Kafeeñal ku 1:9 - Kwatay (Kuwaataay)

⁹ Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 1:9 ပူးပေါင်းရင်းမြစ်များ

Májiye 20:23

Náami Yesu eeeniin: —Múniyo aruun búhujo t'ekot íima. Bare hite biriiko bu inde baatosam n'inde baamayam, bondu búuma bíiit. Báariikeim bondu bíhineehin bija ti bakan ki Faafam afaree ku bo.

Mark 10:39

Ni kaano: —Hee, írinooni. Náami Yesu eeeniin: —Múniyo, aruun búhujo t'ekot ite sílaam su y'ija i búhujo ne yo, abe aruun kabostee yooŋ naane iyakee i kaboste.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Epotor i 1:15

Tu kunak kondu, *kéeyilene ku bokondu ti kakuukanooree du (kareeŋ téemeer nu butuman), Piyeer n'arito asiiŋo t'etut abe n'aaniin:

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Eleetar i yi Pool akiñje i bakate ku Rom 8:17

Abe makamu úne bakañio, úne kabaju húrub t'ebaj y'anaŋe i bija ti bakan koone. Úne kamaatu te yo ni Kiris, ábuki uf'úmaat ti sílaam soone, úne yooŋ kamaatu ti kániku koone.

Eleetar i yi Pool akiñje i bakate ku Rom 8:25

Bare uf'úyakar doon d'újukoorut, uŋ'úmoken do.

2 Korent 1:7

Abe iribajabaj eyakar yómbokun uŋu hoonuun hu, ábuki írimoomi kaanuku naane aa arimaat iye ti sílaam site s'uni, aruun kabeetooree naane uni.

Fílip 1:7

Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

Fílip 4:14

Bare árihinahin áwari aa naane ariseeŋaam i ti sílaam súuma.

2 Tesalonik 3:5

Anahaan u Yesu *Kiris aja ajoŋooran siheluun, éehinuun aŋ'árimuñ naane akina, abe n'áhinuun áriimaŋi yooŋ Atambatun.

2 Timote 1:8

Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

Kafeeñal ku 1:1

Kaawiit konde kíyekie fu béenuusee bu bi Yesu *Kiris afeeñale bu. Atambatun n'áhino éemeyi bo kaanuku éewufoor bo kiŋki karok bija te o, man ni kámeyi beeware bu kabaju memee. Yesu Kiris n'áboñin amalaka oone eebin eesokam bo, íñje Saaŋ aroka oone.

Kafeeñal ku 1:2

Abe isokasok b'ijuke bu bireyi fe: bo beemo fu hirim hite Atambatun, nu múniyo mi Yesu Kiris áwufooram mu.

Kafeeñal ku 1:4

Íñje Saaŋ ikiñje fee bakate ku ti kikinu keemo hutok nu kúsuba kite Asi *kéeyilene ku: Atambatun aja ásoniyanuun, abe n'awunuun káasuumaay, akina eeemo u, akina éeyemie u, akina eebin u. Ñúwejet ñu hutok nu ñúsuba ñu ñeeemo ñu hágila eriikeey yeene yite híyiaate hu ñija ñúsoniyanuun, abe nu ñuwunuun yooŋ káasuumaay.

Kafeeñal ku 1:6

Áhinahin úne núuyemi bakan bakate ti jáyi joone. Áhinahin úne yooŋ núuyemi éhina *wusarah bija t'Atambatun Faafo. Yesu Kiris aja ákini hiraanu kániku ku ni sembe su! Amiin.

Kafeeñal ku 11:7

Ifi kátiban kaseede ku, éndakakureŋ kánuutina ti kaayeen kéesulie-sulie ku yéelohumiin. Yo bikaleiin, abe n'eŋ'eyooliin.

Kafeeñal ku 12:11

Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.

Kafeeñal ku 12:17

Éjufuur i n'eyiŋat t'anaare u dómbokun, abe n'eja yeetiik bakañio keeŋeñene ku. Boko kaamo fu kéejeŋgine ku buluwa bite Atambatun, abe ni kajok yooŋ tu múniyo mi Yesu áwufoore mu.

Kafeeñal ku 13:10

An eeemo ite bibin kajokiee eekulee, o bibin kakuliee. An eeemo ite bibin kayooliee ni kábura, o kayooliee ni kábura. Iŋ'ite ho aamo fu bakan kite Atambatun kawarawar kámuñu, itim kawas káyilen ku.»

Kafeeñal ku 14:12

Iŋ'ite ho aamo fu bakan kite Atambatun, kiŋki kájeŋgin buluwa boone, abe ni kajok alitee ti Yesu kawarawar iŋi kámuñu.

Kafeeñal ku 19:10

Náami íjiŋgitana bite wuwoto kaanuku íisukaayo, bare n'aanam: —A̱was, atum'á̱hin bondu! Íñje aroka yooŋ naane awe, ni bakatii keejoke ku múniyo mi Yesu áwufoore mu. Á̱sukaay Atambatun! Múniyo mi Yesu áwufoore mu meemo fu búwejet beeemo bu *t'eyiŋana yite Atambatun.

Kafeeñal ku 20:4

Hunuut toko, n'ijuk siriikeey site híyiaate. Keeriikee ku te so ni kawunee sembe site kajoonan. N'ijuk yooŋ siyaan site bakan ki kafarane ku kikaw iŋi naane ii kaseede Yesu, abe ni kawaare yooŋ hirim hite Atambatun. Boko kásukaayut éndakakureŋ i, nu búwisenum bite te yo, abe káhinutee ékeetanuma i tu kúyuut, nu tu sumoŋu. Ni kásooñin buroŋ, kéeyemi bákayi ni *Kiris bija simit éñjune.

Kafeeñal ku 3:10

Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.

Kafeeñal ku 6:9

Ahaban, Ametek u n'ákotin húkotanin hutoken hu. N'ijuk *ataabul ite *wusarah wu, abe n'ijuk t'etaamo siyaan site bakan keeyoolee ku aŋarkeyi naane kajokajok hirim hite Atambatun, abe ni kaseede ho.

Kafeeñal ku 7:14

N'ísafino eeno: —Ámuse u, bondu awe á̱meyie fu bo. Náami eeenam: —Boko kaamo fu kéenuutina ku ti sílaam sómbombokun su. Kañawañaw wañ wooniin, abe ni kafañjan wo ti halan hite Ametek u.