Kafeeñal ku 2:3 - Kwatay (Kuwaataay)

³ Ímoomi yooŋ kaanuku á̱muñamuñ aa, a̱jukajuk sílaam uŋu húuma hu, abe a̱ruuseit hikee.

Kafeeñal ku 2:3 ပူးပေါင်းရင်းမြစ်များ

Mark 15:21

Ake ániine ite Siren, huruwu hoone Simoŋ, n'áŋaasin ne bo kane ánuutin ti hitaaŋaat. Akina aamo fu faaf ite Aleksandur nu Rufus. Esulaan i ni kanoŋkoorano eeyit *ekuruwa yite Yesu.

Hirim Heetoofe hu hi Luk akiñje hu 14:27

An eekandeit *ekuruwa yeene abe n'áseinam ti hiñaawu, ayinaat káyemi ariboora úuma.

Hirim Heetoofe hu hi Luk akiñje hu 18:1

Yesu n'asok eriboora yeene beekolofanee bonde, éewufooriin kaanuku kawarawar kalawu ko kireyi fe, itim kawas.

Hirim Heetoofe hu hi Luk akiñje hu 21:19

Af'arijok alit tip, n'aŋ'aribaj buroŋ béehabanaariit bu.

Hirim Heetoofe hu hi Luk akiñje hu 5:5

Simoŋ n'aano: —Ámuse u, irimbaalambaal fu huhuk he fe írilaam, abe irijokut doon tus. Bare makamu awe a̱soke fee, íñje káfiiten simbaalu su.

Hirim Heetoofe hu hi Luk akiñje hu 8:15

Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

Saaŋ 15:21

Bare boko káhinuuun bondu fe aŋarkeyi naane aruun bákuuma ku, ábuki kámeyiit an éeboñinam u.

Eleetar i yi Pool akiñje i bakate ku Rom 12:12

Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

Eleetar i yi Pool akiñje i bakate ku Rom 16:12

Arisaafam Tirifen ni Tírifoos kiŋki karok bija t'Anahaan u, n'ániinam Persid yooŋ i ímaŋie-maŋie u, éelaame aa tu burok bu bija t'Anahaan u.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 8:25

Bare uf'úyakar doon d'újukoorut, uŋ'úmoken do.

1 Korent 13:7

Kámaŋi an aŋ'áhin an u n'ámuñ tu doon areyi fe, n'áyilen abe n'ayakar ko kireyi fe, abe n'ájokumooro tu doon areyi fe.

1 Korent 16:16

árijeŋgin bakan naane bokondu, ni kiŋki karok nu boko káhabanein.

2 Korent 10:15

Irimakut tu burok bi bakaaku káhine bu. Bondu bijaaŋajaaŋo eraju yite y'uni. Bare iriyakarayakar kaanuku káyilen koonuun ifi kihaŋ kayanu, burok bite b'uni t'aruun n'iŋi bíyini yooŋ kahaŋu, bare it'irijaaŋo eraju y'Atambatun asiiŋane i.

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

2 Korent 4:1

Atambatun ayubiyene fu eesaan uni burok bondu; iŋ'ite ho h'iriñakeit fu ni hiñaawu.

2 Korent 4:16

Iŋ'ite ho h'úñakeit fu hikee ni hiñaawu. Hutoof yooŋ sini site s'úne uŋu súbujo ni diŋgilis, ni diŋgilis, ñúwejet ñite ñ'úne iŋi ñihaŋ káyemi ñíyeni húnakonak.

2 Korent 5:9

Náami b'úhaŋe bu kámaŋi beemo fu útoofo t'úyino fe káyemi, úne káaroŋin ni sini site s'úne, man yooŋ úne káanuutin te so.

2 Korent 6:5

ni bímiñ bu, nu tu bukulu bu, ni ti naane ésuk i ee erito iŋ'ite h'uni, nu ñurok ñeeniŋe ñu, ni kaŋotaate ku, ni kañoofaate ku.

Galasi 6:2

Áriyokunanoor ti bisejo bite meeniŋe moonuun. Af'árihin iyu, n'aŋ'árijeŋgin eluwa yite *Kiris.

