Kafeeñal ku 2:9 - Kwatay (Kuwaataay)

⁹ ímoomi sílaam s'a̱amo su te so, ímoomi kabajaate kúuwe, bare t'Atambatun awe husaanum! Ijamajam kílafatinu ku kiŋki kálafatini. Bakan kondu iŋi kaane boko kaamo Esuwif, bare nu múniyoiit: boko bakan bakate Setani!

Kafeeñal ku 2:9 ပူးပေါင်းရင်းမြစ်များ

Májiye 4:10

Náami Yesu eeeno: —A̱ja Setani! Ábuki busokeesok ti Míkiñjin mu kaanuku: «Á̱sukaay Atemit Atambatun úuwe, abe n'á̱jiŋgitan hágilao, o unoono taŋ.»

Hirim Heetoofe hu hi Luk akiñje hu 12:21

Yesu n'áwutiyen aane: —Iyu yooŋ i beemo fu n'an aŋ'akuukan ebaj bija te o humuumo, abe bare abajut doon fe t'Atambatun.

Hirim Heetoofe hu hi Luk akiñje hu 22:65

Abe n'iŋi kálafatino kep.

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Hirim Heetoofe hu hi Luk akiñje hu 6:20

Yesu n'áheelin eriboora yeene abe n'aane: —Atoof t'aruun keebajut ku doon fe, ábuki aruun arikino fu *Jáyi jite Atambatun!

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Epotor i 26:11

Iŋ'ifand káhinu kéehihinooree ti *ñáalawum ñu, kaanuku man ni kawas káyilen kooniin. Hiiŋam hihaŋahaŋ kásufu tu boko isooñen n'iŋ'iŋ'inabaniin ti kikinu keekambe-kamb.»

Eleetar i yi Pool akiñje i bakate ku Rom 12:12

Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

Eleetar i yi Pool akiñje i bakate ku Rom 2:17

Hahiyu íitif t'awe, awe aa a̱ane awe a̱amo Asuwif, a̱yakarayakar *t'Eluwa yite Moyis, abe n'aŋ'a̱mak a̱ane Atambatun úuwe u.

Eleetar i yi Pool akiñje i bakate ku Rom 5:3

Abe bóndiiit barebare: kikaw úne uŋu kutoof yooŋ kane újuk sílaam, ábuki úmoomi kaanuku sílaam af'abuk kámuñu;

Eleetar i yi Pool akiñje i bakate ku Rom 8:35

Naŋ fíya níyinie fu kákinineŋ kámaŋi ki Kiris ámaŋie ku úne nu kuwas? Sílaam su fíya, man yooŋ kátaañi ku, man yooŋ káhihinoor ku, man yooŋ bujoñjol bu, man yooŋ kabajaate ku, man yooŋ doon déekolinanie, man yooŋ eket i?

Eleetar i yi Pool akiñje i bakate ku Rom 9:6

Eenut Atambatun áhinut b'asoke bu, aaa. Bare káanukiiit bakañi Israyel kareyi fe kaamo fu bakañi Atambatun bakate ku nu múniyo.

2 Korent 6:10

Iŋi káhin uni íriitaañian, bare ko kireyi fe iŋ'iritoofan. Írimoomi naane bakan keebajut, bare iŋ'írihin keehooje kéeyemi kusaanum ti bítim bu. Írimoomi naane bakan kéeyekiit doon fe, bare uni irikino fu buroon bireyi fe.

2 Korent 8:2

Kajukajuk bo sílaam sómbokun, bare kikawiin kútumbatumba kutoof kasooñen naane aamo i kabajut doon fe-fe-fe, doon di kawune du dihahahah.

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

1 Tesalonik 3:4

H'íriyemie hu t'aruun, irisoŋkuun busok kaanuku úne káhihinooree. Abe árimoomi kaanuku bo yooŋ bibaje fu.

1 Timote 1:13

Hítiyar hu, iŋ'isok te o beejakut, iŋ'ílafatino yooŋ, abe n'iŋ'íhihinoor bakan koone. Bare Atambatun ayubiyenamyubiyen, ábuki ámoomi kaanuku bimb'íhinaani fe, ti kámeyiaate, abe íyilenut yéeni ti Kiris.

1 Timote 6:18

A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 2:13

ímoomi t'a̱kine du: Setani anaŋanaŋ toko eriikeey yeene yite híyiaate hu, bare a̱jokajok t'íñje alit tip. Antipas aseede úuma éejeŋginam u ayooleeyool t'aruun, toko ti Setani akine du. Awe bare, naane bondu bibaje i fe, a̱wasut káyilen ku t'íñje.

Kafeeñal ku 2:2

ímoomi buroon b'á̱hine bu bireyi fe, ni naane aa á̱miñooro tu burok, ni naane aa á̱muñ yooŋ. Ímoomi kaanuku a̱yinaat kakinu ni bakan keejakut ku. A̱jondomanajondoman yooŋ jak ti kiŋki kaane boko kaamo *epotor ayak a̱juk kaanuku nu múniyoiit, boko kajuuse.

Kafeeñal ku 2:24

«Bare aruun bakaaku bakate ku Tiyatiir kéeyilene ku, ariteñekateñeko maliikenar mondu. N'ariteñeko yooŋ kámeyi bondu bimbi kaane: “béesulie bite bu Setani”. Íñje isok fee n'aruun: it'isejanuun bike,

Kafeeñal ku 3:9

Iye i ija fu ni bakan kite Setani, ejuusa yendu kiŋki kaane boko kaamo Esuwif abe bare nu múniyoiit: íñje kanoŋkooraniin keebin kéesukaayi, kéemeyi kaanuku ímaŋiimaŋi.

Kafeeñal ku 7:14

N'ísafino eeno: —Ámuse u, bondu awe á̱meyie fu bo. Náami eeenam: —Boko kaamo fu kéenuutina ku ti sílaam sómbombokun su. Kañawañaw wañ wooniin, abe ni kafañjan wo ti halan hite Ametek u.