Kafeeñal ku 10:1 - Kwatay (Kuwaataay)

¹ Hunuut toko, n'ijuk ake amalaka eebaje sembe kane áwanein ánuutin t'etiir bufor bu. Ákumbaloolakumbaloolo ni kaafor, abe kaajeŋgeleet kuŋoloolaŋolool hikawo. Buhooŋio uŋu burum naane taanak tu, abe wuwoto nu wúyemi naane síniñj site sineemak.

Kafeeñal ku 10:1 ပူးပေါင်းရင်းမြစ်များ

Májiye 17:2

N'ahosanooro toko hágilaiin. Buhooŋio uŋu bútumb bisilan naane taanak tu, abe wañ woone nu wufañj daŋ naane hiim hu.

Hirim Heetoofe hu hi Luk akiñje hu 21:27

Abe ésuk i n'iŋi kajuk *Añi ute Húŋgowulan hu ti bibin tu bufor bu ni sembe, o káanikin naane.

Epotor i 26:13

Maan, ímoomi ti bija bu areeŋ kaajiŋgan ku, n'ihaŋ ijuk meejaaŋe méenuutina t'etiir bufor bu, meehaŋe mite taanak tu. Ni mijaaŋanam, íñje ni bakanam k'iririboore ku.

Kafeeñal ku 1:7

Arijuk, ondu ti bibin tu bufor bu! Ésuk i fe, bija yooŋ ni keeyao ku kajukio ni ñíkiniin. Búsuk bite t'etaam ye fe kayiyu uŋu hoone hu. Hee bondu kabaju! Amiin!

Kafeeñal ku 18:1

Hunuut toko, n'ijuk ake amalaka éenuutina t'etiir bufor bu áwanein. Sembe soone sihahahah, abe kániku koone ni kijaaŋan etaam i.

Kafeeñal ku 18:21

Náami ake amalaka eebaje sembe ásika ejuju yómbokun yeeniŋe naane, abe n'áfiiten yo ti han hu o ti kaanu: «Awe yooŋ Babilon hikinu hómbombokun hu, iyu a a̱yakee fu káfiiten ni sembe, abe an aroŋut káheelin t'awe hikee-kee.

Kafeeñal ku 20:1

Hunuut toko, n'ijuk amalaka tu búwaneina ánuutin t'etiir bufor bu. Ajokajok t'emoŋio ejaab ite kaayeen kéesulie-sulie ku, ni baasel bómbokun.

Kafeeñal ku 4:3

An ondu aŋ'átumb asilan naane. Kaajeŋgeleet kuŋoloolaŋolool eriikeey ite híyiaate hu, abe iŋi kisilan yooŋ naane.

Kafeeñal ku 5:2

N'ijuk yooŋ amalaka eebaje sembe ti kataŋku aane: —Aañ aamo fu eereeŋe kanuutan naane kaawiit ku kukotanee i éebandin ko?

Kafeeñal ku 8:13

N'isooñ íheelin, n'ijuk kalañjaŋanaa tu búwiito, abe kiliŋanaliŋan. N'ijam ko ni kitaŋk keene: «Kátaañi! Kátaañi! Afin ayak buŋ kátaañi ti bakate etaam i kane wúbiinu wute bakaaku emalaka bákahaaji ku wusok!»