Galasi 6:9

Utum'úene úlaama ti káhinu kite meejake mu, ábuki uf'úñiŋkaan, af'areeŋee kep, úne káhotukan.

Fílip 2:16

aruun ti káwufooriin hirim hite buroŋ bu. Af'árihin iyu, n'iŋ'íyini kasaŋgoor n'aruun hunak hi *Kiris abin hu te ho. Bo káwufoor kaanuku burok búuma bireyi fe káfiiteniit, iñeekut yooŋ fuufu.

Fílip 4:3

Awe yooŋ eeemo u burok wane bifeeneŋ, waasi, á̱yokunan haare hondu t'ésubaiin, íñje ilawi. Ábuki uni íriyemie fu t'étuum i t'afeeneŋ kaanuku Hirim Heetoofe hu heejamo, uni Kilemoŋiin, ni bakaaku bákawiyam fe kiŋki karok n'íñje. Atambatun akiñjakiñj kuruwu kooniin ti kaawiit koone kite buroŋ bu.

Kolos 1:11

Iŋ'irilawo yooŋ kaanuku man n'awunuun ti sembe soone séenike su, aŋ'aribin árimuñ ko kireyi fe, abe n'arijok yooŋ alitee ni katoofu kómbokun.

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

1 Tesalonik 2:9

Kújakuwe, áribaŋinabaŋino naane ii irirok aniŋee. Iŋ'irirok kaajiŋgan ni káajiim kaanuku an t'aruun atum'álaam t'uni, uni ti kasoku koonuun Hirim Heetoofe hite h'Atambatun.

1 Tesalonik 5:12

Kújakuwe, uni bokondu ti kalawuuun bonde: árijeŋgin égila yeenuun kiŋki karok t'aruun, abe ni karimuun, ábuki Anahaan u ajifaniin fu.

2 Tesalonik 3:13

Kújakuwe, aruun bare, atum'ariene árilaamalaam káhinu kite meejake mu.

2 Tesalonik 3:5

Anahaan u Yesu *Kiris aja ajoŋooran siheluun, éehinuun aŋ'árimuñ naane akina, abe n'áhinuun áriimaŋi yooŋ Atambatun.

2 Tesalonik 3:8

Iriñoofeit t'an fuufu. Aaa, iŋ'irirok burok beeniŋe kaajiŋgan ni káajiim kaanuku an t'aruun atum'álaam t'uni.

1 Timote 4:10

Bondu bíkinineŋe fu n'uŋ'úrok, abe n'uŋ'útuum yooŋ, ábuki úsikasik eyakar ite úne únaŋ t'Atambatun eeemo u buroŋ. Akina aamo fu *Afakana ite kúŋgowulan ku kareyi fe, áhaŋum kéeyilene ku.

1 Timote 5:17

*Sifaaf ifi kajoŋooran áwariee kéeyilene ku, bajaam booniin buwareewar káwutiyen tu kúsuba, áhaŋum ti kiŋki káñiŋkaan ti kawaare ku, ni kaliiken kite ésuk i.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

Esuwif i 13:13

Náami úja úŋaaboo tíyaŋ hikinu hu, núulafatinee naane akina.

Esuwif i 6:10

Atambatun ájubajub. At'afiil burok b'árihine bu, ni naane árimaŋio i. Áriwufoorowufoor kaanuku árimaŋiomaŋi ti naane áriyokunane i bakan k'akino ku, abe ariroŋa yooŋ n'áriyokunaniin.

Esuwif i 6:12

Írimaŋiit áriyemi biñek. Bare arineefan ti kiŋki kabaj doon d'Atambatun aane du o kawuniiin aŋarkeyi naane káyilenayilen, abe ni kámuñ.

Esuwif i 6:15

Aburaham n'anahan ti kámuñu yooŋ kep, abe n'abin abaj b'Atambatun afiye bu asoko.

2 Piyeer 1:6

ti kámeyi ku b'Atambatun ámaŋie bu n'áriwutiyen toko bújokumooro; tu bújokumooro bu n'áriwutiyen toko kajoku alitee ti káyilen ku; ti kajoku ku alitee ti káyilen ku n'áriwutiyen toko káhinu naane Atambatun ámaŋie i;

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 3:10

Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.