'Atambatun awe husaanum! Ijamajam kílafatinu ku kiŋki kálafatini. Bakan kondu iŋi kaane boko kaamo Esuwif, bare nu múniyoiit: boko bakan bakate Setani!

Kafeeñal ku 3:15

ímoomi buroon b'á̱hine bu fe. Ímoomi kaanuku a̱jokokanut, á̱sufut yooŋ. Tiŋkan yéeni bare a̱jokokanajokokan man yooŋ á̱sufasuf!

Kafeeñal ku 3:2

Á̱niyo! A̱litan beeŋeñene bu t'awe beeemo bii ti bija kaketu. Ábuki ijukajuk kaanuku t'Atambatun úuma, kunoŋk kúuwe kiyanut.

Kafeeñal ku 3:8

ímoomi buroon b'á̱hine bu fe. Ímoomi kaanuku a̱bajut sembe, bare á̱jeŋginajeŋgin hirim húuma, abe a̱teñekeitam. A̱juk, ífeŋginifeŋgin karuŋ k'an ayinaat kafeŋku.

Kafeeñal ku 4:5

T'eriikeey ite híyiaate hu yeeemo i t'etut, etiir i eŋ'esib toko, n'awen toko, biranda bu yooŋ nu busok. Kíit kéetife keemo hutok nu kúsuba kúmoomi hágila eriikeey yendu: ko keemo fu ñúwejet ñu hutok nu ñúsuba ñite ñ'Atambatun.

Kafeeñal ku 5:6

Náami iijuk Ametek t'asiiŋee kaagoroor n'eriikeey ite híyiaate hu. Muroon mibaakiir mu míhinohin t'etut, ni bíhaaniin bu yooŋ. Aŋ'a̱juk kite amooteemoot yéeni. Abajabaj wusiin weemo hutok nu wúsuba, ni ñíkin yooŋ ñeemo hutok nu ñúsuba. Ñíkin ñondu ñeemo fu ñúwejet ñu hutok nu ñúsuba ñite ñ'Atambatun, ñaññ'aboñ t'etaam i ereyi fe.